Едуар Филип – Kurir.mk

Истрага против поранешниот француски премиер и министри поради Ковид-19

Ивона Петрова — Sat, 04 Jul 2020 07:07:53 +0000

Неколку часа откако сега веќе поранешниот француски премиер Едуар Филип поднесе оставка, судот во Франција покрена истрага за тоа како Владата постапила во ситуацијата со пандемија на новиот коронавирус. Заедно со Филип, под истрага се и поранешната министерка за здравство Ањес Бизин и нејзиниот наследник Оливие Веран, изјави јавниот обвинител Франсоа Молен. Француската Влада се соочуваше со критики поради недостигот на медицинска опрема за време на пандемијата. Од почетокот на епидемијата, во Франција од коронавирус се заразени 202.673 лица, а починале 29.875 луѓе.

Едуар Филип нема да му биде противник на Емануел Макрон во 2022 година

Магдалена Андонова — Wed, 24 Jun 2020 14:10:35 +0000

Пред реконструкцијата на француската Влада, што се очекува на почетокот на јули, еден од најблиските соработници на премиерот Едуар Филип, тврди дека тој нема да биде кандидат за функцијата претседател во 2022 година, јави дописникот на МИА. Популарноста на премиерот Едуар Филип постојано се зголемува од почетокот на кризата со Ковид-19, но сепак е можно тој да замине од премиерската функција при најавената реконструкција на владата по општинските избори. Ова евентуално заминување, доведе до лавина од гласини за можните планови на Едуар Филип. -Едуар Филип нема да биде кандидат за претседател во 2022 против Емануел Макрон. Јас тоа можам да ви го кажам со извесен степен на сигурност, кој е многу висок, изјави Жил Боаје, поранешниот специјален советник и близок пријател на Едуар Филип. Во очекување на неговото можно заминување од функцијата премиер, Едуар Филип е концентриран и на локалната политичка сцена, поточно општинските избори во Хавр (Нормандија) каде е кандидат за градоначалник. Деновиве тој изјави дека „негова цел е да биде градоначалник на Хавр, набрзо, тоа може да се случи брзо, ако се случи брзо, тоа ќе биде добро“. Покрај Едуар Филип исто и актуелната градоначалничка на Париз и кандидат за нов мандат Ан Идалго потврди дека и таа нема да биде кандидат за претседател на Франција. (МИА)

Франција ги заострува мерките против ширење на коронавирусот

Ивона Петрова — Tue, 24 Mar 2020 06:37:34 +0000

Францускиот премиер Едуар Филип изјави дека мерките за спречување на ширење на коронавирусот може да бидат во сила уште неколку недели и дека владата ги заострува постојните ограничувања. Тој рече дека граѓаните ќе можат да вежбаат надвор само еднаш на ден во рок од еден километар од местото на живеење, додека на погреб може да присуствуваат максимум 20 лица. Според него, отворените пазари ќе бидат затворени и не ја исклучи можноста за воведување полициски час во одредени области, но додаде дека тоа е во рацете на локалните власти. – Многу граѓани сакаат животот да се врати во нормала, но тоа нема да се случи наскоро, предупреди Филип. Една недела откако претседателот Емануел Макрон ги воведе ограничувањата, бројот на смртни случаи од Ковид-19 надмина 860, а бројот на пациенти кои имаат потреба од медицинска помош се зголеми за 20 проценти на повеќе од 2.000.

ФРАНЦИЈА НЕ СЕ СМИРУВА: Затворено метрото околу Париз поради протест за пензионирањето

Ивана Ефремовски — Mon, 09 Dec 2019 08:00:08 +0000

Францускиот претседател Емануел Макрон денеска ќе се сретне со министрите кои работат на реформата на пензискиот систем, што предизвика штрајк во целата земја и блокираше клучни транспортни услуги. Париз е сè уште парализиран, при што само два воза возат без возач во метрото. Железничката мрежа „SNCF“ соопшти дека денес работи секој шести брз воз. Штрајкот, кој започна на 5 ноември околу реформата на пензискиот систем, потсетува на штрајкот од 1995 година кога, по три недели масовни протести, владата мораше да ја промени својата социјална политика. Премиерот Едуар Филип рече дека Владата нема да се откаже од најавените реформи. -Ако не спроведеме далекусежни, сериозни и прогресивни реформи денес, тогаш утре ќе бидат многу побрутални“, рече Филип. Францускиот премиер треба да ги објави сите детали за реформата, што вклучува спојување на сите постојни пензиски шеми во една. Синдикатите велат дека предлогот на Макрон за единствен пензиски систем ќе принуди милиони луѓе во приватниот и јавниот сектор да работат дури и откако ќе наполнат 62 години, што сега е валидна старосна граница. Лидерот на синдикатот „CGT“, Филип Мартинез, рече дека штрајкот ќе продолжи се додека владата не го повлече планот. Три најголеми синдикати на железничките работници најавија дека штрајкот ќе се засили утре. Синдикатите најавија нов бран масовни демонстрации во вторник, 10 декември, а сообраќајните проблеми се очекува да продолжат. Покрај работниците, на штрајкот им се придружуваат „жолтите елеци“ кои вчера повторно излегоа на улиците на Париз и другите градови низ целата земја.

Францускиот премиер ја откажа посетата на Израел

Даниел Василев — Wed, 23 May 2018 12:59:30 +0000

Францускиот премиер Едуар Филип ја откажа посетата на Израел, предвидена за крајот на мај, поради „внатрешно политички прашања што ќе се случуваат во следните денови“, соопшти денеска извор во Владата на Франција. Филип требаше да престојува во Израел на 31 мај на стартот на манифестацијата „Израелско-француска културна сезона“. Меѓутоа, според поратлот „и24њуз“, откажувањето на посетата на Филип е поврзано со осудата на Израел од страна на меѓународната заедница, поради убиството на десетици Палестници за време на минатонеделните палестински протести на гранциата меѓу Појасот Газа и Израел, организрани поради отворањето на Американската амбасада во Ерусалим. МИА