ефикасност – Kurir.mk

Објавена досега најголемата студија за ефикасноста на Фајзер, еве ги резултатите

Магдалена Андонова — Thu, 06 May 2021 07:56:05 +0000

Досега најголемото истражување на ефикасноста на вакцината Фајзер/БиоНТек против коронавирусот на општата популација покажа во четвртокот дека вакцината има повеќе од 95% ефикасност, а истовремено покажа дека таа заштита значајно опаѓа доколку личноста се вакцинира само еднаш, наместо препорачаните две дози. Авторите на истражувањата од израелската национална кампања на вакцини изјавиле дека се приложени докази од реалниот живот дека пандемијата би можела да се спречи само со брзо, глобално вакцинирање. Анализата на јавноздравствените податоци од Израел - една од земјата со најголем процент на потполно вакцинирани возрасни луѓе - покажа дека вакцината ги штити и постарите луѓе во време кога доминира најзаразната англиска варијанта, според резултатите од објавените во медецинското списание Лансет. До почетокот на април скоро 5 милиони луѓе во Израел ги примиле двете дози на Фајзер/БиоНТек вакцината, што во превод би значело повеќе од 70% население. Заштита е помала само со една доза Студијата покажа дека две дози на вакцината овозможуваат 95,3 отсто заштита од инфекцијата и 96,7 заштита од смрт седум дена по втората примена доза. По 14 дена таа заштита се зголемува на 96,5 отсто, односно 98 отсто. Но заштитата е значително мала кога луѓето добиле само една доза на вакцина. Помеѓу 7 и 14 дена по првата доза утврдено е дека заштитата од инфекцијата е 57,7 отсто а заштитата од смрт е 77 отсто. Авторите рекле дека една доза може да овозможи пократок период на заштита особено во опкружување која се појавуваат нови вирусни соеви. - Важно е што студијата покажува дека двете дози на вакцината значително го зголемуваат имунитетот и заштитата, изјави Џонатан Бал, професор од молекуларната вирологија на Универзитетот во Нотингем, кој не беше вклучен во студијата. - Поради тоа е важно луѓето да ги добијат двете дози. Во текот на истражувањето се забележани 232 268 потврдени инфекции на Ковид-19, а скоро кај 95 отсто од тестираните примероци е утврдена англиската варијанта B117. Забележана се 4481 тешки инфекции и 1113 смртни случаи. Научниот тим рече дека не може да го проучи влијанието на јужноафриканската варијанта, која беше идентификувана и во Израел. Излез од пандемијата? До четврток, најголемата студија за општа популација на Фајзер/БиоНТек, исто така спроведена во Израел, беше скоро пет пати помала, во која учествуваа 1,2 милиони луѓе. Коментирајќи ја студијата, Еил Лешам од медицинскиот центар Хаим Шеба и Анели Вајлдер-Смит од лондонското училиште за хигиена и тропска медицина напишаа дека резултатите од студијата „сугерираат дека високата стапка на покриеност со вакцините може да понуди излез од пандемијата“. - За жал, брзата покриеност на ниво на население не може лесно да се реплицира во многу други земји, рече парот, кој не учествуваше во студија чии резултати беа објавени во Лансет. - Глобалната употреба на вакцини (Фајзер/БиоНТек) е ограничена поради проблеми со снабдување, високи трошоци и барања за складирање на екстремно ниски температури.

НАЈНОВА ВЕСТ: Вакцината на Фајзер/БиоНТек ефикасна и против индиската мутација на коронавирусот

Магдалена Андонова — Wed, 28 Apr 2021 12:46:57 +0000

Основачот и директорот на лабораторијата БиоНТек, Угур Сахин изјави денеска дека е уверен во ефикасноста на својата вакцина, која е развиена со американската компанија Фајзер, и против „индиската мутација“ на коронавирусот. – Иако тестирањето е во тек, индиската мутација веќе ја проучувавме и нашата вакцина делува против неа, истакна Сахин на онлајн прес-конференција. Тој нагласи дека БиоНТек ја тестирал својата вакцина на повеќе од 30 мутации на вирусот и секојпат е добиен барем „доволен имунолошки одговор“. Варијантата В.1.617, која прво се појави во Индија, е откриена во најмалку 17 земји. Според податоците на Светската здравствена организација, меѓу земјите во кои е потврдено присуството на оваа мутација на вирусот, се и Велика Британија, САД, Белгија и Швајцарија. (МИА)

НОВИ ПОДАТОЦИ ЗА ВАКЦИНАТА НА ФАЈЗЕР – објавени информации, еве колкава е ефикасноста

Магдалена Андонова — Thu, 01 Apr 2021 13:35:05 +0000

Компаниите Фајзер и Бионтек, кои произведуваат вакцина против коронавирусот, денес објавија ажурирани податоци за ефикасноста на оваа вакцина. Врз основа на 927 симптоматски случаи следени во третата фаза на клинички испитувања до 13 март 2021 година, вакцината покажала ефикасност од 91,3 проценти, а резултатите биле измерени од седум дена до шест месеци по примањето на втората доза на вакцината. Според Американскиот центар за контрола и превенција на болести, вакцината покажала 100% ефикасност во заштитата од тешка клиничка слика, додека според Американската агенција за лекови, вакцината е ефикасна 95,3 проценти во овој случај. Извршниот директор на „Фајзер“, Алберт Бурла, рече дека ажурираните резултати, кои вклучуваат податоци за испитување на над 12 000 лица вакцинирани најмалку шест месеци, им овозможуваат на „Фајзер“ и „Бионтек“ да аплицираат за целосно одобрување во Соединетите држави. - Високата ефикасност на вакцината е забележана шест месеци по втората доза и против варијанта на вирусот, широко распространета во Јужна Африка и обезбедува дополнителна доверба во вкупната ефикасност на нашата вакцина“, рече Алберт Бурла, претседател и извршен директор на Фајзер.

„АстраЗенека“: 76 отсто ефикасност на вакцината, високо ефикасна и кај лицата над 65 години

Ивона Петрова — Thu, 25 Mar 2021 08:50:42 +0000

Компанијата „АстраЗенека“ соопшти дека нејзината вакцина против Ковид-19 е 76 отсто ефикасна во спречување на симптоматските форми на болеста, покажува најновата анализа на главното истражување во САД, нешто пониска од нивото објавено претходно оваа недела во извештајот критикуван за употреба на застарени информации. Американските здравствени власти јавно му забележаа на производителот на лекови што не ги користел најновите информации кога во понеделникот објави привремена анализа во која се наведува дека вакцината е ефикасна 79 проценти. – Примарната анализа е во согласност со нашата претходно објавена привремена анализа и потврдува дека нашата вакцина против Ковид-19 е високо ефикасна кај возрасните, вклучително и кај оние над 65 години, рече Мене Пангалоса, извршен потпретседател на „АстраЗенека“. Тој најави дека компанијата ќе достави регулаторна апликација за одобрување за „итна употреба во САД и ќе се подготви за испорака на милиони дози низ Америка“.

Новавакс заврши со тестирањето, објави колку е ефикасна нивната вакцина

Ивона Петрова — Fri, 29 Jan 2021 07:24:05 +0000

Американската компанија „Новавакс“ соопшти дека резултатите од тестирањата во Велика Британија покажале дека нејзината вакцина против коронавирусот е ефикасна 89,3 проценти. Компанијата наведува дека прелиминарните резултати покажале дека вакцината е речиси исто толку ефикасна и против новиот, позаразен вид на коронавирус, откриен во Велика Британија. „Новавакс“ соопшти дека очекува истражувањето, во кое учествувале 15.000 лица на возраст од 18 до 84 години, да се искористи за поднесување барања за регулаторна ревизија во Велика Британија, ЕУ и другите земји. Веднаш по дознавањето на резултатите, британскиот премиер Борис Џонсон како многу добра вест ја оцени ефикасноста на вакцината на „Нововакс“. „Нашето регулаторно тело за лекови сега ќе ја оцени вакцината што ќе се произведува во Тисајд. Доколку биде одобрена, ќе нарачаме 60 милиони дози“, напиша Џонсон на Твитер, пренесен од британските медиуми. Во истражувањето на „Нововакс“ околу 27 проценти од учесниците биле лица постари од 65 години, пренесуваат британските медиуми.

Москва: Ефикасноста на вакцината „Спутник V“ е 92 отсто

Ивона Петрова — Wed, 11 Nov 2020 10:53:19 +0000

Ефикасноста на вакцината „Спутник V“ против новиот коронавирус, што е во третата фаза на испитување во Русија, изнесува 92 отсто, соопшти денеска Рускиот фонд за директни инвестиции. Во соопштението на Твитер се наведува дека пресметките се засновани на дистрибуцијата на 20 потврдени сличаи забележани во контролната, плацебо група и во групата што ја примила вакцината. Исто така се додава дека ефикасноста е докажана врз основа на првите привремени анализи на податоците од 21 ден откако доброволци ја примија вакцината. Во текот на третата фаза на испитување учествуваа од 20.000 до 40.000 добровилци во 29 медицински институции, а во првата и втората фаза учествуваа 16.000 луѓе. Не се забележани непредвидливи несакани ефекти кај вакцинираните лица, само краткотрајни ефекти – синдром сличен на грип,вклучително изголемена телесна температура, слабост, замор и главоболка. Клинички испитувања на вакцината „Спутник V“ се извршуваат и во Белорусија, Обединети Арапски Емирати, Индија и во Бразил.