едмонд темелко – Kurir.mk

Едмонд Темелко ги загуби изборите во Пустец

Дарко Андоновски — Sun, 30 Jun 2019 20:47:29 +0000

Во тензична атмосфера, без учество на опозицијата денеска во Албанија се одржаа локалните избори каде дури во половина од вкупно 65 општини имаа по само еден кандидат за градоначалник, и тоа од коалицијата „Алијанса за европска Албанија“ предводена од владејачката Социјалистичка партија, поради што најмалку може да се оценат како плуралистички. Според првичните неофицијални резултати од терен, кандидатот за градоначалник на општина Пустец од МАЕИ, Едмонд Темелко ги загуби изборите од неговиот противкандидат од социјалистичката партија Пали Колефски исто така Македонец од Мала Преспа. Инаку, Темелко со општина Пустец раководеше три мандати и забележа голем успех, од инфраструктура, водовод борба за еднаквос на Македонците во албанското опшество и многу други работи.

Едмонд Темелко по четврти пат ќе се трка за градоначалник на Пустец

Ивана Ефремовски — Thu, 27 Jun 2019 08:46:28 +0000

Кандидатот за градоначалник на општина Пустец од Македонска алијанса за европска интеграција (МАЕИ), Едмонд Темелко, во рамки на изборната кампања одржува средби со жителите на Леска, Зрноско, Глобочани, Долна и Горна Горица и останатите населени места. Темелко на локалните избори што во Албанија ќе се одржат в недела, довербата ќе ја бара четврти пат. Презентрајќи ги досегашните реализирани актовности на средбите со жителите на Леска, Темелко побара поддршка за да продолжат, како што рече, почнатите, но и многу нови проекти. Најави подобрување на условите за живот, зголемување на вработеноста, зачувување на македонскиот идентитет, култура, обичаи и традиција. -Излезете масовно на изборите и гласајте за МАЕИ, сите заедно да ја продолжиме успешната приказна за Мала Преспа. Сами сте сведоци што направивме изминатите години во секој поглед, изградба на патишта низ сите села, патот кој не поврзува со граничнот премин Стење, водовод, добивме еден од најубавте плоштади кој го носи името на Гоце Делчев, кого го краси ново изградената црква „Свети Архангел Михаил“. Успеавме да ги вратиме автентичните македонски топоними, поставивме соодветна патна сигализација, имаме многу културни манифестации,…, но треба уште многу да се стори. Во програмата за следните четири години предвидуваме, рече Темелко. Изборната кампања која завршува во петок со митинг во Пустец, ја води под слоганот „Преспа пред се. За подобра иднина“. Темелко на претходните локални избори во Албанија, 2007, 2011 и 2015 година, беше избран за градоначалник со околу 80 отсто од гласовите.

Едмонд Темелко повторно во трка за градоначалник на Пустец

Предраг Кукиќ — Tue, 21 May 2019 15:57:43 +0000

Едмонд Темелко по четврти пат ќе влезе во трка за градоначалничката фотелја за општината Пустец во Албанија. Албанската централна изборна комисија ја верификуваше денеска неговата кандидатура. Тој е актуелен градоначалник на оваа општина. Темелко е предложен од македонската партија во Албанија, Македонска алијанса за европска интеграција.

Судот не му дозволува пауза на болниот Едмонд Темелко

Ивона Петрова — Mon, 21 May 2018 10:53:09 +0000

Судијата не дозволи пауза на рочиштето Титаник, по барање на адвокатот на Едмонд Темелко, кој има здравствена документација со која се потврдува неговата потреба од кратка пауза на секои два часа. Тој им рече дека после воведните зборови на Димитар Дангов ќе дозволи пауза. Имајќи во предвид дека воведните говори на бранителите не трааат помалку од еден час, Едмонд Темелко ќе почека уште најмалку половина час за пауза. Инаку рочиштето почна во 10 часот утрово.

Укинати притворите на Едмонд Темелко и Оливер Поповски

Катерина Бојаџиева — Wed, 16 May 2018 13:48:24 +0000

Укинат е притворот на екс началникот во МВР Оливер Поповски кој е обвинет за настаните од 27 април 2017 година во Собранието на Република Македонија, како и на градоначалникот на општина Пустец Едмонд Темелко, обвинет во предметот на СЈО „Титаник“. За укинување на притворите за двајцата понудена е гаранција во недвижен имот, а судот побара и мерка претпазливост, односно да се јавуваат еднаш неделно во судот, како и одземање на патните исправи. - Кривичниот совет на одделението за организиран криминал и корупција, постапувајќи по предлог на одбраната на Поповски, опфатен со обвинителниот акт поврзан со настаните во Собранието на Македонија, донесе решение со кое го уважи предлогот за укинување на мерката притвор со понудена гаранција во недвижен имот, со кое по правосилноста на решението и запишување на хипотеката од страна на Агенцијата за катастар, мерката притвор ќе се укине, а заради обезбедување присуство во текот на постапката на обвинетиот му се определуваат мерки за претпазилвост и тоа: Обврска на обвинетиот да се јавува еднаш неделно на одговорно службено лице во судот и Привремено одземање на патната и друга исправа за преминување на државната граница, односно забрана за нејзино издавање, се наведува во соопштението од Основен суд Скопје 1 – Скопје. Кривичниот совет го укина и куќниот притвор на Едмонд Темелко обвинет во предметот на СЈО означен како „Титаник“, по претходно барање на одбраната, а како гаранција е понуден недвижен имот. Судот донел решение со кое го уважи предлогот за укинување на мерката куќен и го уважува предлогот на СЈО со кој заради обезбедување присуство во текот на постапката му се определуваат мерки за претпазливост и тоа, обвинетиот има обврска еднаш неделно да се јавува во Основен суд Ресен и привремено одземање на патната и друга исправа за преминување на државната граница, односно забрана за нејзино издавање.