едмонд адеми – Kurir.mk

НЕ ОСТАНАА БЕЗ ФУНКЦИИ: Милевски ќе биде амбасадор во Љубљана, Адеми во Мадрид

Ивана Ефремовски — Mon, 26 Dec 2022 18:54:08 +0000

Доскорешниот лидер на ЛДП и поранешен министер за локална самоуправа, Горан Милевски ќе биде нов македонски амбасадор во Љубљана, Словенија. Едмонд Адеми ќе замине во Мадрид, Шпанија. Министерот за надворешни работи Бујар Османи на брифинг со новинарите соопшти дека процедурата и за двајцата е завршена и дека за нив се добиени агремани. Засега останува спорно што ќе се случува со Виктор Димовски кој требаше да замине за амбасадор во Париз, но по скандалот со Олександр Онишченко неговото заминување е под прашање. Османи најави дека допрва ќе има консултации со претседателот Стево Пендаровски и со премиерот Димитар Ковачевски по што ќе се донесе конечна одлука дали Димовски ќе оди во Париз или не.

Адеми и Шалваринов во посета на Германија и Австрија

Матеја Петровски — Sat, 01 Sep 2018 07:08:34 +0000

Министерот задолжен за дијаспора Едмонд Адеми, во придружба од директорот на Агенцијата за иселеништво, Никола Шалваринов, од денеска до 5 септември ќе престојуваат на работна посета на Сојузна Република Германија и Република Австрија. Како што соопшти кабинетот на Адеми, по покана од претседателот на Сенатот и градоначалник на Бремен, Карстен Силинг, делегацијата на 2 и 3 септември ќе учествува на отворањето на манифестацијата „Недела на интеграција“, посветена на сите граѓани на Бремен кои се дојдени од други земји, а живеат и работат во Бремен, меѓу нив и наши сонародници по потекло од Република Македонија. Оваа манифестација се одржува под покровителство на градоначалникот на Бремен. За време на посета во Германија и Австрија, делегацијата од Република Македонија, предводена од министерот Едмонд Адеми, ќе се сретне и со претставници на здруженија и асоцијации на дијаспората по потекло од Република Македонија во Берлин, Бремен и Хамбург, СР Германија и во Виена, Австрија. Воедно, министерот Адеми со делегацијата, покрај средбите со претставниците на дијаспората, во Берлин, на 4-ти септември, ќе има средби и со група пратеници од германскиот Буденстаг. На 5-ти септември во Виена министерот Адеми ќе има средби со претставници на Македонската црковна заедница во Виена, како и со организации и здруженија на дијаспората по потекло од Република Македонија, соопшти Кабинетот на министерот Адеми. (Миа)

Адеми-Малм: Дијаспората мост за поврзување меѓу Шведска и Македонија

Матеја Петровски — Fri, 20 Apr 2018 10:27:51 +0000

Министерот задолжен за дијаспора Едмонд Адеми кој престојува во Шведска, денеска имаше средба со претседателката на Советот на Гетеборг, Лена Малм, соопшти неговиот кабинет.

Адеми ја запозна Малм со неговите активности во изминатите десетина месеци, при што ја истакна посветеноста во институционалното поврзување на дијаспората со државата.

Истакна дека дијаспората има значаен удел во економските активности во државата и од тие причини Владата на Република Македонија работи на Национална стратегија за соработка со дијаспората, која покрај економската соработка, ја акцентира потребата и од политичка, културна и образовна соработка.

Малм изрази благодарност за посетата и притоа го истакна фактот дека граѓаните по потекло од Република Македонија кои живеат и работат во Гетеборг се важен дел од шведското општество, истакнувајќи ја нивната интегрираност во сите процеси во Шведска.

На средбата е констатирано дека дијаспората претставува мост за поврзување меѓу двете пријателски држави, и дека има важна улога во развојот на односите и соработката во повеќе области од заемен интерес.

(Миа)

Министерот Адеми на средби со македонската дијаспора во Шведска

Дарко Андоновски — Thu, 19 Apr 2018 07:22:49 +0000

Министерот задолжен за дијаспора Едмонд Адеми од денеска до 21 април ќе престојува во официјална посета на Кралството Шведска, каде во Гетеборг ќе учествува на Изборното Собрание на Македонскиот сојуз во Шведска, едно од најголемите здруженија на Македонците во оваа земја. Како што соопштија од неговиот кабинет, Адеми ќе има средба и со друштвото на Македонците “Кочо Рацин“ во градот Борос, како и со други друштва по потекло од Македонија, кои дејствуваат во Шведска. Предвидено е Адеми да оствари средба и со претседателката на Градскиот Совет на Гетеборг, Лена Малм. - Во фокусот на средбите со дијаспората и со локалните претставници на Шведска, ќе стане збор и за новиот пристап на Владата на Република Македонија кон дијаспората и нивно институционално поврзување со матичната земја, како и размената на искуства во однос на странските инвестиции и зајакнување на економскиот сегмент за поврзување со Македонија. Меѓу другото, министерот Адеми, соговорниците ќе ги информира и за политичките состојби во државата, активностите за членството на НАТО и ЕУ интеграциите, како и размена на мислења за регионалната соработка и други актуелни прашања., стои во соопштението. МИА