ебрд – Kurir.mk

ЕБРД: Пандемијата ќе има негативно влијание врз економијата

Ивона Петрова — Thu, 19 Mar 2020 11:35:52 +0000

Пандемијата на новиот коронавирус ќе има негативно влијание врз економиите ширум регионот на Европската банка за развој и развој, но заздравувањето би можело да биде силно откако ќе запре епидемијата. ЕБРД, која инвестира во 38 економии на три континенти иницира итен пакет за солидарност, чија почетна вредност се проценува на една милијарда евра, за помош на компаниите, а до крајот на март ќе бидат објавени детални економски прогнози за регионите на ЕБРД. Според Банката, пандемијата во исто време влијае врз понудата и потрошувачката, а конечното економско влијание ќе зависи од траењето на пандемијата, како и од националните политики и од здравствените мерки што се преземени за борба против Ковид-19. Според ЕБРД индиректните ефекти врз економијата вклучуваат прекин на глобалниот синџир за снабдување, послабата надворешна побарувачка, пониските цени на нафтата и артиклите и широк регионален пад во туризмот и патувањата. – Приливот на дознаки во некои земји би можел значително да се намали ако емигрантите го загубат работното место или е можат да патуваат, наведува ЕБРД.

Потпишување договор за заем за изградба на фотонапонската централа Осломеј

Ивана Ефремовски — Fri, 04 Jan 2019 07:11:50 +0000

Потпишување на договор за заем помеѓу ЕБРД (Европска банка за обнова и развој) и ЕЛЕМ за фотонапонската централа Осломеј ќе се одржи денеска во Медиа центарот на Владата на Република Македонија. Како што соопшти владината прес-служба, договорот ќе го потпишат директорот за енергетика и енергетски капацитети на ЕБРД, Хари Бојд Карпентер и директорот на ЕЛЕМ, Драган Миновски. На свеченоста по повод потпишување на договорот ќе се обратат премиерот Зоран Заев, заменик претседателот на Владата задолжен за економски прашања Кочо Анѓушев и министерот за економија Крешник Бектеши.

ЕБРД ја подигна прогнозата за раст на Србија за 2018 година на 4,2 проценти

Ристе Здравков — Thu, 01 Nov 2018 13:42:16 +0000

Европската банка за обнова и развој ја зголеми прогнозата за раст на бруто-домашниот производ на Србија за 2018 година за 1,3 процентни поени, од 2,9 отсто, во мај на 4,2 отсто. Во најновиот извештај објавен денеска на оваа финансиска институција,банката ја задржа прогнозата за економски раст на Србија за 2019 година на претходно утврденото ниво од 3,5 проценти. ЕБРД нагласува дека „по скромниот раст во 2017 година (2,0 проценти), економијата во првата половина од 2018 година, бележи експанзија од 4,9 отсто пред се поради зголемената домашна побарувачка и првенствено зголемениот број инвестиции”.