ебр – Kurir.mk

Припадниците на ЕБР при МВР и БСС „Волци” при АРСМ реализираа заедничка вежба како резултат на реализираната обука за летна алпинистика и јазење (ВИДЕО)

Катерина Бојаџиева — Wed, 04 Oct 2023 12:13:30 +0000

Припадниците на Единицата за брзо распоредување при БЈБ на МВР во изминатиот период во неколку наврати учествуваа во обука од областа на летна алпинистика и јазење, реализирана од страна на припадници на Баталјонот за специјални сили „Волци” при Армијата на Република Северна Македонија. Како резултат на спроведената обука, во периодот од 26.09.2023 до 03.10.2023 година беше извршена подготовка за завршна вежба со сценарио „Спасување на повредени лица од тешко прооден карпест предел”. Вежбата беше реализирана на полигонот за летна алпинистика и јазење во Демир Капија, на која покрај припадниците на ЕБР и БСС „Волци“, како учесници, присуствуваа и раководните старешини од единицата во состав на БЈБ-МВР и баталјонот при АРСМ. Успешно реализираната вежба и драгоценото заедничко искуство покажа дека соработката на единиците во извршување на ваков вид на обуки и заеднички вежби е на многу високо ниво, што се очекува да се демонстрира и во реални услови при извршување на заедничките задачи.

Спасовски го посети припадникот на ЕБР кој беше повреден во спасувачката акција на Шара

Ивона Петрова — Tue, 15 Nov 2022 09:37:29 +0000

Министерот за внатрешни работи Оливер Спасовски утрово, во комплекс клиниките Мајка Тереза, во Одделот за торакална хирургија, го посети припадникот на Единицата за брзо распоредување, кој се здоби со повреди за време на спасувачката потрага по алпинисти на Шар Планина минатата недела. Како што објави Спасовски на неговиот фејсбук профил, станува збор за еден од поискусните колеги со 24 годишно искуство, старешина, командир на вод, кој доброволно се пријавил во спасувачката потрага да се спаси човечки живот. – Огромно признание и почит до колегата, како и до сите кои учествуваа во спасувачката потрага – екипи на МВР од ЕБР и САЕ „Тигар”, СВР Тетово, кои со специјални теренски возила и хеликоптер се упатиле на посоченото место на Шар Планина каде што извршија прифаќање и извлекување на колегата и алпинистите. Благодарност и до Центарот за управување со кризи и ТППЕ Тетово, како и до медицинските лица за укажаната нега, напиша Спасовски на фејсбук.

ФОТО+ВИДЕО: „Секогаш секаде“, одбележан денот на ЕБР

Ивона Петрова — Tue, 23 Aug 2022 11:56:44 +0000

Во полицискиот центар ,,Ѓорче Петров "се одржа свечена церемонија на која Министерството за внатрешни работи одбележа 21. година од формирањето на Единицата за брзо распоредување. Дводецениските резултати и постоењето на оваа единица, без која реално не може да се замисли полициското работење, благодарение на актуелното раководство на МВР, веќе традиционално се валоризираат во пригодна свеченост посветена на денот на формирањето на оваа единица. Формирана во 2001 година по пример на европските „сили за брза реакција“, се трансформира и го менува името неколку пати, за да воспостави врвни европски полициски стандарди во своето работењето со што улогата која ја има во безбедноста на државата секој ден станува сè поважна и позначајна. Во своето обраќање пред присутните министерот за внатрешни работи Оливер Спасовски , истакна дека ова не е само датум на кој се слави денот на формирањето на единицата туку нејзините бројни достигнувања на кои сме сите сме горди години наназад. Министерот Спасовски потенцираше дека полициската професија секојдневно е соочена со безброј предизвици на кои треба веднаш да се одговори, како на неодамнешните насилни протести, на кои ЕБР уште еднаш ја покажа својата професионалност и посветеност во зачувување на безбедноста на институциите и граѓание на државата. Командантот на Единицата за брзо распоредување Вице Столески потсети дека од нејзиното формира до денес, ЕБР е вклучена во извршување на многубројни сложени и ризични безбедносни задачи, кои помогнаа единицата да се зацврсти и изгради како фактор на безбедноста на граѓаните и еден од столбовите за стабилноста на државата. -Единицата за брзо распоредување високо на лествицата на безбедносниот систем на државата, а како Единица во состав на Одделот за специјални полициски операции претставува суштествена вооружена формација на Министерството за внатрешни работи, која може секогаш и секаде да одговори на сите безбедносни предизвици. Без лажна скромност ќе ми дозволите да кажам дека навистина сме горди на постигнатото, бидејќи 21 година подоцна со полно право можеме да кажеме дека припаѓаме на Единица која е дел од историјата, која живее во сегашноста и ќе биде основа за безбедноста на граѓаните и државата во иднина, потенцираше командантот Столески. Столески изрази посебна, искрена благодарност до семејствата на починатите на Единицата и потсети дека нивната храброст и жртвата која ја дадоа, никогаш нема да бидат заборавени, а на граѓаните им порача да бидат спокојни и мирни, да имаат потполна доверба во ЕБР бидејќи Единицата за брзо распоредување е секогаш тука за нив. На свеченоста беа доделени јубилејни плакети за најуспешните припадници на Единицата, за оние кои одбележуваат 5, 10, 15 и 20 години работа во нејзините редови, но и за пријателите и соработниците на Министерството за внатрешни работи и ЕБР. Во чест на Единицата беше емитуван и промотивен видео спот, а на крајот на свеченоста гостите ја посетија Спомен собата на ЕБР, каде се потпишаа во спомен-книгата на Единицата. Официјални делегации од Владата, Министерството за внатрешни работи, семејствата на загинатите и починатите припадници на Едницата, делегација од Македонскиот полициски синдикат, од Одделот за специјални полициски операции и од самата Единица положија свежо цвеќе на Спомен плочата на загинатите припадници на ЕБР.

„СЕКОГАШ-СЕКАДЕ“ – ЕБР одбележува 20 години од формирањето

Ивона Петрова — Mon, 23 Aug 2021 05:33:44 +0000

Единицата за брзо распоредување – ЕБР при Министерството за внатрешни работи денеска со пригодна свеченост, почитувајќи ги протоколите за заштита од Ковид-19, ќе одбележи 20 години од формирањето. ЕБР е формирана во 2001 година, сместена е во касарната Ѓорче Петров. Нивните основни задачи се: Директна акција, специјални извидувања, борба против тероризам, обезбедување на домашни и странски ВИП личности, обезбедување на политичари...

Крводарителска акција на припадниците на Единицата за брзо распоредување

Тале Кристо — Fri, 20 Aug 2021 13:33:02 +0000

Денеска, (20.08.2021) припадниците на Единицата за брзо распоредување во кругот на Полицискиот центар „Ѓорче Петров“ учествуваа во крводарителска акција, во соработка со Црвен крст од Општина Карпош и Институтот за трансфузиона медицина од Скопје. Во крводарителската акција што беше организирана во пресрет на претстојниот јубилеј, 20-години од формирањето на Единицата активно учествуваа 35 припадници на Единицата за брзо распоредување.

Спасувачката акција над село Разловци

Тале Кристо — Sat, 07 Aug 2021 14:43:36 +0000

Министерството за внатрешни работи, во изминатото деноноќие, ангажираше околу 616 полициски службеници, 224 мото-патроли и 189 возила во активностите за гаснење и превенирање на пожарите на целата територија на Република Северна Македонија. Како што информираат од МВР, полициски службеници од Единицата за брзо распоредување и граничната полиција учествуваа и во спасувачката акција над село Разловци – Врв Чокалица на 1.400 метри надморска височина.

НЕ Е ВЕЖБА: ЕБР спаси човечки животи на скопската обиколница (ФОТО)

Катерина Бојаџиева — Wed, 12 Jun 2019 10:15:36 +0000

Статусот на Трајче Мешков во групата „Ѕид на сообраќајниот срам“, опишува каква била ситуацијата вчера при собраќајката на скопската обиколница. Краток осврт на вчерашната сообраќајна незгода: Локација, сам почеток на обиколница од страна на Тетово према Скопје (некаде кај Волково). Учесници 2 камиона од кои едниот се забива во задниот дел на другиот …. Јас дојден прв, само неколку мига после сообраќајката, Шоферот и совозачот (дете од 10 години) приклештени од ударот не можат да мрднат (воланот беше буквално кај вратот на шоферот) Поентата на постот е следнава : САКАМ ДА ГИ ПОЗДРАВАМ СИТЕ ОНИЕ 100/150 ВОЗИЛА КОИ ПРОБАВ ДА ГИ ЗАПРАМ ДА МИ ПОМОГНАТ, А МЕ ПРЕЛЕТАА СО 140/150 …. НИКОЈ, БУЛВАЛНО НИКОЈ НЕ ЗАПРА 10 МИНУТИ ….., пишува Мешков. Први на помош, Единица за брзо распоредување- ЕБР во полициско возило кое запрело од другата насока од автопатот. -Секоја чест момци. СЕ НАДЕВАМ НА БРЗО ЗАКРЕПНУВАЊЕ НА ПОВРЕДЕНИТЕ…., додава Мешков.

Драма пред ГОБ „8-ми септември“: Затворската полиција и Алфите бараа засилување- повикани припадници на ЕБР

Ивана Ефремовски — Thu, 21 Feb 2019 17:06:26 +0000

Затворската полиција и припадници на Алфите во огромен број беа присутни пред ГОБ „8-ми Септември“. Постојано викаа засилување, а од пред малку на терен со нив се и припадници на Единицата за брзо распоредување. Затворските полицајци, во мал број, прво беа таму поради примањето на претепаниот Миле Јанакиески. Потоа во неколку наврати бараа засилување кога и пристигнуваа поголем број на Алфи. Последното засилување беше со припадници на ЕБР. Не е познато зошто процениле дека е потребно волку засилено обезбедување.

ФОТО: Власта со сите сили против граѓаните кои не се согласуваат со договорот од Преспа

Ивана Ефремовски — Sun, 18 Nov 2018 18:13:17 +0000

Во моментов се одржува протест пред македонското Собрание, на кој огромен број на граѓани го изразуваат своето незадоволство од Договорот со Преспа и уставните измени кои следуваа по него. Пеејќи македонски песни, веејќи македонски знамиња и испракајќи патриотски пораки, демонстрантите се однесуваат мирно. Наспроти нив, врие од полиција. Голем број на униформирани припадници на ЕБР се поставени на готовс. На овој начин, Власта застана со сите сили против граѓаните. Претходно, им беше вршен притисок од страна на полицијата, на граѓаните кои од другите градови тргнаа кон Скопје.