една жртва – Kurir.mk

Најмалку една жртва во експлозија на гас во Балтимор

Тале Кристо — Tue, 11 Aug 2020 06:07:02 +0000

Најмалку едно лице загина, а четири се повредени во експлозија на гас во Балтимор, каде под урнатините има и неколку деца. Според првите информации, загинала една жена, а четири лица се хоспитализирани со сериозни повреди. Експлозијата уништила три куќи и оштетила четврта, а остатоците биле расфрлани низ целата населба. На многу куќи од експлозијата испукало стакло. Иако пожарникарите официјално објавија дека станува збор за експлозија на природен гас, причините за несреќата се испитуваат.

Една жртва во тајфунот во Јапонија

Дарко Андоновски — Sat, 12 Oct 2019 07:50:35 +0000

Еден маж загина, а повеќе од милион жители на Јапонија се советувани да ги напуштат своите домови поради моќниот тајфун кој денеска ќе ја погоди оваа островска земја. Мажот загинал кога неговиот автомобил се превртел во источниот дел на Токио, додека четири лица се повредени кога силниот ветер откорнал покриви од домовите. Досега 30.000 домови се уништени или оштетени, а 16.000 домаќинства останале без електрична енергија. Продавниците и фабриките се затворени, железничкиот сообраќај е прекинат и повеќе од 1.600 летови се откажани.

Една жртва во пожарите во Грција, 25 повредени и 10 исчезнати

Дарко Андоновски — Mon, 23 Jul 2018 20:30:53 +0000

Потпретседателот на грчката итна помош Милитиадис Милонас, во изјава за грчката државна телевизија ЕРТ, рече дека едно лице го загубило животот во пожарите во источниот дел на областа Атика, додека пак 25 лица се повредени и пренесени во болница, од кои 6 се во сериозна состојба. Според грчките медиуми, 10 лица, најверојатно туристи од Данска, се исчезнати откако за да избегаат од пожарот се качиле во чамец и се упатиле во непознат правец, а во тек е акција на грчката крајбрежна служба за нивно пронаоѓање и спасување.