единсон кавани – Kurir.mk

Кавани потпиша за Валенсија

Магдалена Андонова — Tue, 30 Aug 2022 07:37:29 +0000

Уругвајскиот фудбалер Единсон Кавани ќе игра за Валенсија. Шпанскиот клуб објави склучување на договор со Уругваецот до летото 2024 година. Триесет и петгодишниот напаѓач дојде во тимот како слободен играч по заминувањето од Манчестер јунајтед. Минатата сезона Кавани постигна два гола на 15 натпревари во англиската Премиер лигата. Валенсија синоќа загуби на домашен терен од Атлетико Мадрид со 1:0. По три кола во шпанската Ла Лига, тимот предводен од Џенаро Гатузо има два пораза и една победа и се наоѓа на 14.место. Со доаѓањето на Кавани, навивачите на Валенсија очекуваат поголема ефикасност и подобри резултати на тимот кој во минатото имаше значајна улога во домашните натпреварување и во еврокуповите. (МИА)

Кавани две години во Валенсија

Тале Кристо — Mon, 29 Aug 2022 18:13:07 +0000

Уругвајскиот напаѓач Единсон Кавани пристигнува во Валенсија за да потпише двегодишен договор со клубот од Ла Лига. Тој беше во преговори и со Вилјареал, но на крајот одлучи да ја прифати понудата на Валенсија. Кавани доаѓа како слободен агент откако му истече договорот со Манчестер Јунајтед. Одличниот голгетер ова лето ја одби и понудата на Бока Јуниорс затоа што сака и понатаму да настапува во Европа.

Кавани сака да игра во Шпанија

Ивона Петрова — Mon, 08 Aug 2022 08:45:38 +0000

Поранешниот напаѓач на Манчестер јунајтед, Единсон Кавани сè уште не се одлучил за нов клуб. Приоритет за 35-годишниот уругвајски репрезентативец и неговото семејство е преселба во шпанската Ла Лига. Кавани во новата сезона требаше да игра за Бока Јуниорс, но потпишувањето на договорот со аргентинскиот клуб пропадна поради семејните околности на фудбалерот. Во шпанските медиуми се пишува дека за услугите на Кавани се заинтересирани Валенсија и Виљареал. Пред Манчестер јунајтед, Кавани настапуваше за Пари Сен-Жермен, Наполи, Палермо и Данубио.

Монца преговара со Кавани

Ивона Петрова — Fri, 08 Jul 2022 08:34:53 +0000

Новиот италијански фудбалски прволигаш Монца, чиј сопственик е Силвио Берлускони, почна преговори со поранешниот голгетер на Наполи и ПСЖ, Едисон Кавани (35), објавија денеска италијанските медиуми. Кавани е слободен играч, откако на 30 јуни му истече договорот со Манчестер јунајтед, а италијанските медиуми претходно го поврзуваа со можен трансфер во Салернитана или Торино. Според Скај Спорт Италија, Монца сега се вклучува во трката како потенцијално нова дестинација за искусниот уругвајски напаѓач и клупскиот директор Адријано Галијани почнал преговори со претставниците на Кавани. Монца, која следната сезона првпат во клупската историја ќе се натпреварува во Серија А, веќе донесе шест засилувања.

Кавани прв двоен стрелец на двете полуфиналиња во последните 35 години во евро-куповите

Дарко Андоновски — Fri, 07 May 2021 08:24:35 +0000

Напаѓачот на Манчестер јунајтед, Единсон Кавани постигна два гола синоќа во полуфиналниот натпревар од Лигата на Европа со Рома (2:3). Во првиот натпревар (6:2) 34-годишниот Уругваец исто така двапати го погоди голот на римјаните. Кавани стана првиот фудбалер во последните 35 години кој постигнал два гола во секое од двете полуфиналиња на едно европско натпреварување. Пред Кавани, во сезоната 1985/86, напаѓачот на Келн, Клаус Алофс, постигна два гола на првиот натпревар од полуфиналето на Купот на УЕФА против белгиски Варегем (4:0), а во второто постигна хет-трик (3:3).

Јунајтед без Кавани и Марсијал на клучниот дуел со Лајпциг во ЛШ

Дарко Андоновски — Mon, 07 Dec 2020 14:44:55 +0000

Двајца напаѓачи на Манчестер јунајтед ќе го пропуштат решавачкиот натпревар со Лајпциг во рамките на 6. коло од групната фаза во Лигата на шампионите. Единсон Кавани и Ентони Марсијал нема да одат во Лајпциг. Тие имаат „полесни повреди“, според главниот тренер на тимот, Оле-Гунар Солскјер. Да потсетиме дека средбата е закажана за в среда. Лајпциг и Манчестер јунајтед имаат по 9 бода, исто како и ПСЖ, кој се среќава со Башакшехир од Истанбул.

Кавани го помина медицинскиот преглед во Манчестер јунајтед, потписот е скоро договорен

Магдалена Андонова — Mon, 05 Oct 2020 11:15:49 +0000

Напаѓачот Единсон Кавани е близу до премин во Манчестер јунајтед. Уругвајскиот напаѓач, кој е слободен агент, успешно го заврши медицинскиот преглед. Тој е близу до потпишување договор 1 + 1. Според новинарот Фабрицио Романо, скоро сите услови на зделката се договорени. Преминувањето на Кавани се очекува да биде објавено во попладневните часови. (МИА)

Кавани кој остана без клуб не е повикан во репрезентацијата

Ивана Ефремовски — Sat, 03 Oct 2020 16:26:20 +0000

Репрезентацијата на Уругвај го објави составот за квалификациите за Светското првенство 2022 година. Напаѓачот Единсон Кавани, кој летово остана без клуб по истекот на договорот со ПСЖ, не е поканет во тимот. Исто така, повредениот главен голман Фернандо Муслера нема да дојде во националниот тим. Уругвај ќе игра на домашен терен против Чиле (8 октомври) и на гости со Еквадор (13 октомври) во квалификациите за СП 2022 година. Од напаѓачите репрезентативен повик добија: Хонатан Родригез, Луис Суарез, Кристијан Стуани, Макси Гомез, Дарвин Нуњез. (МИА)

Атлетико му понуди договор на Кавани

Ивона Петрова — Tue, 22 Sep 2020 06:20:44 +0000

Поранешниот напаѓач на Пари Сен-Жермен, Единсон Кавани, кариерата може да ја продолжи во Атлетико. Шпанците му понудија двегодишен договор на 33-годишниот Уругваец, објави Л’Екип. Претставниците на Атлетико вчеравечер се состанаа со агентите на Кавани во Париз. Договорот на Единсон со ПСЖ истече летото 2020 година. Кавани е најдобар стрелец во историјата на парискиот клуб. Тој постигна 200 погодоци на 301 натпревар.

Кавани: Ако добијам шанса да играм за Бенфика, ќе го сторам тоа

Магдалена Андонова — Tue, 18 Aug 2020 11:40:50 +0000

Уругвајскиот фудбалер Единсон Кавани ги коментираше гласините за неговиот можен трансфер во Бенфика. – Имав средби со Бенфика и други клубови. Ништо не е решено, па не можам да кажам дека постигнавме договор. Кога тимот ќе потврди, сè ќе биде познато. Бенфика е одличен клуб, редовно игра во европски купови, многу Уругвајци играа тука. Како овој тим да не може да ме привлече? Ако имам можност да играм таму, ќе бидам воодушевен, изјави Кавани. Во сезоната 2019/20 година, 33-годишниот фудбалер одигра 22 натпревари за ПСЖ и постигна седум гола со три асистенции. Договорот на Кавани со парискиот клуб е истечен, играчот е слободен агент.(МИА)