ехф лига на шампиони – Kurir.mk

Јовиќ: Немавме решение за последните 15 минути

Бошко Тасиќ — Fri, 20 Oct 2023 04:09:18 +0000

По натпреварот помеѓу Загреб и Еурофарм Пелистер период кој го потенцираше и тренерот Александар Јовиќ „Одигравме добри 45 минути, а потоа влеговме во една фаза во која немавме решение ниту во нападот ниту во одбраната. Истото ни се случуваше и на претходните натпревари и затоа мора да работиме повеќе на тоа, за да не ни се повторува и во иднина и за да можеме да победиме екипи во Лигата на шампионите. Честитки за противникот за победа“, изјави Јовиќ.

Португалци ќе го судат мечот Загреб – Еурофарм Пелистер

Бошко Тасиќ — Tue, 17 Oct 2023 05:03:08 +0000

Европската ракометна федерација ги објави делегирањата на официјалните лица за мечевите од Лигата на шампионите. Македонскиот првак Еурофарм Пелистер во натпреварот од петтото коло ќе гостува кај шампионот на Хрватска, Загреб. Натпреварот ќе го судат португалските арбитри Даниел Акото Мартинс и Роберто Акото Мартинс, а делегат ќе биде Томо Водопивец од Словенија. Балканскиот двобој ќе се игра на 19 октомври со почеток во 18:45 часот во „Арена Загреб“, а домаќините oдлучија влезот да биде слободен.

Турски судиски пар делегиран за мечот меѓу ПСЖ и Еурофарм Пелистер

Бошко Тасиќ — Sat, 07 Oct 2023 05:27:07 +0000

Европската ракометна федерација (ЕХФ) ги делегира арбитрите за натпреварите од четвртото коло на Лигата на шампионите. Најдобрите македонски судии Славе Николов и Ѓорѓи Начевски првпат се најдоа на списокот за оваа сезона. Покрај тоа, одредена е и судиската двојка за натпреварот меѓу ПСЖ и Еурофарм Пелистер кој на 12 октомври ќе се игра во Париз. Турските арбитри Курсад Ердоган и Ибрахим Оздениз се делегирани да делат правда на пресметката на пелистерци со францускиот гигант.

ЕХФ ЛШ: Душебаев и Киелце подобри од Раул и ПСЖ

Бошко Тасиќ — Thu, 28 Sep 2023 06:01:19 +0000

Екипата на Пари Сен Жермен го доживеа првиот пораз сезонава во Лигата на шампионите. Францускиот првак падна на гостински терен кај Кјелце (29-30) и така двете екипи се изедначија според скорот по три одиграни кола во елитата. Сичко беше најдобар кај Киелце со осум гола, пред Карачиќ со шест реализации, исто толку гола даде и Морито, додека кај ПСЖ, Шипжак имаше седум, а Пранди и Нтанзи стрелаа по пет пати во противничката мрежа. Во Сегедин секогаш е тешко да се победи, а тоа го докажа ПИК Сегед во дуелот со дански Алборг кого го совлада со 34-27. Шоштариќ заврши со девет гола кај победникот, а Мачковшек и Гарсиандиа имаа по четири, додека кај данскиот тим Микел Хансен погоди шест пати. Во групата Б, екипата на Магдебург ја оправда фаворитската улога и слави дома против Целје со 39-23.

ЛШ: Барселона го растури Магдебург, Веспрем до триумф против Монпелје

Бошко Тасиќ — Fri, 22 Sep 2023 04:30:01 +0000

Европскиот вицешампион Барселона го декласира првакот на Европа, Магдебург и славеше убедлива победа во второто коло од Лигата на шампионите, со резултат 32-20 (14-8). Ова беше прво соочување на двете екипи од финалето на двете екипи во јуни годинава во Келн. Унгарски Веспрем ја оправда фаворитската улога против Монпелје славејќи на домашен терен со резултат 33-31. Иако Французите водеа во првиот дел, тимот на Момир Илиќ одигра моќно второ полувреме и стигна до бодовите.

Јовиќ: Против Алборг, достојно да го претставиме македонскиот ракомет

Бошко Тасиќ — Tue, 19 Sep 2023 04:14:03 +0000

Македонскиот ракометен првак, Еурофарм Пелистер, гостува кај Алборг во Данска во второто коло од Лигата на шампионите, а шансите за победа на битолчани се речиси никакви со оглед на силата на противникот. „Втор натпревар по ред играме против скандинавски ривал. Не треба да се трошат зборови за Алборг. Оваа екипа неодамна играше и финале на Лигата на шампионите, а сега се засилени со ракометари како Ландин и повратникот Хансен. Верувам дека ќе се издигнеме, ќе одиграме во рамките на нашите можности и достојно ќе го претставиме македонскиот ракомет“ – рече тренерот Александар Јовиќ. Во редовите на Е. Пелистер кој тргна со пораз од Колстад, а загуби и од Вардар 1961 во домашното првенство, има двајца Данци кои добро го познаат Алборг. Андреас Јохан Нилсен има играно со многу ракометари од Алборг, а со некои бил и противник. „Сите знаеме колку се силни и тоа го покажаа на натпреварот против Кјелце. Загубија во Суперкупот на Данска од ГОГ Гудме, но тоа и не е толку важно натпреварување во Данска. Многу поважно е како реагираа потоа и наредија само победи во данското првенство и Лигата на шампионите“ – вели Нилсен.

Загреб заборави да го пријави засилување за стартот на Лигата на шампионите

Бошко Тасиќ — Sat, 16 Sep 2023 05:37:52 +0000

Ракометарите на Загреб загубија во 1. коло од групата А од Лигата на шампионите. Германски Кил славеше во Загреб 30:23. По натпреварот тренерот на Загреб, Славко Голужа откри дека хрватскиот шампион направил голема грешка. Загреб летово го донесе Полјакот Патрик Валчак, но тој не играше против Кил бидејќи клубот заборави да го пријави за Лигата на шампионите. „Административна грешка. Нема повреда“, одговори Голужа на прашањето зошто Валчак не е во составот. За среќа на Загреб, правилата во ракометната Лига на шампиони се такви што Полјакот ќе може да се пријави веќе за второто коло и натпреварот против ПСЖ.

Веспрем го доби дербито со шампионот, Порто победи против Висла

Бошко Тасиќ — Fri, 15 Sep 2023 04:16:14 +0000

Ракометарите на Веспрем го добија дербито на колото во Лигата на шампионите со 28-33 (18-21), против германски Магдебург. Европскиот првак одигра солиден натпревар, ама унгарскиот гигант демонстрира сила и слави на премиерата на сезоната. Со по шест гола најдобри во Веспрем беа Касадо и Фабрегас, исто колку што даде и Дамгард од Магдебург. Минимален стартен триумф запиша Порто на Никола Митревски против Висла Плок (24-23). Португалците го искористија домашниот терен и во драматична завршница го совладаа полскиот ривал. Македонскиот голман беше имаше скромна минутажа зад Рема Маркез, кој собра десет интервенции.

Барселона триумфално кај Монпелје, Гог подобар од Целје во ЛШ

Бошко Тасиќ — Thu, 14 Sep 2023 04:07:53 +0000

Шпанската Барселона, еден од фаворитите за освојување на Лигата на шампионите, со победа го стартуваше овогодинешното најелитно европско натпреварување. На тешкото гостување кај Монпелје, Барса успеа да слави со 30-25. Победникот шпанскиот тим го реши уште по првиот дел кога се стекна со предност од пет гола, која ја одржа до крајот на мечот. Францускиот тим во ниту еден дел од натпреварот немаше водство, туку само повремено го израмнуваше резултатот и тоа во првиот дел. Во второто полувреме Барселона во еден момент имаше и предност од осум разлика, но следуваше опуштање во финишот и победа од „само“ пет гола. Дика Мем постигна осум гола и тој е најфикасен на средбата, додека Хешам кај домашните постигна пет. Екипата на Гог успеа да триумфира против Целје со 38-36, благодарение на пресвртот во вториот дел. После првите 30 минути, словенечкиот тим имаше предност, но сето тоа успеа да се сврти во второто полувреме, односно Гог да има повеќе концентрација во финишот и да го реши мечот во своја корист. Менсинг со седум гола беше најдобар кај победничкиот тим, додека осум гола постигна Жабиц кај Целје.

Еурофарм Пелистер поразен од силниот Колштад на стартот од ЛШ

Бошко Тасиќ — Wed, 13 Sep 2023 18:42:06 +0000

Еурофарм Пелистер немаше сили да се спротистави на фаворизираниот гостински тим на Колстад и загуби на дуелот во Битола со 22:31, во првото коло од ракометната Лига на шампиони. Пелистер поведе со 1:0, а потоа следуваше фуриозна игра на Колстад и гостите со серија од 7:0 стигнаа до убедлива предност во 12 минута. Во еден момент Норвешани водеа и со 12:4, а на полувреме резултатот беше 16:10 во корист на фаворизираните гости. Фуриозен беше стартот на Колстад и во вториот дел, кога со низа од три гола, стигнаа до највисоки во тој момент девет гола предност (19:10). Потоа гостите само рутински го одработија второто полувреме и на крајот стигнаа до убедлива предност. Кај Пелистер најефикасен беше Радивојевиќ со 6 гола, а Лесјек имаше девет одбрани. Крилјата на Колстад, Олберг и Годјонсон беа незапирливи и постигнаа по девет погодоци. За Пелситер ова беше прв меч во ракометната Лига на шампиони по пауза од 18 години, а покрај поразот, атмосферата на трибините беше одлична од познатите Чкембари.