едно лице загина – Kurir.mk

ТРАГЕДИЈА ВО СКОПЈЕ: Едно лице загина во сообраќајна несреќа

Дарко Андоновски — Mon, 23 Sep 2019 08:20:42 +0000

Едно лице загинало во една од вкупно 27 сообраќајни незгоди што изминатиот викенд се случиле на подрачјето на СВР Скопје. Во сообраќајките две лица биле потешко, 16 полесно повредени, а во осум била причинета материјална штета. Од СВР Скопје информираат дека викендов сообраќајната полиција санкционирала 72 возачи кои се движеле со брзина поголема од дозволената, а од сообраќај исклучила 50 возачи кои го управувале возилото под дејство на алкохол, 58 возачи пред да се стекнат со право на управување моторно возило и шест почетници, како и 52 нерегистрирани возила и едно технички неисправно возило. Санкционирани биле и осум возачи кои поминале на крстосница на црвено светло, тројца возачи не дале првенство на минување на обележан пешачки премин, пет возачи за неправилно престигнување, 16 возачи за не користење заштитен шлем од страна на возачите на велосипед со мотор, мопед и мотоцикл, 11 возачи за не носење сигурносен појас, како и 19 возачи кои користеле мобилен телефон за време на управување на моторно возило. Тројца пешаци поминале коловоз вон пешачки премин. Затекнати биле 194 возила непрописно паркирани, а со помош на специјалното возило „пајак“, отстранети биле 152 возила.

Едно лице загина при напад на аеродромот во Триполи

Дарко Андоновски — Thu, 15 Aug 2019 14:48:46 +0000

Едно лице загина откако ракети го погодија единствениот аеродром кој функционира во либиската престолнина Триполи, соопшти управата на аеродромот. Аеродромот Митига го прекина сообраќајот и ги пренасочи сите летови до градот Мисрата, кој се наоѓа 200 километри источно од Триполи. Аеродромот е погоден повеќе пати откако силите лојални на генералот Халифа Хафтар започнаа офанзива за преземање на главниот град од меѓународно признатата влада, но ретко имало жртви.

Еден загинат и петмина повредени во 11 сообраќајни незгоди во Скопје

Дарко Андоновски — Wed, 18 Apr 2018 08:14:07 +0000

Едно лице загина, едно се здобило со тешки телесни повреди, а четири се здобиле со полесни повреди во 11-те сообраќајни несреќи регистрирани на подрачјето на СВР Скопје. Сообраќајната полиција исклучила од сообраќај двајца возачи, од кои двајца под дејство на алкохол. Од сообраќај се исклучени и 41 нерегистрирано возило, 73 автомобили биле непрописно паркирани, а „пајакот“ подигнал возила 68.

Едно лице загина при пожар во трговски центар во Москва

Дарко Андоновски — Wed, 04 Apr 2018 11:43:29 +0000

Во пожарот што изби во еден трговски центар во источниот дел од Москва загина едно лице. Во тек е евакуација на посетителите. Трговскиот центар е на четири ката и има површина од 6.000 метри квадратни. Објектот работи од 2009 година. Пожарот изби во момент кога трговските центри во Русија се под инспекции поради пожарот во Кемерово, при што загинаа 64 луѓе, од кои 41 дете.

Едно лице загина, а 15 се повредени во невремето што ја зафати Западна Европа

Дарко Андоновски — Wed, 03 Jan 2018 19:11:46 +0000

Бурата, проследена со ветрови и до 160 километри на час, создаде сообраќаен хаос и корнеше дрвја. Силните ветришта предизвикаа метеж во сообраќајот, при што во Швајцарија и Германија возовите се лизгаа од шините, додека стотици илјади домови останаа без електрична енергија во цела Франција, Швајцарија, Велика Британија и Ирска. Моќните ветришта ги принудија холандските власти да откажат голем број летови и за првпат да ги затворат сите бариери на важните водени патишта. Официјални лица соопштија дека еден скијач загинал на француските Алпи, откако врз него паднало дрво во Морион. Многу луѓе денеска беа повредени, кога воз излета од шините во близина на Ленк, град јужно од Берн, објавија локалните медиуми. И во западна Германија, во близина на Линен, возот излетал од колосекот откако удри во дрво што паднало на пругата, но не е пријавено дека некој бил повреден во таа прилика. Невремето доведе до откажување на летовите на аеродромите во Цирих и Базел, а камион се урна на автопатот во Швајцарија. Илјадници домаќинства во близина на Циришкото Езеро останаа без електрична енергија, а пожарникарите беа повикани да помогнат, бидејќи паднатите дрвјата ги блокираа улиците, а поројните дождови предизвикаа поплави. Швајцарската полиција соопшти дека повеќе луѓе се заглавени на жичарницата во ски-центарот Пикол на Алпите, додека во многу швајцарски ски-центри престанаа да работат ски-лифтовите. Во исто време, во Англија, бурата донесе град и грмотевици, а поради превртување на возила на патот поради невремето, властите затворија делови од три значајни автопатишта. Некои мостови се исто така блокирани за сообраќај. Покрај ова, невообичаено високите бранови предизвикаа делумно уништување на ѕидот на пристаништето Корнвол, во југозападниот дел на Англија. Во меѓувреме, бурата беснее и на северот од Франција, со ветрови посилни од 145 километри на час, најсилни што ја погодиле оваа земја по повеќе години, а многумина објавуваат фотографии на социјалните мрежи од уништени автомобили, урнати скелиња и расфрлани дрвја. Околу 27.000 домаќинства во западниот дел на Ирска сè уште немаат електрична енергија, а куќите и продавниците се поплавени, поради бурата Елеанор и ветрови кои дуваат и до 155 километри на час. Француската дистрибуција на електрична енергија објави дека невремето оставило околу 200.000 домаќинства без струја, вклучувајќи 30.000 во парискиот регион. Во регионот на Париз дрво падна врз автомобил, при што едно лице е тешко повредено, додека друг жител од таа област доби сериозни повреди паѓајќи од зграда. Француското Министерство за внатрешни работи соопшти дека четири лица биле сериозно повредени во инциденти поради силни ветрови. Поради силните ветришта, летовите на аеродромот Шарл де Гол во Париз се одложени, а беа преземени дополнителни мерки на претпазливост при влегување на патниците во авион. Во Германија автопатите во западниот дел на земјата се делумно блокирани поради паднати дрвјата и поплави, додека зоолошките градини во Минхен и Аусбург во Баварија се затворени денеска, а возовите до највисоката германска планина Шугшпиц, поради невремето, не сообраќаат. Во соседна Австрија поради силни ветрови и обилниот снег беа откажани скијачките скокови во Инсбрук.