една недела – Kurir.mk

ВМРО-ДПМНЕ: 300 починати од КОВИД-19 за една недела, а Филипче вели се е под контрола

Тале Кристо — Mon, 05 Apr 2021 06:45:24 +0000

300 починати од КОВИД-19 за една недела, и уште 60-тина слободни кревети во болниците, а Филипче вели се е под контрола, велат во партискотосоопштение од ВМРО-ДПМНЕ. За една недела имаме скоро 9.000 заразени. Четири пати повеќе отколку што Филипче предвидуваше за цела пандемија. Секој ден е буквално нов пик и за починати и за заразени. Ситуацијата е одамна излезена од контрола. Филипче е неспособен да набави вакцини. Веќе 4-ти месец нема вакцини. И тие вакцини кои пристигнаа се донации. Филипче е директно одговорен заедно со Заев за сите починати од први јануари до сега, да имаше вакцини, голем број од нив ќе беа спасени. Ситуацијата е очајна во целост. Пациентка умре затоа што во болница немаше кој да и даде кислород, луѓе примаат инфузии во дворовите од болниците, а живи лежат до мртви и примаат терапија. На целиот овој крах, го прашуваме Филипче како не му е срам да дава изјави и да тврди дека се е во ред? Наместо да смислува изговори, нека си даде оставка веднаш, стои во соопштението на ВМРО-ДПМНЕ.

За една недела во Грција регистриран 961 активен случај на Ковид-19

Тале Кристо — Tue, 11 Aug 2020 12:39:45 +0000

Во последната седмица беше регистриран 961 дополнителен активен случаи, бројка двојно зголемена во споредба со минатата седмица, рече заменик-минисерот за цивилна заштита на Грција Никос Хардаљас на денешната прес-конфереција и додаде дека Владата континуирано ја следи ситуацијата и токму затоа „во изминатите денови презеде дополнителни мерки за да се прекине нагорниот тренд на случаите на Ковид-19“, јави дописничката на МИА од Атина. Хардаљас на редовната прес-конференција ги соопшти и последните податоци за ситуацијата со коронавирусот во Грција, за направените тестови на влезните точки во земјата, како и за спроведеите контроли за почитување на мерките. – Од 1 јули до 9 август на влезните точки беа направени вкупно 266.116 тестови на 2.162.251 посетител на земјата и потврдени се 508 случаи. Од овие, 164 се уште активни, 243 се вратија во нивните земји, а 101 случај е неактивен и остануваат во земјата, истакна Хардаљас. Во однос на ситуацијата во Грција, објасни дека од почетокот на епидемијата, регистрирани се 5.623 случаи на Ковид-19, од кои 1.424 се активни, а починаа 214 лица. Заменик-министерот за цивилна заштита ги повтори и новите мерки за копнените граници што вчера ги соопшти грчката Влада, односно воведување, од 17 август, задолжителен тест за влез во Грција направен 72 часа претходно. Објасни дека тестот важи за сите, без разлика дали се грчки државјани или имаат грчка дозвола за престој, а исклучок се само децата под 10 години. Преку граничниот премин Какавиас, од Албанија во Грција ќе можат дневно да влезат најмногу 750 лица. За непочитување на мерката што денеска стапи во сила и предвидува забрана за работа од полноќ до 7 часот наутро на угостителските објекти и кафулињата во одредени делови на Грција, предвиена е казна од 10.000 евра. За досега спроведените проверки, Хардаљас рече дека од 1 јули до 9 август биле направени 69.913 инспекции, биле регистрирани 3.493 прекршоци и биле изречени 3.822 казни во вкупна висина од 1.515.500 евра.

Извршена трета смртна казна за една недела во САД

Тале Кристо — Sat, 18 Jul 2020 08:07:08 +0000

Оваа недела беше извршена трета федерална смртна казна во САД. Дастин Ли Хонкон (52) беше егзекутиран со смртоносна инекција во централната држава Индијана. Студент по хемија, кој станал шверцер на дрога и шеф на дистрибуција на метамфетамин мрежа, Хонкон во 1993 година убил пет лица, меѓу кои и две девојчиња на возраст од 6 и 10 години, соодветно, за да не сведочат против него. Тој беше прогласен за виновен и осуден на смрт во 2005 година. Оваа недела, за првпат од 2003 година, во САД беа извршени смртни казни изречени од федерален суд. Ова уследи откако Врховниот суд даде зелено светло за егзекуциите. Претходно, во државата имаше неофицијален мораториум за егзекуции на федерално ниво 17 години, поради недостиг на усогласени правилла за смртоносни инекции. Минатата година, сепак, претседателот Доналд Трамп, кој како и повеќето републиканци, е поддржувач на смртната казна, реши да ги продолжи егзекуциите.