Един Џеко – Kurir.mk

Џеко продолжува во Фенербахче

Дарко Андоновски — Thu, 22 Jun 2023 13:53:10 +0000

Турскиот фудбалски гигант Фенербахче објави денеска дека 37-годишниот репрезентативен напаѓач на Босна и Херцеговина, Един Џеко, е нов фудбалер на клубот од Истанбул. - Един Џеко ќе пристигне во Истанбул за да ги мине лекарските прегледи и да ги финализира преговорите околу трансферот, соопшти Фенербахче. Џеко се сели во Фенербахче од редовите на финалистот во Лигата на шампиони, Интер во чиј редови изминатата сезона постигна 14 голови во сите натпреварувања. Со 64 голови на 129 натпревари Џеко е најдобриот стрелец во историјата на Босна и Херцеговина.

Един Џеко пристигна во Истанбул, го пречекаа претставници на Фенербахче

Ристе Здравков — Thu, 22 Jun 2023 08:40:19 +0000

Фудбалскиот репрезентативец на Босна и Херцеговина, Един Џеко пристигна во Истанбул, каде денеска ќе го комплетира трансферот во Фенербахче. Џеко штотуку слета на аеродромот Ататурк во Истанбул , каде што го пречекаа претставници на клубот. Турскиот прволигаш Фенербахче потврди дека „ светски познатиот голгетер Един Џеко ќе пристигне во Истанбул за да ги заврши преговорите околу трансферот и да изврши лекарски прегледи “. Бх. напаѓачот веќе извесно време се поврзува со трофејниот клуб од Истанбул, а претходно беше познато дека 37-годишниот фудбалер пред почетокот го напушта италијанскиот Интер, со кого минатата сезона играше во финалето на Лигата на шампионите на УЕФА. на подготовките за следната сезона. Џеко ја започна кариерата во сараевски Железничар, потоа играше за Усти над Лабем, Теплице, Волфсбург, Манчестер Сити, Рома и последните две сезони за Интер. Во дресот на репрезентацијата на БиХ одигра 129 натпревари и постигна 64 гола со што стана рекордер.

beni sev.. 🎧 🎶 pic.twitter.com/FcBbvDEtAS
— barkın (@barknedit) June 22, 2023

Џеко веднаш покажа дека за него финалето во ЛШ ќе биде посебен натпревар! (ФОТО)

Ристе Здравков — Thu, 18 May 2023 07:41:59 +0000

По завршувањето на вчерашниот полуфинален меч меѓу Манчестер Сити и Реал Мадрид, Един Џеко на социјалните мрежи постираше фотографија која покажува дека финалето за него ќе биде посебен меч. По завршувањето на вчерашниот полуфинален меч меѓу Манчестер Сити и Реал Мадрид, Един Џеко на социјалните мрежи постираше фотографија која покажува дека финалето за него ќе биде посебен меч. Босанскиот напаѓач игра во голема форма, тој беше стрелец на првиот меч против Милан, ја најави победата на Интер и пласманот во финалето, тоа за него ќе биде посебно бидејќи ќе се соочи против неговиот поранешен тим. Џеко четири години го носеше дресот на Манчестер Сити, од 2011 до 2015 година кога премина во Рома. Веднаш по крајот на вчерашниот меч, Џеко објави слика на социјалните мрежи од него во дрес на Интер и во дрес на Манчестер Сити.

See you in Istanbul @ManCity 😍🔥#championsleague #final
Inter🆚ManCity 🏆@Inter pic.twitter.com/j9KZ4jjoAU
— Edin Džeko (@EdDzeko) May 17, 2023

Џеко: Имам 37 години, но….

Бошко Тасиќ — Thu, 11 May 2023 04:31:17 +0000

Един Џеко се очекуваше да биде резерва во Интер оваа сезона кога на стартот беше доведе Ромелу Лукаку, но Босанецот целосно го засени Белгиецот и со напорна работа се избори за стартерска позиција на сите клучни натпервари. – Колку години имам? Имам 37 години, но се уште се чувствувам добро за вакви натпревари. Вечерва се чувствував посвежо, најверојатно бидејќи добив поштеда пред три дена.Цел тим беше мотивиран и запален за овој меч, не се игра секоја година полуфинале во Лига на шампиони. Излеговме концентрирано уште од првата минута и добивме награда за тоа.Луѓето зборуваат само за голови, но јас носам многу повеќе од голови. Работам за тимот и за соиграчите, тоа некогаш е поважно од гол. Дали ќе го продолжам договорот? Тоа прашање поставете им го на луѓето од клубот, – одговорил Џеко во интервјуто за „Амазон прајм“.

Џеко не ни помислува на пензија

Ивона Петрова — Thu, 23 Mar 2023 10:38:09 +0000

Фудбалерот на Интер и репрезентацијата на Босна и Херцеговина, Един Џеко не помислува наскоро да се откаже од активно играње фудбал. - Фактот што сум тука на 37 години покажува колку ми значи репрезентацијата, многу луѓе се откажуваат на таа возраст. Во Интер играм на секои три дена без никакви проблеми и не сакам да престанам сега, изјави Џеко за „Газета дело спорт“. Додава дека би бил среќен да ја однесе Босна и Херцеговина на ЕП. - Многу сакам репрезентацијата да постигне одличен резултат и оди на првото Европско првенство во својата историја. Во минатото не бевме успешни поради неколку фактори. Сега квалификациите зависат од нас. Триесет и седумгодишниот Џеко оваа сезона одигра 38 натпревари за Интер, постигнувајќи 11 гола и пет асистенции. Селекцијата на Босна денеска против Исланд го започнува својот настап во квалификациите за Еуро 2024.

Неочекувано: Анчелоти и Реал тргнуваат по напаѓачот на Интер?

Ристе Здравков — Wed, 29 Jun 2022 12:00:59 +0000

Репрезентативецот на Србија, Лука Јовиќ, скоро извесно е дека ќе се пресели во Фиорентина, како позајмен играч во оваа екипа. Но во спротивен правец може да се случи да се пресели играч за кој никој не очекува да го види во Мадрид, станува збор за Един Џеко од Интер. Карло Анчелоти му бара соодветен партнер на Карим Бензема во нападот на Реал, па фудбалерот на Интер е само една од опциите. Информацијата ја извади шпанскиот весник Марка, која е секогаш добро информирана и доклку се оствари овој трансфер, тоа ќе биде неочекувано, бидејки досега немаше ниту една шпекулација околу овој евентуален трансфер.

Џеко му донесе триумф на Интер

Бошко Тасиќ — Sat, 22 Jan 2022 19:52:44 +0000

Интер стигна до многу тешки три бода на домашен терен против Венеција, но најзаслужен за тоа е напаѓачот кој изминатово лето беше доведен како замена за Ромелу Лукаку. Иако имаше и такви кои беа скептични околу ангажманот на 35-годишниот Един Џеко, Босанецот покажува дека годините не претставуваат никаков проблем за него, а тоа го видовме на дело и вечерва во 90-та минута. Венеција го изненади фаворитот со голот на Анри во првото полувреме и поведе со 0:1, но на крајот успеа да се врати и да направи пресврт во самата завршница. Барела израмни на 1:1 во 40-та минута, а потоа мрежите мируваа до 90-та, кога Един Џеко беше највисок во скокот и извонредно биеше со глава по центаршутот на Дамфрис. Босанскиот „дијамант“ блесна во вистински момент и му донесе многу важна победа на својот тим, кој сега отиде на плус пет пред Милан кој е втор на табелата.

Един Џеко прогласен за играч на месецот во Интер

Ристе Здравков — Sat, 06 Nov 2021 10:20:29 +0000

Един Џеко од натпревар во натпревар докажува дека е во одлична форма, а потврдата стигна и од клубот Имено, Џеко беше избран за најдобар играч на нероаѕурите во октомври, откако на шест натпревари постигна три гола и имаше една асистенција. Бројните коментари на социјалните мрежи покажуваат дека Џеко ја ужива големата поддршка од навивачите на Интер, а за кратко време му се наметна како прва опција на новиот тренер Симоне Инзаги, кој го смета за незаменлив. 35-годишниот Џеко на 15 натпревари во сите натпреварувања оваа сезона постигна 8 гола и собра три асистенции.

Џеко предизвика земјотрес во Интер, еден од напаѓачите веќе си бара нов клуб

Ристе Здравков — Wed, 06 Oct 2021 09:55:27 +0000

Иако има 35 години, Един Џеко игра фантастично во својот нов тим и е главен фактор за одличниот старт на новата сезона. Неговите голови го вивнаа шампионот при врвот, но играта на босанскиот ас не е добра вест за конкурентите во нападот. Засега и Лаутаро Мартинес е одличен, па има загарантирано место во стартната постава, Кореа му е миленик на Инѕаги уште од деновите во Лацио, па најпогоден од оваа ситуација е чилеанскиот репрезентативец Алексис Санчес. Досега тој одигра четири меча, но вкупно само 70 минути и не успеа да постигне гол. Италијанските медиуми тврдат дека тој веќе почнал да бара нов клуб каде ќе ја продолжи кариерата со тоа што е можно до крајот на сезоната да игра како позајмен играч, а потоа да биде откупен неговиот договор.

Един Џеко ќе го засили Интер

Бошко Тасиќ — Sun, 08 Aug 2021 16:39:04 +0000

Босанскиот фудблаер и репрезентативец на оваа земја Един Џеко ќе биде замената за Ромелу Лукаку и Лаутаро Мартинез во Интер, откако напаѓачкиот двоец на „нераѕурите“ веќе е на пат кон Лондон. Лукаку треба да го засили Челси за 115 милиони евра, а Лаутаро оди во Тотнем за 60 милиони фунти. Според најавите, Џеко во Интер ќе добие двегодишен договор вреден преку десет милиони евра. Рома и Жозе Мурињо нема да му прават проблем на Босанецот да замине, а како негова замена се најавува Харис Сеферовиќ, швајцарскиот репрезентативец кој играше одлично на Еуро 2020. Џеко е трет најдобар стрелец во историјата на Рома со 121 гол на 260 меча.