На еден месец до крајот на мандатот, Трамп нареди неколку егзекуции

Тале Кристо — Thu, 10 Dec 2020 10:53:22 +0000

Администрацијата на американскиот претседател Доналд Трамп започна серија егзекуции на федерално ниво во последните негови денови во Белата куќа, пренесува Би Би Си. Закажани се пет егзекуции пред инаугурацијата на новоизбраниот претседател на САД Џо Бајден на 20 јануари, со што се прекрши 130-годишната традиција да не се прави тоа при трансфер на претседателската власт. Доколку бидат извршени сите пет смртни казни, Трамп ќе стане претседател во последните повеќе од сто години, за време на чиј мандат имало најмногу егзекуции, вкупно 13, откако осумммина беа егзекутирани во јули оваа година. Брендон Бернард (40) и Алфред Буржоа (56) треба да бидат погубени оваа недела во Тере Хауте, Индијана. Јавниот обвинител Вилијам Бар рече дека неговото Министерство за правда само го спроведува постојниот закон. Но, критичарите велат дека овој потег е загрижувачки и се случува пред преземањето на власта на новиот претседател Бајден, кој рече дека ќе бара укинување на смртната казна.

ХРВ: Од почетокот на годината во Саудиска Арабија извршени 48 егзекуции

Даниел Василев — Thu, 26 Apr 2018 14:17:43 +0000

Саудиска Арабија егзекутирала 48 лица за првите четири месеци од годината, од кои половината поради наркотици, соопшти денеска организацијата „Хјуман рајтс воч“. Во извештајот на таа невладина организација се посочува дека има и голем број осудени поради наркотици кои чекаат на извршување на смртната казна. Процентот на егзекуции во кралството е едно од највисоките во светот. Во Саудиска Арабија се спроведува стриктна верзија на шеријатот и се извршува смртната казна за случаи за тероризам, убиства, силување, вооружени грабежи и шверц на дрога. МИА

егзекуции – Kurir.mk

На еден месец до крајот на мандатот, Трамп нареди неколку егзекуции

ХРВ: Од почетокот на годината во Саудиска Арабија извршени 48 егзекуции