едно лице – Kurir.mk

Еден повреден во инцидентот кај канцеларијата на Меркел во Берлин

Тале Кристо — Wed, 25 Nov 2020 11:14:14 +0000

Едно лице е повредено во инцидентот кога автомобил се заби во оградата на влезот на канцеларијата на германската канцеларка Ангела Меркел во Берлин, јави ДПА. Лекарите со брза помош и помагаат на жртвата. Според германската агенција, оградата на објектот не претрпе сериозни штети. Германската полиција информираше дека возачот е во притвор. Автомобил управуван од засега неименувано лице денеска удри во оградата на канцеларијата на германската канцеларка, но засега не се соопштуваат деталите за несреќата. Според фотографиите на социјалните мрежи, на автомобилот што удрил во портата биле напишани и пораки. „Стоп за политиката на глобализација“ и „Проклети убијци на деца и стари луѓе“, пишува на вратата од автомобилот. Во моментот на инцидентот германската канцеларка се подготвувала за виртуелен состанок со премиерите на 16-те провинции со цел да се разгледаат натамошните мерки за спречување на ширењето на коронавирусот.

Тешка сообраќајна несреќа на патот Охрид – Свети Наум, загина едно лице од Битола

Тале Кристо — Sun, 16 Aug 2020 09:14:37 +0000

Едно лице го загуби животот, пет се потешко повредени во сообраќајна несреќа што рано изутринава се случи на маистралниот пат Охрид – Свети Наум, кај клучката за излез кон хотелот „Инекс“. До несреќата што се случила во 1:40 часот изутринава дошло при судар на три возила – „Цитроен Ц3“ со битолски, „Волксваген Голф“ со охридски и „Волксваген Пасат“ со прилепски регистерски таблички. Со „Цитроенот“ управувал И.К (27) од Битола, кој со тешки телесни повреди бил префрлен во Специјалната болница за ортопедија и трауматологија „Свети Еразмо“ каде им подлегнал на повредите здобиени во несреќата. Во сообраќајката се повредени уште неколку лица, од кои пет лица потешко. Повредените М.С.(27) од Битола и И.М.(23) од Струга се префрлени на лекување во Клиничкиот центар „Мајка Тереза“ во Скопје, додека во Д.Р.(25) од Скопје, Б.Р.(23) од Охрид и уште едно лице од Битола се хоспитализирани во болницата „Свети Еразмо“. Две лица повредени во несреќата после укажана лекарска помош се пуштени на домашно лекување. Екипа на полицијата, заедно со Јавен обвинител и судски вештак извршија увид на лице место, за утврдување на причните и околностите што довеле до несреќата.

141 новзаразени од коронавирус во Македонија, почина едно лице

Тале Кристо — Tue, 11 Aug 2020 12:06:09 +0000

Министерството за здравство информира дека во последните 24 часа се направени 1885 тестирања, а регистрирани се 141 нови случаи на ковид-19 во: Скопје-39, Куманово-10, Штип-23, Прилеп-1, Тетово-8, Струга-6, Битола-3, Охрид-2, Гостивар-13, Крива Паланка-2, Кочани-3, Пробиштип-1, Демир Хисар-3, Македонски Брод-3, Берово-1, Виница-3, Кратово-1, Свети Николе-1, Кичево-18. Денеска Институтот за јавно здравје регистрира 161 оздравени пациенти од: Скопје-60, Куманово-7, Прилеп-4, Тетово-3, Струга-15, Велес-1, Охрид-3, Кавадарци-7, Гостивар-35, Радовиш- 1, Крушево-2, Пробиштип-1, Македонски Брод-1, Кратово-2, Свети Николе-13, Кичево-5, Ресен-1. Почината е една пациентка од Скопје (51г.) во болнички услови. Вкупната бројка на ковид дијагностицирани во нашата земја од почетокот на епидемијата изнесува 12083, бројката на оздравени пациенти е 8248, на починати е 529, а во моментов бројот на активни случаи во земјата изнесува 3306. Според завршените епидемиолошки анализи во моментов дистрибуцијата по градови е следна: • Скопје 5207, активни 1157 • Куманово 1173, активни 266 • Дебар 219, активни 128 • Штип 988, активни 342 • Прилеп 346, активни 38 • Тетово 1099, активни 175 • Струга 485, активни 151 • Велес 238, активни 26 • Битола 169, активни 76 • Охрид 301, активни 75 • Кавадарци 126, активни 97 • Гостивар 585, активни 285 • Гевгелија 25, активни 14 (*7 лица од ПЕ Гевгелија се жители на Дојран, 3 на Богданци) • Струмица 41, активни 25 • Крива Паланка 29, активни 15 • Радовиш 36, активни 11 • Крушево 16, активни 3 • Кочани 115, активни 26 • Пробиштип 64, активни 18 • Демир Хисар 47, активни 33 • Македонски Брод 55, активни 42 • Пехчево 6, активни 0 • Берово 9, активни 5 • Валандово 7, активни 1 • Виница 36, активни 32 • Делчево 5, активни 3 (*4 лица од ПЕ Делчево се од Македонска Каменица) • Кратово 15, активни 3 • Свети Николе 244, активни 103 • Кичево 219, активни 133 • Ресен 146, активни 11 • Неготино 32, активни 12 (*10 лица од ПЕ Неготино се жители на Демир Капија) Направените 1885 теста се преку: ИЈЗ-814, ЦЈЗ Скопје-24, Авицена-161, Биотек-202, МАНУ -128, Жан Митрев (Филип Втори)-191, Систина со PCR метода -255, Судска медицина -8, ЦЈЗ Битола-68, Инфективна клиника-24, ГАК-10. Досега во земјата се направени вкупно 117475 тестирања на ковид -19. Денеска нема тестирања во рамките на скринингот. На Инфективната клиника во изминативе 24 часа примени се 5 пациенти. Вкупно се хоспитализирани 78 пациенти. На кислородна поддршка се 25 пациенти, нема на механичка вентилација. Во болницата во Козле се хоспитализирани 13 возрасни пациенти позитивни на ковид-19 и 4 деца позитивни на вирусот, и 1 пациент суспектен на вирусот. Во ГОБ „8 Септември“ примени се 12 нови, вкупно хоспитализирани се 86 пациенти. На респираторна машина се 6 пациенти. Во болницата во Битола се хоспитализирани 31, а во болницата во Штип се хоспитализирани 49 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 127 пациенти - позитивни и сомнителни на ковид-19.

Во Иран секои седум минути умира по едно лице од Ковид-19

Магдалена Андонова — Mon, 03 Aug 2020 13:05:21 +0000

Во Иран на секои седум минути од Ковид умира по едно лице, објави денеска државната телевизија, додека Министерството за здравство регистрира 215 нови смртни случаи од болеста. Вкупно 17.405 лица починаа од Ковид-19 во земјата, а бројот на потврдени случаи се зголеми за 2.598, на 312.035, објави Министерството. Некои експерти се сомневаат во точноста на официјалните ирански податоци за бројот на случаи. Во извештајот на истражувачкиот центар на иранскиот парламент од април се вели дека бројот на починати би можел да биде речиси двојно поголем од оној што го објавува Министерството за здравство. (MИА)

Еднo лице загина при пожар во руска електрана на Арктикот

Магдалена Андонова — Mon, 03 Aug 2020 09:40:14 +0000

Во руската електрана Норилск Никел на Арктикот денеска изби пожар поради краток спој. Огнот зафатил површина од шест метри квадратни и е изгаснат. Електраната беше во фокусот на светската јавност откако на 29 мај дојде до излевање на 21.000 тони нафта. Компанијата Норникел, која е еден од сопственивците на термоелектраната, е најголем светски производител на паладиуми и хром. (МИА)

Утрово пукање во Чаир, рането едно лице

Тале Кристо — Tue, 02 Jun 2020 09:04:01 +0000

Утрово нешто пред пет часот, на улицата „Архиепископ Доситеј“ во скопската општина Чаир, било рането едно лице кое управувало мотор. Лицето било пренесено во болницата, полицијата при увидот пронашла шест чаури од муниција за пиштол.

-На 02.06.2020 во 05.45 часот во СВР Скопје било пријавено дека во близина на угостителски објект и градинка на ул.„Архиепископ Доситеј“ во Скопје едно лице пукало од огнено оружје кон К.Т.(24) од Скопје, кој управувал мотоцикл, при што бил повреден во пределот на ногата. Тој бил пренесен во Комплекс клиники „Мајка Тереза“ за укажување на лекарска помош. Увид на местото на настанот извршила увидна екипа од СВР Скопје, при што на местото биле пронајдени и подигнати шест чаури од муниција за пиштол. Се преземаат мерки за расчистување на случајот, соопштуваат од МВР.

Дебар го „победи“ коронавирусот: На домашно лекување уште само едно лице

Тале Кристо — Mon, 27 Apr 2020 13:12:14 +0000

Во Дебар само уште едно лице позитивно на „Ковид-19“ е на домашно лекување. Денеска ќе му биде биде земен контролен брис и доколку резултатот биде негативен и тоа ќе се вброи во списокот излекувани, информираше меѓу другото градоначалникот на Дебар, Хекуран Дука. Градоначалникот на Дебар, кој раководи и со општинскиот Оперативен штаб, на прес-конференцијата по средбата на Штабот, рече дека и во последното деноноќие нема новодијагностицирани лица позитивни на коронавирусот, со што бројката останува 51 заразено лице. Од вкупниот број 46 се излекувани, додека за жал четворица се починати. Во самоизолација, додаде Дука, се 16 лица. Според него, непречено се одвива скринингот за имунитет на населението, што го спроведуваат 17 матични лекари, со кој треба да бидат опфатени 2.342 лица во општините Дебар и Центар Жупа и оти до сега оваа активност е реализирана за над 50 отсто. -Безбедносната состојба за време на викендот може да се оцени како добра, освен што во последното деноноќие три лица не ја почитувале забраната за движење. Не се евидентирани кражби, нарушувања на јавниот ред и мир и сообраќајни незгоди. Непречено функционираат апаратите за дезинфекција на возила кои се поставени на влезовите во градот, нагласи Дука. Информираше дека волонтерите на Црвен крст продолжуваат со давањето помош-услуги и за време на викендот. Имале повици од седум лица, од кои две лица имале потреба од храна, а седум за лекарства. Тој упати апел до граѓаните и понатаму строго да ги почитуваат мерките и препораките на надлежните и задолжително доколку излегуваат од своите домови да носат заштитна маска и ракавици.

Во Албанија почина уште едно лице заразено со Ковид-19

Тале Кристо — Sun, 26 Apr 2020 09:17:52 +0000

Во Албанија регистрирана е уште една жртва од новиот кооронавирус, со што бројот на починати се зголеми на 28. – Станува збор за 60- годишно лице, кое боледувало и од дијабетис и висок крвен притисок. Неговата сосотојба била видно влошена последните денови, а денеска наутро почина во болницата „Шефќет Ндроќи“ во Тирана. Според вчера соопштените податоци од албанското Министерство за здравтсво и социјална политика од почетокот на март до сега тестирани се 7.015 сомнителни случаи и потврдени се позитивни 712, односно околу 10 отсто од вкупниот број тестирани. Во овој период оздравеле 403 пациенти, а 40 се на болничко лекување.

Тешка сообраќајна несреќа во Козле: Тешко повредено едно лице

Тале Кристо — Sat, 25 Apr 2020 09:27:05 +0000

На 24 април 2020 година во 18.50 часот на крстосница од улиците „Козле“, „Васил Ѓоргов“ и „Загребска“ случена е сообраќајна незгода помеѓу патничко моторно возило марка „сеат ибица“ со скопски регистарски ознаки управувано од Д.З (34) од Скопје и мотор „пијаџо“ управуван од И.Ч (46) од Скопје. Од незгодата со повреди се здобил И.Ч кој со возило на брза помош бил пренесен во Ургентен центар при комплексот клиники „Мајка Тереза“ каде од страна на лекар му била укажана лекарска помош и му биле констатирани тешки телесни повреди. По укажаната лекарска помош пуштен е на домашно лекување.

Забраната за движење не ја почитувале 164 лица, а едно лице мерките за самоизолација

Тале Кристо — Sun, 05 Apr 2020 08:58:59 +0000

Во текот на изминатите 24 часа (04/05.04.2020) на ниво на целата држава евидентирани се 164 лица кои не ја почитувале забраната за движење, при што 122 се приведени, а за останатите се земени податоци и ќе следуваат соодветни мерки, информира МВР. Во текот на изминатото деноноќие, посочуваат од МВР, на 264 лица во земјава им се издадени решенија за изолација, а 24 лица потпишале изјави за самоизолација. -Од страна на полициски службеници извршени се контроли кај лица во изолација и самоизолација и утврдено е дека едно лице не се придржувало на мерките за самоизолација, соопшти МВР.