Далип: ЕГИПКАНИТЕ се изолирани и дискриминирани од Собранието и институциите во евроинтегративните процеси

Ивана Ефремовски — Tue, 24 Jan 2023 13:42:55 +0000

Крајно недемократски и во спротивност на европските вредности е да се изолираат и дискриминираат преставниците на НВО-Организациите на Египканите, активисти -Египкани кои се борат за правата на посебната и автентична етничка заедница на Египканите од страна на Собранието и другите надлежни нтеграции кога се работи за досегашниот тек на скринингот на Македонија, реагираат од НГИ „КОАЛИЦИЈА НА ЕГИПКАНИ“. „Во интерес на целиот процес, нејзината инклузивност, транспарентност и целовитост, е да ги интегрираат и да земаат свое соодветно учество и преставниците на етничката заедница на Египканите во Македонија, кои имаат изградено и свои ставови и забелешки. Не се чувствуваме рамноправни и еднакви, кога сме „заобиколени“ од процесите и повикуваме во иднина да не се повторуваат ваквите пропусти, истакна лидерот на НГИ „КОАЛИЦИЈА НА ЕГИПКАНИ“, Демир Далип. Тој додаде дека ќе испрати известување до сите Амбасади на земјите членки на ЕУ, до Мисијата на ОБСЕ, до амбасадорката на САД, а се со цел да ги информира за ваквите неприфатливи состојби. „Неприфатливо е да има претставници на помалите етнички заедници, а да не учествуваат и претставници на Египканите, како рамноправни граѓани на оваа држава.Ова, не е пример кој укажува дека навистина сакаме да сме полноправна и достоинствена членка на ЕУ“ - рече тој.

Египкани – Kurir.mk

Далип: ЕГИПКАНИТЕ се изолирани и дискриминирани од Собранието и институциите во евроинтегративните процеси