едуард филип – Kurir.mk

Францускиот премиер Едуард Филип поднесе оставка

Тале Кристо — Fri, 03 Jul 2020 08:05:03 +0000

Францускиот премиер Едуард Филип денеска поднесе оставка на функцијата шеф на владата, соопшти Елисејската палата. Со оваа одлука всушност во оставка е и целата влада, информираат француските медиуми. Филип е премиер на Франција од 15 мај 2017 година. Францускиот претседател Емануел Макрон вчера соопшти дека ќе има „нов владин тим“, потврдувајќи ја дебатата во медиумите за претстојните измени во составот на францускиот кабинет и не прецизирајќи дали Едуард Филип ќе остане премиер. -Треба да се направи избор за да се тргне по нов пат. Тоа се новите цели за независноста, реструктуирањето, помирувањето и новите методи за нивно спроведување. Зад себе ќе имам нов тим, рече Макрон во интервју, за регионалните медиуми, без да даде детали за можните промена во кабинетот. Говорејќи за Едуард Филип, кој во неделата, на општинските избори, победи на изборите за градоначалник на Авр, Макрон истакна дека премиерот во последните три години направи „прекрасна работа“. -Ние спроведовме важни историски реформи – често во многу тешки услови. Тој спроведе важни реформи и изградивме однос на доверба кој е единствен за историјата на Петтата Република, рече францускиот лидер.

Филип: Британците недоволно се штитат од коронавирусот, нема да можат да влезат во Франција

Ивона Петрова — Wed, 18 Mar 2020 07:08:33 +0000

Францускиот премиер Едуард Филип ја предупреди Велика Британија дека мора поодлучно да се бори против коронавирусот. Франција од денеска е во целосна блокада, слични потези повлекоа и Италија, Шпанија, Белгија и уште неколку земји од Европската унија. Лидерите на земјите од ЕУ синоќа преку видоеконференциска средба донесоа одлука за затворање на надворешните граници на Унијата на 30 дена. -Италија, Шпанија и другите земји воведоа строги рестрикции. Но, Велика Британија и натаму не презема вистински мерки и продолжи ли така, тешко дека нејзините граѓани ќе ги пуштиме во Франција, рече Филип. Во Велика Британија во моментов има 1.950 заразени , а 67 лица умреа. Но, Борис Џонсон се уште не прогласил мерки слични на оние од остатокот на Европа, туку само на граѓаните им предложи одбегнување непотребен контакт со други луѓе и избегнување на турканици.

Францускиот премиер се надева на компромисно решение за пензиската реформа

Тале Кристо — Tue, 07 Jan 2020 10:37:23 +0000

Францускиот премиер Едуард Филип изрази надеж денеска дека ќе постигне компромисно решение со синдикатите за пензиската реформа, што доведе до протести и штрајк низ целата земја повеќе од еден месец. – Отворено ќе разговараме за многу теми, рече Филип пред да ја започне својата средба со синдикатите. Премиерот го пофали предлогот на синдикатот ЦФДТ за „конференција за финансирање“ на пензискиот систем наместо сегашниот предлог закон за нов универзален систем за пензиски исплати. Во Франција, денеска е 34-ти ден од железничкиот штрајк што парализира дел од земјата како и самиот Париз.

Француската Влада ја заострува политиката против „жолтите елеци“

Ивона Петрова — Tue, 08 Jan 2019 10:00:12 +0000

Францускиот премиер Едуард Филип во интервјуто за телевизијата ТФ1 најави „нов закон“ со кој ќе бидат заострени санкциите против „насилниците“ и најавените протести, јави дописникот на МИА. Тој, исто така, истакна дека следната сабота ќе бидат мобилизирани 80.000 припадници на силите на редот за натамошна мобилизација на движењето на „жолтите елеци“. Филип нагласи дека имало повеќе од илјада пресуди и над 5.600 мерки притвор од почетокот на движењето. – Не можеме да прифатиме дека некои луѓе ги користат овие протести за да се кршат и да палат. Понекогаш доаѓаат да кршат, да пљачкосуваат, понекогаш да ги оспоруваат институциите, додаде францускиот премиер. Тој притоа увери дека насилниците „нема да го имаат последен збор“. МИА

Францускиот премиер: Зголеменено ангажирање на војската

Дарко Андоновски — Wed, 12 Dec 2018 20:43:19 +0000

Францускиот премиер Едуард Филип денеска изјави дека претседателот Емануел Макрон одлучил „да ја зголеми воената мобилизација” во рамки на операцијата „Стражар“ (Сентинел), еден ден по смртоносниот напад во Стразбур. „Стражар“ е безбедносна операција која започна по нападот во Париз во 2015 година, во рамки на која 10.000 војници и 4.700 полицајци и жандарми обезбедуваат чувствителни локации од терористички напади. – Станува збор за околу 500 војници кои од денеска се вклучени во операцијата и 1.300 , кои ќе се придружат во наредните денови, веќе се ангажирани во обезбедувањето и гарантирањето на безбедноста на Французите, рече Филип. Тој изјави дека целта е „обезбедување на мастата на јавни собири“, првенствено на божиќните саеми низ целата земја.