ЕХФ шампионат – Kurir.mk

Втора победа за македонските кадети на ЕХФ-шампионатот во Летонија

Ивана Ефремовски — Tue, 09 Aug 2022 12:59:16 +0000

Македонската ракометна репрезентација попладнево го победи Косово со 39:16 на ЕХФ-шампионатот во Летонија. „Црвено-жолтите“ предводени од селекторот Раде Стојановиќ беа надмоќни во однос на ривалот и заслужено стигнаа до убедлив триумф и пласман во следната фаза. Најефикасен во македонскиот состав беше Александар Петковски со девет погодоци. Ова беше втора победа за Македонците по вчерашниот успех на мечот со Турција. Следен противник на македонските ракометари ќе биде домашната селекција на Летонија. Оваа средбата ќе одлучува за првото место во групата А2. (МИА)

Познат распоред на младинците на ЕХФ шампионатот во Бугарија

Бошко Тасиќ — Tue, 05 Jul 2022 19:23:23 +0000

Машката младинска репрезентација на Македонија за десетина дена ја очекува настапот на ЕХФ шампионатот кај источниот сосед. Младинците ќе играат во градот Варна, а ривали се Украина, Швајцарија, Романија и Косово во групата Б. На стартот на турнирот, Македонија ќе ги одмери силите со Украина, додека последниот натпревар ќе биде против Швајцарија. ЕХФ шампионатот стартува на 16 јули и ќе се игра до 24 јули, кога ќе биде познато кој е патникот на СП за младинци во Германија и Грција. ЕХФ шампионат, младинци, распоред на натпревари: 16/7, Македонија – Украина 17/7, Македонија – Косово 20/7, Македонија – Романија 21/7, Македонија – Швајцарија 23/7, натпревар за пласман 24/7, натпревар за пласман

Кадетите поразени во финалето од Полска на „ЕХФ шампионатот“ во Скопје

Бошко Тасиќ — Sun, 15 Aug 2021 17:43:06 +0000

Ракометната репрезентација на Македонија до 19 години загуби во финалето на ЕХФ шампионатот во Скопје, откако во финалето беше совладана од Полска со 35-33. Полјаците упсеаја да ни се реваншираат за поразот во групната фаза со кој нашата репрезентација обезбеди пласман во полуфиналето. Првото полувреме помина во израмнета игра на двете страни, а на пауза се замина со нерешен резултат 17-17. Полјаците беа посконцетрирани и имаа повеќе сила во вториот дел во кој успеаја да го срушат нашиот отпор и да стигнат до трофејот на шампионатот. Полска покрај титулата обезбеди пласман и на следното Европско првенство во оваа старосна категорија. foto: gol.mk

Македонија има ЗЛАТНИ девојчиња, ракометните кадетки го освоија шампиoнатот во Литванија

Бошко Тасиќ — Sun, 15 Aug 2021 16:41:15 +0000

Македонскиот ракомет освои злато во женска конкурнеција , откако селекцијата до 17 години славеше над Исланд со (26-27) и заврши како прва на ЕХФ Шампионатот кој се одржа во Литванија, со што се обезбеди и место на кадетското Европско првенство. Иако без селекторот Савевски, кој доби црвен картон на претходната средба и беше суспендиран, нашите ракометарки одиграа борбена и херојска партија, дојдоа до триумф над ривалот по една игра на нерви и најавија дека женскиот македонски ракомет има иднина на која мора да се смета. Оваа генерација е надежна и сигурно има што да покаже и понатаму. Феноменална партија во финалето имаше Теодора Дукоска со 11 гола од 14 обида, пред Ризоска со седум и Коцева со пет. Младеновска додаде уште три гола. Кај Исланд, Агустсдотир, Елиасдотир и Торкелсдотир имаа по четири реализации.

Кадетите се пласираа во финалето на ЕХФ шампионатот, за трофејот против Полска

Бошко Тасиќ — Fri, 13 Aug 2021 18:03:23 +0000

Македонската кадетска машка ракометна репрезентација со победата против Швајцарија од (34-33 по пенали) обезбеди финале на ЕХФ-шампионатот во Скопје и ќе се бори за трофејот и промоција во најквалитетната категорија - Европскиот шампионат на ЕХФ. Натпреварот донесе драматична завршница, а по пенал рулетот среќен крај имаше за нашата рпрезентација. Јунак беше младиот голман Иван Галевски, автор на три одбранети седмерци, и капитенот Митев, кој го реализира одлучувачкиот удар од седум метри. Нашите надежи одиграа нов одличен натпревар и ја запишаа втората победа во низа. За првото место во големото финале ќе се борат против Полска, која ја совладаа во групната фаза на турнирот. Дуелот за освојување на шампионатот против Полска, која денес ја надигра Босна и Херцеговина со 41-29, се игра утре од 18:00 часот.

Македонските ракометари до 19 години со пораз од Грција го започнаа ЕХФ шампионатот во Скопје

Бошко Тасиќ — Tue, 10 Aug 2021 20:31:28 +0000

Македонската машка репрезентација за ракометари до 19 години со пораз од Грвија од 26-30 го започна ЕХФ-шампионатот во Скопје. Нашиот национален тим се надигруваше до 3-3, а потоа го препушти водството кај грчките ракометари. Тие започнаа да градат позитива која во првиот дел се искачи на највисоки шест гола разлика. Гостите имаа подобар период, па заслужено заминаа на одмор во подобро расположение. Најблиску македонските надежи стигнаа до 25-27 на три минути до крајот. Грците малку се опуштија, мислејќи дека направија доволно за да запишат први бодови на шампионатот. Тогаш следуваа два гола во низа во македонската мрежа, што беше крај на шансите за било каков пресврт во завршницата од мечот. За два дена македонската репрезентација ќе ги одмери силите со Полска во рамките од второто коло. Шансите за првото место во групата за Македонија се минимални, со оглед на високата победа на полскиот тим во првото коло над Грција. Илиоски и Ѓоргоски со по пет гола беа најефикасни кај нашиот тим, а Митев додаде четири погодоци. foto: gol.mk