Левитс: Тоа што го видов во Украина може да се нарече геноцид

Магдалена Андонова — Fri, 15 Apr 2022 11:11:31 +0000

Однесувањето на руските војници во Украина е еднакво на геноцид, изјави претседателот на Летонија, Егилс Левитс по враќањето од Киев. – Тоа што го видов би го нарекол геноцид… Глетката на предградијата на Киев уништени од воздушни и ракетни напади беше многу емотивна. Се гледа дека руските сили дејствуваат со посебна суровост со цел да убијат што повеќе цивили, наведе Левитс. Тој додаде дека на Украина сега и е потребно лесно и тешко оружје. Претседателите на четирите земји-членки (Естонија, Летонија, Литванија и Полска) на Европска Унија и на НАТО пред два дена со воз отпатуваа до Киев во знак на солидарност со Украина да се спротивстави на руската инвазија. Тие пред средбата со украинскиот претседател Володимир Зеленски ги посетија сериозно оштетените области околу Киев. Лидерите разговараа и за економска и финансиска помош, вклучително и за можноста за извоз на жито од Украина преку балтичките и полските пристаништа. (МИА)

Претседателот на Летонија е позитивен на Ковид-19

Катерина Бојаџиева — Thu, 14 Oct 2021 08:59:48 +0000

Летонскиот претседател Егилс Левитс е позитивен на тестирање на коронавирус, соопшти денеска неговиот кабинет. Позитивниот резултат е добиен откако вчера Левитс направил брз тест по враќањето од работна посета на Шведска. Сега ќе му биде направен и ПЦР тест, потврди портпарол од претседателскиот кабинет. Левитс ја одложи денеска закажаната средба со новиот претседател на Естонија, Алар Карис, кој престојува во Рига. Наместо тоа, Карис се очекува да се сретне со претседателката на летонскиот парламент Инара Мурниче. Во февруари, 66-годишниот Левитс беше еден од првите луѓе во Летонија кои се вакцинираа против коронавирусот, имунизирајќи се пред камерите за да ги охрабри неговите 1,9 милиони сонародници да го направат истото. И покрај неговите напори, кампањата за вакцинација во Летонија се одвива многу бавно, а стапката на инфекција значително се зголеми во последните недели, принудувајќи ја Владата да прогласи вонредна состојба, која ќе остане во сила до 11 јануари 2022 година.

Егилс Левитс – Kurir.mk

Левитс: Тоа што го видов во Украина може да се нарече геноцид

Претседателот на Летонија е позитивен на Ковид-19