ЕХФ ракометна лига на шампиони – Kurir.mk

Македонскиот ракометен шампион подготвен за премиерата во Лигата на шампионите

Бошко Тасиќ — Tue, 12 Sep 2023 18:09:27 +0000

Македонскиот ракометен шампион Еурофарм Пелистер ги прави последните подготовки за премиерното издание во новата сезона во ракометнатаЛига на шампиони. Норвешки Колштад прв ќе ја почувствува атмосферата во битолата сала „Боро Чурлевски“, која по неколкумесечната реконструкција доби нов лик. Пелистерци вечерва го одработија последниот тренинг пред дебито во овој формат на Лигата на шампионите. Проблемите со повредите се минато, што значи дека тренерот Александар Јовиќ и неговите соработници на располагање ќе ги имаат сите ракометари и во полн состав ќе го нападнат ѕвездениот тим од Норвешка. Пелистерци играа променливо во подготвителните натпревари, а по поразот во Суперкупот од Вардар, овој дуел ќе им голема можност да докажат дека се на вистинскиот пат. Натпреварот меѓу македонскиот и норвешкиот шампион се игра во среда со почеток од 18:45 часот.

Погледајте ги 5-те најубави голови во ЛШ за сезоната 2022/23 (ВИДЕО)

Бошко Тасиќ — Wed, 05 Jul 2023 06:01:26 +0000

Летото вообичаено е идеално за рекапитулација на сезоната, па ЕХФ го искористи за избор на најубавите десет погодоци на натпреварите од ракометната лига на Шампионите. Ова видео е подготвено за „ракометни гурмани“, за уживање во мајсториите во арените ширум Европа… на чело се наоѓа Даи од Киелце, пред Каи Смитс од Магдебург, но сите десет погодоци треба да се погледнат. https://www.youtube.com/watch?v=VUcoci39L7k&embeds_referring_euri=https%3A%2F%2Fekipa.mk%2F&source_ve_path=MjM4NTE&feature=emb_title

Барселона е последниот тим кој ќе игра на Фајнал фор турнирот во Келн

Бошко Тасиќ — Fri, 19 May 2023 04:52:58 +0000

Барселона, Магдебург, Пари Сен-Жермен и Кјелце ќе се борат за титулата во ЕХФ Лигата на шампиони на Фајнал фор турнирот во Келн, откако каталонскиот клуб го потврди последното место со нова убедлива победа од 36:31 (20:13) над данскиот ГОГ. По гостинска 37:30 победа во Данска, Барселона требаше само рутински да го доврши и вториот меч за да се пласира на Ф4 во лов на уште една европска титула. Тие не дозволија никакво изненадување во меч во кој гостите ниту еднаш не беа во водство, правејќи предност од осум гола (20:12) во финишот на првото полувреме, за потоа со пола сили да го доведат мечот до крај. Луис Фраде уфрли седум гола за Барса, Дика Мем заврши со пет, додека за ГОГ, Емил Мадсен беше најефикасен со пет постигнати голови.

ЛШ во ракомет ќе се игра и за викенд, тренерите добија право на челенџ

Бошко Тасиќ — Sun, 02 Apr 2023 06:33:00 +0000

Извршниот комитет на ЕХФ, на последниот состанок донесе низа одлуки поврзани со следната ракометна сезона. Усвоено е правилот кое долго се најавуваше. Од следната сезона, тренерите во текот на натпреварот ќе имаат право на еден челенџ. ЕХФ нагласи дека ова правило ќе започне да се применува од завршниот турнир во Лигата на шампионите. Одлучено е и „под посебни околности“ да може да се играат натпревари од Лигата на шампионите, во машка конкуренција и за викенди, а не само во среда и четврток како досега, а причина за тоа е поголемата посетеност и поголема гледаност на ТВ. Се разговараше и за учество на руски и белоруски тимови на меѓународни натпреварувања и засега е извесно дека нема да бидат во конкуренција за сезоната 2023/24. Следната сезона во Лигата на шампионите на ЕХФ во машка и женска конкуренција по едно место да биде доделено преку специјална покана. додека досега сите места беа доделувани според ранг-листата на ЕХФ. Се зборуваше и за зголемување на минималниот капацитет на салите за европските натпреварувања, но беше одлучено тоа да се одложи за уште најмалку две сезони и дека тоа ќе биде можно само во сезоната 2025/26.

Вардар со реми достојно се збогуваше од Лигата на шампиони

Бошко Тасиќ — Wed, 06 Apr 2022 21:56:38 +0000

Веспрем - Вардар 31:31 (18:13). Резултат со кој Вардарци достоинствено се збогуваа со елитното натпреварување. Домашниот состав кој пред една недела во Скопје ги растури „црвено-црните“, вечерва стартуваше јуришно и поведе со 6-3, но Вардар растеретен од резултатски притисок постојано фаќаше прикучок.На паузата сепак унгарците отидоа со висока позитива 18-13. Водството од 4-5 гола Веспрем го чуваше и во текот на целиот втор дел, освен во финишот кога Вардар со убава серија израмни за првпат на мечот: 29-29. На крајот конечни 31:31 за пристоен поздрав со Лига на шампиони. Морале постигна шест гола и беше најдобар стрелец кај Вардар вечерва, а Јахја со седум гола го предводеше Веспрем кој оди во следна рунда. Најдобар кај стрелците беше Оливие Њокас со седум гола, пред Куни Моралес со шест, додека Филип Талески и Жереми Тото стрелаа по четири пати. Кај Веспрем, Јахја постигна седум, пред Нилсон со пет, а Мае заврши со четири реализации.

Мец е првиот патник на Ф4 во ЛШ, ФТ

Бошко Тасиќ — Sun, 03 Apr 2022 06:25:55 +0000

Мец запиша голема победа над Борусија Дортмунд, 32:19, и на најдобар можен начин го завери пласманот на Ф4 турнирот во Будимпешта. Францускиот тим на првата пресметка против Борусија Дортмунд оствари победа со осум гола разлика, 30:22. За потсетување, Мец во четвртфиналето требаше да игра со Ростов Дон, но поради санкциите на ЕХФ кон руските клубови, вториот француски претставник во Лигата на шампионите обезбеди директно учество на Ф4 и ќе има голема шанса да се бори за освојување на титулата во елитното натпреварување. Екипата на Крим, иако на реванш натпреварот во осминафиналето од Лигата на шампионите беше поразена од ФТЦ Будимпешта со 22:26, сепак словенечкиот шампион патува во четвртфиналето бидејќи на првиот дуел славеше убедлива победа од 33:26. Ракометарките на Крим во четвртфиналето за противник го имаат актуелниот европски шампион, Вајперс Кристијансад, кој имаше обезбедено директен пласман меѓу најдобрите осум екипи откако во регуларниот дел од сезоната заврши на второто место во групата Б.