Ова се градовите кои имаат најчист воздух во Европа

Ивона Петрова — Mon, 21 Jun 2021 11:57:13 +0000

Шведскиот град Умео, финскиот Тампере и португалскиот Фуншал имаат најчист воздух во Европа, според Европската агенција за животна средина (ЕЕА). Градови со најзагаден воздух се Нови Сонк во Полска, Кремона во Италија и Славонски Брод во Хрватска. Жителите на повеќе од половина од 323 градови во кои се мери квалитетот на воздухот во текот на 2019 и 2020 година дишат загаден воздух, а повеќето од нив се наоѓаат во Полска и Италија. Постојат 127 градови со добар квалитет на воздух, што значи дека на тие места нивото на ситни честички прашина со дијаметар помал од 2,5 микрометри (ПМ2,5) е под граничната вредност од 10 микрограми на метар кубен воздух, утврдено од Светската здравствена организација. Во првите десет градови, со концентрација ПМ2,5 под пет микрограми на метар кубен, има уште два града во Шведска – Стокхолм и Упсала, три града во Естонија – Талин, Нарва и Тарту, како и норвешки Берген и Саламанка во Шпанија. Европската унија постави 25 микрограми PM2,5 на метар кубен како годишна гранична вредност. Сите градови кои имаат повисоко ниво на PM2,5 отколку што се класифицирани во категоријата градови со многу слаб квалитет на воздухот. Во оваа категорија има пет градови во Полска, Хрватска и Италија.

Стотици илјадници починати во Европа поради загадување на воздухот

Ивона Петрова — Wed, 16 Oct 2019 10:42:38 +0000

Лошиот квалитет на воздухот во 2016 година предизвика најмалку 400.000 предвремени смртни случаи во Европа, а речиси секој Европеец кој живее во град е изложен на загадување кое го надминува здравото ниво, се посочува во денеска објавениот извештај на Европската агенција за заштита на животната средина (ЕЕА). – Загадувањето на воздухот во моментов претставува најголем ризик од животната средина, кога станува збор за здравјето на луѓето, се вели во извештајот на ЕЕА, пренесува Хина. Авторот на извештајот и експерт за квалитет на воздухот Алберто Гонзалез Ортиз оцени дека иако нивото на опасни и штетни честички во градовите се намалува, сепак тоа не се случува доволно брзо. Тој потенцира дека се уште не достигнат стандардот на Европската унија, а сме далеку од стандардите на Светската здравствена организација. Европската законска регулатива од државите-членки бара да го проценат ризикот од серија загадувачки супстанци, вклучувајќи озон и штетни честички и да преземат соодветни мерки. Во јули, Европската комисија од Европскиот суд на правда побара преземање мерки против Шпанија и Бугарија поради лошиот квалитет на воздухот во тие земји, предупредувајќи дека нивните власти не успеале да ги заштитат своите граѓани од загадувањето. Во текот на 2017 година, 16 од 28 членки на ЕУ пријавиле најмалку еден случај кој упатува на тоа дека нивото на јаглерод диоксид е поголемо од законски одредената просечна годишна концентрација во ЕУ. На тој список, меѓу другите се Франција, Белгија, Холандија, Шпанија, Германија и Велика Британија. Законски дозволената просечна годишна концентрација во државите од ЕУ изнесува 40 микрограми.

ЕЕА – Kurir.mk

Ова се градовите кои имаат најчист воздух во Европа

Стотици илјадници починати во Европа поради загадување на воздухот