Едисон Кавани – Kurir.mk

Едисон Кавани е пред трансфер во Бока Јуниорс

Бошко Тасиќ — Fri, 14 Jul 2023 18:06:29 +0000

Уругвајскиот напаѓач Единсон Кавани е блиску до договор со Бока Јуниорс. Агентот на играчот, Валтер Гуљелмоне, отпатува за Буенос Аирес, каде се сретна со раководството на Бока Јуниорс. Според пишувањата на аргентинските медиуми, остануваат уште неколку детали за комплетирање на трансферот на 36-годишниот ветеран во аргентинскиот гигант, а се очекува да потпише договор на една или две сезони. Кавани, кој е поранешен играч на Наполи, Пари Сен Жермен и Манчестер Јунајтед, минатата сезона забележа 28 настапи во сите натпреварувања за Валенсија, постигнувајќи седум гола и две асистенции. Неговиот договор со „лилјаците“ има важност уште една година, а искусниот фудбалер веќе одбил понуда од Саудиска Арабија.

Кавани: Ако ме суспендираат за удирање на ВАР мониторот, тогаш судијата треба да го стават во затвор!

Ристе Здравков — Wed, 11 Jan 2023 08:55:32 +0000

Единсон Кавани го прокоментира испадот на мундијалот во Катар кога со бокс го сруши ВАР мониторот, вели дека понекогаш адреналинот и еуфоријата си го прават своето. ФИФА покрена постапка против Единсон Кавани, Хозе Мариа Хименес, Диего Годин и Фернандо Мусрела за инцидентите кои се случија по крајот на натпреварот помеѓу Уругвај и Гана во третото коло на мундијалот во Катар. По елиминацијата, Уругвајците беа бесни на судиите, сметаа дека се оштетни откако не им беше досуден пенал, кој можеше да значи осминафинале. Се говори дека на сите им се заканува драконска казна, поради која може и да не играат за своите клубови. „Ако ме суспендираат за удирање на ВАР мониторот, судијата, поради тоа што не елиминираше од Светско првенство, треба да го стават во затвор!“ – вели Единсон Кавани. „Со ВАР, со сите тие камери, има грешки кои не смеат да се направат“. „Да, погрешно е тоа што го удрив ВАР мониторот, но понекогаш во фудбалот, особено на важен натпревар, реагирате на одреден начин поради адреналинот и еуфоријата“.

Лутиот Кавани го истури бесот на ВАР мониторот (ВИДЕО)

Ристе Здравков — Fri, 02 Dec 2022 20:20:57 +0000

Уругвај издвојува победа над Гана (2-0), ама истата не се покажа како доволна затоа што Јужна Кореја славеше над Португалија (2-1). На крајот Уругвајците и Корејците имаа по 4 бода, но овие вторите поради поголем број на дадени голови во групата изборија пласман во осминафиналето. Ова дефинитивно беше болно за јужноамериканците кои имаат што да му кажат на судијата Зиберт и неговиот помошник по крајот на мечот, а причината за тоа е спорната ситуација во судиското продолжение. Кавани падна по еден дуел во шестнаесетникот, но Зиберт не се огласи, ниту пак неговите колеги во ВАР собата. Ова донесе дополнителна нервоза кај Уругвајците, бес кој на крајот Единсон го истури и врз ВАР мониторот кој го турна на земја.

El que se fue tranquilo con el VAR fue Cavani pic.twitter.com/Gi27gOOP0Z
— FeFe (@FeFeTheOriginal) December 2, 2022

Cavani vs VAR screenpic.twitter.com/8mnVdXlTkr
— Troll Football Media (@Troll__Footbal) December 2, 2022

Кавани ќе го засили Вилјареал

Бошко Тасиќ — Tue, 19 Jul 2022 17:56:41 +0000

Искусниот уругвајски напаѓач Единсон Кавани се согласи да се пресели во шпанскиот прволигаш Вилјареал. Кавани во моментот е без клуб откако му истече двегодишниот договор со Манчестер Јунајтед. 35-годишниот фудбалер имаше неколку понуди летово, се зборуваше за заминување во Фенербахче или Гранада, но Вилјареал му понуди најдобри услови на Уругваецот. Поранешниот тренер на Пари Сен Жермен, Унаи Емери, го чека Кавани, кој одлично го познава и очигледно одигра важна улога во неговата одлука да го засили полуфиналистот од Лигата на шампионите.

Салернитана му нуди на Кавани по 200.000 евра за постигнат гол

Магдалена Андонова — Fri, 24 Jun 2022 18:18:04 +0000

Италијанскиот фудбалски прволигаш Салернитана по секоја цена настојува да го ангажира искусниот аргентински напаѓач Едисон Кавани, нудејќи му, притоа, и бонус во износ од 200.000 евра за секој постигнат гол, пренесуваат денеска локалните медиуми. Во обид да го ангажира, Салернитана му нуди на Кавани договор од два милиони евра по сезона, како и капитенската лента, вклучувајќи и клаузула според која уругвајскиот фудбалер кога и да посака ќе може да замине од клубот без обесштетување. Кавани имаше одлични сезони во италијанската Серија А како фудбалер на Палермо и Наполи пред да премине во ПСЖ. Искусниот напаѓач минатата сезона ја мина во Манчестер јунајтед, а сега е слободен играч. (МИА)

Кавани веќе не крие: Одам во Барселона!

Ристе Здравков — Fri, 17 Dec 2021 20:55:34 +0000

Единсон Кавани е решен својата кариера да ја продолжи во Барселона, а уругвајскиот голгетер веќе ги договорил и условите под кои ќе се пресели на „Камп Ноу“. Воедно, големиот ас веќе не ни крие дека каталонскиот гигант ќе биде негова следна дестинација, откако ја одбил понудата на Бока Јуниорс со образложение: Одам во Барса! Кавани и во претходните години беше интересен за каталонскиот гигант, но по заминувањето од ПСЖ тој се реши да го засили тимот на Манчестер Јунајтед. Проблемот е во тоа што искусниот напаѓач добиваше премала минутажа на „Олд Трафорд“, а по доаѓањето на Кристијано Роналдо веќе стана јасно дека за него ќе нема место во тљаборот на „црвените ѓаволи“. Новиот тренер Ралф Рангник веќе му ја отвори вратата за трансфер, по што Уругваецот ги договори условите за соработка со Барселона. Тој ќе пристигне на „Камп Ноу“ во јануари и ќе потпише договор на 18 месеци, период во кој Кавани ќе има загарантирана заработка од шест милиони евра, плус бонуси во зависност од бројот на голови и од успесите на Барса. Недостигот на класичен голгетер беше главен проблем на новиот тренер Чави, но претседателот Лапорта експресно ја исполни оваа желба на младиот стратег на каталонскиот гигант.

Јунајтед му нуди договор на Кавани од 250.000 фунти неделно

Ивона Петрова — Sun, 09 May 2021 07:27:19 +0000

Манчестер јунајтед има намера да го задржи напаѓачот Единсон Кавани во своите редови и по истекот на актуелниот договор. Според „Сан“, Јунајтед на 34-годишниот Уругваец му нудат нов договор со плата од 250 илјади фунти неделно. Сегашниот договор на фудбалер важи до крајот на сезоната 2020/21. Кавани се приклучи на Манчестер јунајтед во октомври 2020 година како слободен играч. Оваа сезона, напаѓачот има одиграно 34 натпревари за тимот, постигнато 14 голови и остварени пет асистенции.

Кавани сака да го продолжи договорот со Манчестер Јунајтед

Бошко Тасиќ — Sat, 01 May 2021 07:07:39 +0000

Фудбалерот на Манчестер Јунајтед и на уругвајската репрезентација, Единсон Кавани е блиску до продолжување на договорот со „црвените ѓаволи“. Според ЕСПН, 34-годишниот Уругваец, и покрај интересот од Бока Јуниорс, е подготвен да остане во Манчестер Јунајтед. Кавани и неговите агенти се подготвени да преговараат со Манчестер Јунајтед пред крајот на сезоната. Единсон сака да го продолжи договорот со Манчестер Јунајтед и поради Светското првенство во Катар во 2022 година. Кавани потпиша за Манчестер Јунајтед во октомври 2020 година како слободен агент од ПСЖ. Договорот беше на 1+1 година.

Кавани нема да го продолжи договорот со Манчестер Јунајтед

Бошко Тасиќ — Mon, 08 Mar 2021 20:50:17 +0000

Уругвајскиот фудбалер Едисон Кавани нема да го продолжи договорот со Манчестер Јунајтед туку на крајот од сезоната ќе замине во Јужна Америка и ќе потпише со тимот на Бока Јуниорс. Искусниот напаѓач игра релативно добра сеозона на Олд Трафорд но по годините минати во Европа очигледно дека сака да ја промени целосно фудбалската средина и ќе замине во Аргентина. Првите луѓе на Бока веќе се во преговори со Кавани кој е подготвен да потпише тригодишен договор со оваа екипа.

Манчестер јунајтед сака да го задржи Кавани

Ивана Ефремовски — Sun, 21 Feb 2021 08:27:13 +0000

Тренерот на англискиот прволигаш Манчестер јунјатед, Оле Гунар Солскјер, најави дека клубот ќе разговара со уругвајскиот напаѓач Едисон Кавани за продолжување на соработката. -Можам само да кажам дека Едисон стори многу за нас, импресиониран сум од него и навистина добро се вклопи во екипата. Наскоро ќе седнеме со него и ќе разговараме. Секако ќе треба да видиме какви се и неговите планови, изјави Солскјер. Кавани минатиот октомври потпиша едногодишен договор со Манчестер јунајтед со можност за продолжување на соработката за уште една година. Тимот на Солскјер во четвртокот го совлада Реал Сосиедад со 4:0, во првиот натпревар од шеснаесетфиналето во Лига Европа, а 34-годишниот Уругваец поради повреда го пропушти дуелот одигран на неутрален терен во Торино. (МИА)