ехф еуро – Kurir.mk

ЕХФ Еуро 2022: Формирани полуфиналните двојки

Дарко Андоновски — Thu, 17 Nov 2022 07:56:25 +0000

Со одигрувањето на натпреварите од последното коло во Главната руна во двете групи на Европското ракометно првенство за жени, познати се двојките за полуфиналето и за мечот за петтото место. Во првото полуфинале утре ќе се соочат Данска и Црна Гора, почетокот на натпреварот е во 17:45 часот. Од 20:30 часот на распоредот е второто полуфинале во кое пласман обезбедија Норвешка и Франција. Претходно, од 15 часот во мечот за 5. место ќе играа Шведска и Холандија. Пласман од 7. – 16. место: Германија, Словенија, Шпанија, Хрватска, Унгарија, Романија, Полска, Швајцарија, Србија, Македонија. Завршницата на Еуро 2022 се игра во Љубљана.

ЕХФ Еуро 2022: Норвешка обезбеди полуфинале, Шведска ја совлада Словенија

Дарко Андоновски — Tue, 15 Nov 2022 08:08:14 +0000

Репрезентациите на Шведска и на Норвешка забележаа победи во четвртото коло од Групата-1 на Европското ракометно првенство за жени. Норвежанките беа поуспешни од Словенија со 26:23, додека Шведска ја победи Унграија со 30:25. По четири кола Норвешка е лидер со осум бода, Данска има шест, Шведска и Словенија по четири, Хрватска 2, Унгарија е последна без освоен бод. Вечер ќе се играат два натпревара од 4.коло во Групата-2 која се игра во СЦ „Борис Трајковски“ во Скопје: Романија – Црна Гора (18 часот) Франција – Германија (20:30 часот).

Швајцарија во комплетен состав гостува во Скопје

Бошко Тасиќ — Tue, 13 Apr 2021 17:33:10 +0000

Швајцарската ракометна репрезентација во комплетен состав ќе гостува во Скопје, на гостувањето против македонската ракометна репрезентација во рамките од последното коло од квалификациите за ЕП 2022. Македонскиот национален тим е веќе пласиран во следната фаза, на почетокот од овој циклус на гостински терен ја совлада Швајцарија, но неопходен е триумф и во Скопје за да се осигура најмалку второто место во групата.

Швајцарскиот селектор за двомечот со Данска на 28 април во Винтертур и со Македонија на 2 мај во Скопје ги повика следните ракометари:

ГОЛМАНИ: Аурел Бринголф (Сент Гален), Никола Портнер (Шамбери), Леонард Грациоли (Арау). ИГРАЧИ: Михааел Кузио (Берн), Марвин Леар, Михала Швајлен, Роман Сидоровиц, Серди Тиновски (Винтертур), Лука Марос, Самуел Зендер, Филип Новак, Тик Томинетс, Јонас Шелкер (Шафхаузен), Лукас Мајстер (Минден), Ален Милошевиќ (Лајпциг), Николас Реми (Вакер), Самуел Ретлисбергер (Штутгарт), Лени Рубин (Вецлар), Анди Шмид (Рајн Некар Левен).

Хрватите славеле во македонски ресторан

Ристе Здравков — Mon, 27 Jan 2020 10:18:29 +0000

Откако сфатиле дека и сребрениот медал во силна конкуренција на Европското е огромен успех, хрватските ракометари синоќа решиле да се опуштат во македонскиот ресторан „Свети Никола“ во Загреб. Домаќините се пофалија дека имале можност да ги нагостат „каубојците“ кои се вратиле од Стокхолм.

View this post on Instagram

Jedan je Miljenko Rak? Hrvatska rukometna reprezentacija❤❤❤ #croatiafullofflife

A post shared by Damir Kajba (@damirkajba) on Jan 26, 2020 at 6:56pm PST

View this post on Instagram

Ja sam ih dočekao raširenih ruku, i vi to napravite danas u 12.30 na Trgu!!! @domagojduvnjak88 @marinomaric.official @lukastepancic7 @luka_cindric25 @hoteltaumedjugorje @horvat_zlatko @zeljko.musa.02 @matej.hrstic44 @matejasanin @marko.mamic

A post shared by Luka Bulić (@lukabulic) on Jan 26, 2020 at 11:11pm PST

Солзи, болка и тага, Дувњак не можеше да даде изјава

Ристе Здравков — Mon, 27 Jan 2020 07:52:28 +0000

Голема беше тагата кај сите ракометари на хрватската репрезентација по поразот од Шпанија со 22-20. Веднаш по крајот на натпреварот, Домагој Дувњак помина низ микс зоната, но едвај успеа да одговори на прашањето на колешката од телевизија РТЛ. Солзите му навираа… „Губевме со четири-пет разлика, успеавме да се вратиме и да поведеме, но на крајот примивме два глупи гола, губевме, се вративме во мечот, поведовме и пак ништо. За жал имавме мала концентрација на крајот. Успеавме да го разбраниме нивниот голман. Многу ми е тешко, не можам, не можам да зборувам…“, изјави Дувњак. Дувњак беше прогласен за најкорисен играч на првенството.

Ја одбрани титулата: Шпанија ја доби големата битка со Хрватска и останува на врвот на европскиот ракомет

Катерина Бојаџиева — Sun, 26 Jan 2020 17:54:50 +0000

Селекцијата на Шпанија е старо-новиот европски шампион и тоа откако славеше во вечерашната финална битка со Хрватска во Стокхолм. Ова беше меч како што сите очекуваа, тежок, цврст, многу дуели и решеваа нијасни, но и квалитет кој дефинитивно беше на страната на „црвената фурија“. Двете селекции имаа свои моменти, па се влезе во неизвесна завршница во која Шпанците беа поскоцентрирани, ги реализираа шансите за конечно славје од 22-20. Со ова тие ја одбраните титулата од пред две години која ја освоија во Хрватска. Гомез со 5 голови беше прв стрелец кај победникот за кого голманот Де Варгас имаше 8 одбрани. Кај Хрватите прво име беше Дувњак со 5 погодоци од 9 обиди. Да потсетиме, Македонија овој шампионат го заврши уште во групната фаза, односно на крајот го освоивме 15 место. Извор: Дерби

Хрватска веќе доби еден трофеј, го има – МВП на ЕВРО 2020! (ФОТО)

Предраг Кукиќ — Sun, 26 Jan 2020 11:30:27 +0000

По традиција, Европската ракометна федерација (ЕХФ) ги објави најдобрите ракометари на првенството на денот на големото финале. Во идеалниот тим има тројца, кои попладнево од 16 часот ќе се борат за златото и плус Домагој Дувњак, како МВП. По обичај, ЕХФ објавува најдобар тим, а најкорисниот играч на првенството (МВП) не е во него и добива посебно признание. Тоа е Дувњак, средниот и лев бек на Хрватска, кој е една од најваните алки во тимот на Лино Червар. Toj постигна 31 гол на осум натпревари, но без него е незамислива и хрватската одбранбена зона 5-1, така што, јасно е зошто го доби ова признание. Во идеалниот тим, пак, неговата позиција, централен бек, ја доби Игор Карачиќ, а најдобар лев бек е Сандер Сагосен, иако и самиот дејствува и на централната позиција. Шпанците имаат двајца претставници, Гонзало Перес де Варгас е најдобар голман, а Хорхе Македа десен бек на првенството. Втор Норвежанец е левото крило Магнус Јендал, десно крило е Словенецот Блаж Јанц, а најдобар пивот Бенче Банхиди од Унгарија. Германецот Хендрик Пекелер е најдобар дефанзивец.

Норвешка го освои третото место, Сагосен го урна рекордот на Кире Лазаров

Предраг Кукиќ — Sat, 25 Jan 2020 20:20:26 +0000

Норвешка со убедлива победа над Словенија го освои третото место на Европското првенство, Сагосен го помина Лазаров и стана најдобар стрелец на шампионатите. Натпреварот беше неизвесен само во воведниот тек, беше 5-5 кога Норвешка направи серија од 5-1, поведе со 10-6 и потоа во ниту еден момент не и даде на Словенија да се понадева на пресврт. Во неколку наврати имаа предност и од девет разлика, на крајот славеа со 28:20. Бронзениот медал е и првото одличје за Норвешка на Европските првенства. Сагосен го урна рекордот за најмногу голови на едно Европско првенство кој го држеше Кире Лазаров. Норвежанецот на мечот со Хрватска се израмни со нашиот капитен, а денеска даде уште четири гола, па новиот рекорд сега изнесува 65 погодоци. Најефикасен во составот на Норвешка денеска беше Јоентал со седум голови, кај Словенија Бомбач реализираше пет пати. Претходно Германија со 29:27 ја победи Португалија во натпреварот за петтото место. Финалето меѓу Хрватска и Шпанија се игра утре (недела) со почеток од 16:30 часот.

Милосављев му порача на Карачиќ: Пријателе, ти посакувам злато! (ФОТО)

Предраг Кукиќ — Sat, 25 Jan 2020 09:24:44 +0000

Победата на Хрватска против Норвешка (29-28) и пласманот во финалето на ЕП 2020 предизвика големо задоволство на просторите на поранешна Југославија, без разлика на националноста, а за тоа сведочи едно пријателство меѓу Србин и Хрват, кое се роди во Македонија.

Дејан Милосављев, голманот на Вардар од минатата сезона, упати јавна честитка до Игор Карачиќ, преку својот профил на Инстаграм.

„Пријателе, ти посакувам злато. Среќно.“

Вака напиша српскиот голман, објавувајќи фотографија со својот доскорашен соиграч од Вардар. Игор Карачиќ е Хрват, роден и пораснат во Мостар, Босна и Херцеговина, но ништо од овие податоци не е важно, кога се споделува радоста што ја носи спортот. Милосављев не настапи на ЕВРО 2020 поради повреда, а неговата Србија не се прослави, освојувајќи го 20. место. Хрватска во финалето ќе игра против Шпанија, в недела од 16.30, во својот трет обид да ја освои европската круна.

ЕП во ракомет: Хрватска и Шпанија за титулата

Катерина Бојаџиева — Sat, 25 Jan 2020 09:02:00 +0000

Ракометарите на Хрватска во финалето во недела на Европското првенство во Стокхолм ќе играат против Шпанија, бранител на титулата освоена пред две години во Загреб. Шпанија во второто полуфинале синоќа ја совлада Словенија со 34-32 (20-15). Шпанците за првпат се одвоија на три голови предност во 19. минута, и до полувремето имаа пет голови предност (20-15). Во завршницата Словенците стигнаа до еден гол зад Шпанија, но со гол на Алекс Душебаев, Шпанија го запечати нивното второ последователно финале на Европското првенство, а вкупно – шесто. Ангел Фернандез, Раул Ентрерирос и Душебаев, секој со шест погодоци, беа најзаслужни за победата на Шпанците. Словенечките стрелци ги предводеше Јуре Доленец со седум голови, а шест постигна Блаж Јанц. Хрватска ја победи Норвешка со 29-28 во првото полуфинале, но само по второто продолжение. Во главниот дел од мечот резултатот беше 23-23, а по првото продолжение беше 26-26, кога Домагој Дувњак реализираше од седум метри. Победата за Хрватска ја донесе Жељко Муса на четири секунди пред крајот на второто продолжение. Мечот за третото место е утре попладне (сабота, 18.30 ч.) меѓу Норвешка и Словенија, големото финале меѓу Хрватска и Шпанија е во недела.