ФОТО: Полициските „Алфи“ заминаа во историја, заедно со името на државата на униформите

Ивона Петрова — Tue, 31 Dec 2019 12:12:37 +0000

Промовирана новата Единица за интервентна полиција што ќе делува на територијата на градот Скопје, а ќе работи во состав на Секторот за внатрешни работи во Скопје. Единицата е формирана од досегашната Единица за јавен ред и мир, Единицата за прв одговор и интервенција Алфи и Единицата за асистенции, спровод и обезбедување на транспорт. Индикативно е што новата единица го нема името на државата на своите униформи. На промоцијата на Единицата што се одржа денеска во Полицискиот центар во Ѓорче Петров присуствуваше министерот за внатрешни работи Оливер Спасовски, идниот технички премиер, кој рече дека оваа реформа била неопходна се со цел да има што поголем број полициски службеници на улица. – Очекуваме безбедноста во овој поглед се зголеми, да имаме поголемо присуство на униформирани полициски службеници на територија на градот Скопје, да бидат тука и блиски со граѓаните да работат за спречување на секаков вид можен криминал и тоа впрочем низ анализите покажува дека секаде каде се формирани овие единици имаме значително намалување на криминалитетот во тие градови, рече Спасовски. Додаде дека Единицата ја формирале на основа на моделот на интервентната полиција во Загреб, Хрватска. – Сметам дека токму денеска, пред Новата 2020 година беше идеален момент да ја промовираме оваа Единица, да се презентира на јавноста дека овие припадници на Единицата се навистина подготвени да се соочат со секаков предизвик и ризик во делот на безбедноста, рече Спасовски.

Промоција на новата Единица за интервентна полиција

Ивона Петрова — Tue, 31 Dec 2019 07:36:11 +0000

Во полицискиот центар Ѓорче Петров денеска ќе биде промовирана новата Единица за интервентна полиција формирана од досегашната Единица за јавен ред и мир, Единицата за прв одговор и интервенција Алфи и Единицата за асистенции, спровод и обезбедување на транспорт. Новата единица ќе биде надлежна за следење на состојбите од областа на јавната безбедност на подрачјето на Секторот за внатрешни работи и преземање дејствија и мерки од областа на јавниот ред и мир, спречување на криминалитет и постапување по барање за асистенции за спроведување на извршна одлука. На настанот најавено е присуство на министерот за внатрешни работи Оливер Спасовски.

Единица за интервентна полиција – Kurir.mk

ФОТО: Полициските „Алфи“ заминаа во историја, заедно со името на државата на униформите

Промоција на новата Единица за интервентна полиција