Едсон Арантес до Насименто – Kurir.mk

Сите го знаеме како ПЕЛЕ, но ова е вистинското име на легендарниот БРАЗИЛЕЦ

Ристе Здравков — Fri, 30 Dec 2022 11:13:35 +0000

На 82-годишна возраст вчера почина легендарниот бразилски фудбалер Пеле. Едсон Арантес до Насименто – Пеле се смета за еден од најголемите играчи на сите времиња. Со репрезентацијата на Бразил три пати беше светски првак, што не го направил ниту еден играч. Од него се прости и легендарниот ас од југословенските простори, Драган Џајиќ. „Толку сум тажен. Тој беше симбол на фудбалот и неговата генерација. Многу луѓе го сакаа и го почитуваа, а тој сè е феномен. Една средба со него никогаш нема да ја заборавам. Тоа се случи на нашиот прием во амбасадата во Бразил. Тој дојде до мене, разговаравме затоа што бев капитен на Југославија, а потоа ме праша дали му го испратиле телевизорот што му го ветиле од Југославија. Му реков дека ништо не испратиле по нас, не знам дали можеби ќе го испратат подоцна, но знам дека му бил ветен“, раскажа Џајиќ.

Фудбалската легенда Пеле излезе од болница

Магдалена Андонова — Fri, 22 Apr 2022 08:36:52 +0000

Светската фудбалска легенда Едсон Арантес до Насименто (81), по дводневен престој ја напушти болницата „Алберт Ајнштајн“ во Сао Паоло, јавија денеска локалните медиуми, додавајќи оти Пеле е во стабилна состојба. На трикратниот светски првак лани му беше дијагностициран тумор на дебелото црево, а по оперативниот зафат неколку пати се враќаше во болницата за испитувања и хемотерапии. – Едсон Арантес до Насименто е испишан од болницата „Алберт Ајнштајн“. Пациентот е во добра и стабилна клиничка состојба, се наведува во медицинскиот извештај, потпишан од ендокринолог, онколог и директорот на болницата. Пеле е единствениот фудбалер во историјата, кој освоил три титули светски првак (1958, 1962 и 1970), а популарниот „O Rei (Крал) во кариерата постигна повеќе од 1.000 голови пред да ги закачи копачките на ѕид во 1977 година. (МИА)

Пеле излезе од болница

Ивона Петрова — Fri, 24 Dec 2021 09:38:26 +0000

Болницата „Алберт Ајнштајн“ во Сао Паоло соопшти синоќа дека еден од најдобрите светски фудбалери на сите времиња Едсон Арантес до Насименто (81), попознат како Пеле, е пуштен на домашно лекување, откако на почетокот на овој месец повторно беше хоспитализиран поради лекување на тумор на дебелото црево. – Пациентот е во стабилна состојба и ќе продолжиме со лекување на туморот. Сега е пуштен дома, се наведува во болничкото соопштение. Пеле кон средината на септември беше опериран од тумор на дебелото црево, а потоа беше подложен на хемотерапија. Тој е единствениот фудбалер во историјата со три титули светски првак (1958, 1962 и 1970), а популарниот „O Rei (Крал) во кариерата постигна повеќе од 1.000 голови пред да ги закачи копачките на ѕид во 1977 година.

Пеле за Марадона: Еден ден заедно ќе шутираме топка на небото

Магдалена Андонова — Wed, 25 Nov 2020 18:36:23 +0000

Една од најголемите фудбалски легенди, поранешниот бразилски репрезентативец Едсон Арантес до Насименто, попознат како Пеле, изрази жалење за смртта на Диего Марадона. „Дефинитивно ќе ја шутираме топката на небото заедно еден ден“, рече Пеле во кратката изјава дадена од неговиот претставник за британски медиуми. Еден од најдобрите светски фудбалери на сите времиња, Аргентинецот Диего Армандо Марадона почина денеска на 60-годишна возраст како резултат на срцев удар, потврди неговиот адвокат. Марадона се бореше со здравствени проблеми во последно време, а пред неколку недели беше подложен на операција за субдермален хематом на мозокот. (МИА)