ЕЕЗ – Kurir.mk

Милошоски: Пендаровски направил голема грешка со одбивањето членство во ЕЕЗ

Тале Кристо — Tue, 08 Dec 2020 17:31:08 +0000

Пендаровски направил голема грешка со одбивањето членство во ЕЕЗ (European Economic Area), пишува на својата Фејсбук страница пратеникот од редовите на ВМРО-ДПМНЕ Антонјо Милошоски. -Пред месец дена МК се зачлени во BSEC, Црноморска економска заедница, каде членуваат Турција, Русија, Албанија, Бугарија, Грција, Романија, Србија, Украина, Ерменија и др.земји. -Ова е економски форум/ организација со неспоредливо помал капацитет и привилегии кои ги нуди членството во Европската економска зона. Но, дури и зачленувањето во BSEC помина по ред, одлука на влада, анализа, информација, консултација со претседател, апликација на МНР, дебата на Комисијата за надворешна политика во Собрание, одлука за ратификација во Собрание, потпис од Претседател. Пендаровски со вонинституционалното одбивање на понудата за членство во ЕЕЗ направил две крупни грешки, на штета на Македонија. 1.Тој е Претседател, но не е монарх за да може сам, без консултации со Владата и Собранието, без консултации со стопанските комори, да одлучи за надворешно-политичките и економски перспективи кои И се нудат на државата, и 2.Пендаровски на Македонија И ускратил многу добра економска перспектива во една организација во која членуваат земјите од ЕУ, како и Норвешка, Исланд, Лихтенштајн и делумно Швајцарија, која перспектива воопшто не е во колизија со идното можно членство во ЕУ. Европската економска зона има 4 столба, а тоа се слободен проток на стоки, услуги, луѓе и капитал меѓу членките на оваа економски влијателна зона! -Земјите членки на ЕЕЗ се должни да усогласат голем дел од своето законодавство со регулативите на ЕУ, а имаат и заеднички Комитет, како и заеднички ЕЕЗ-ФОНД од кој се одвојуваат средства за помалку развиените подрачја во државите членки. Претседателот Пендаровски, дали со знаење или од незнаење, сепак многу згрешил!, пишува во својата објава претеникот Милошоски.

Скандалозно: Пендаровски одбил членство во Европската економска заедница

Ивана Ефремовски — Tue, 08 Dec 2020 10:42:45 +0000

Македонскиот претседател Стево Пендаровски, на онлајн самитот ЕУ - Западен Балкан, организиран од тинк-тенк групата „Пријатели на Европа“ изјави дека македонскиот државен врв добил понуда за членство во Европската економска заедница, но дека таа била одбиена бидејќи нема алтернатива за полноправно членство во ЕУ. -Некои од нас во регионот, а јас можам да зборувам само за Северна Македонија, добија понуда од многу високи функционери да станат членки на Европската економска заедница. Јас веднаш ја одбив оваа понуда, бидејќи овој начин на размислување е катастрофален на долг рок, рече Пендаровски. Што БЕШЕ Европската економска заедница? Европската економска заедница (ЕЕЗ) беше регионална организација која имаше за цел да придонесе за економска интеграција меѓу нејзините земји членки. Создаден е со Договорот од Рим од 1957 година. По формирањето на Европската унија во 1993 година, ЕЕЗ беше вклучена во ЕУ и беше преименувана во Европска заедница ( ЕЗ ). Повеќе за ЕЕЗ прочитајте ТУКА

ВМРО-ДПМНЕ: Кого прашал Стево Пендаровски што одбил членство на земјава во ЕЕЗ?

Стево Пендаровски не ги знае ниту основните европски институции. Европската економска заедници е претходница на ЕУ од која Унијата настанала, и таа веќе не постои. Како Пендаровски одбил членство во нешто што го нема?! Но доколку Пендаровски одбил членство во Европската економска зона, тогаш тој постапил неодговорно, велат од ВМРО-ДПМНЕ. Од партијата посочуваат дека Стево Пендаровски и Зоран Заев не се монарси, на кои народот им го предал правото безусловно да владеат и Македонија не е нивна своина, ниту Пендаровски, ниту Заев не смеат да донесуваат стратешки одлуки без да го прашаат народот. -Кого прашал Пендаровски кога ја одбил понудата Македонија да стане членка на Европската економска зона?! Европската економска зона е посебна зона составена од држави кои се дел од заедничкиот пазар на ЕУ. Држави кои се дел од Европската економска зона се Норвешка, Лихтенштајн и Исланд, а пред да влезе во ЕУ таму била и Хрватска, со членувањето во Европската економска зона државата станува дел од заедничкиот пазар на ЕУ на чија територија важат исти правила, прописи и трговијата кон земји членки на ЕУ се одвива слободно, како земјата да е членка на ЕУ. Одбивањето на ваква понуда е скандалозно. Државниот врв не смее да донесува одлуки на своја рака и за ваква понуда мора да се консултира со граѓаните. Членувањето во Европската економска зона е голем плус за државата додека чека влез во ЕУ, со што се олеснува трговијата и протокот на луѓе и стока. Членството во ЕЕЗ ќе значи повеќе работни места, развој на деловното окружување, но пред се обврска за усогласување на домашното законодавство со стандардите на ЕУ. Очигледно е дека СДСМ се грижи единствено за бизнис интересите на семејството Заеви, наместо за Македонските работници и стопанственици. Одбивањето на понудата е антидржавен чин. Пендаровски и Заев да кажат зошто ја одбиле понудата и од чии странски интереси се воделе?! Чиј интерес е Македонија да не е дел од Европската економска зона и кој го попречува нашето евроатлантско напредување?!, се наведува во соопштението на партијата.

ВМРО-ДПМНЕ: Кого прашал Стево Пендаровски што одбил членство на земјава во ЕЕЗ?

Ивона Петрова — Tue, 08 Dec 2020 10:21:15 +0000