еко-акција – Kurir.mk

Стартува еко-акцијата „Генералка викенд 2022“

Ивона Петрова — Fri, 06 May 2022 05:20:48 +0000

Од планината Водно денеска ќе биде означен официјалниот почеток на пролетниот дел од досега најголемата акција за чистење и пошумување во земјата „Генералка викенд 2022“, што до 8-ми мај ќе се спроведува во 26 општини ширум земјата. Како што информираат организаторите на еко-акцијата, во рамки на настанот ќе биде спроведена акција за собирање на отпадот од пешачките патеки и местата за одмор и рекреација на планината Водно. Тие посочуваат дека акцијата ќе ја спроведуваат вработените и членовите на менаџерскиот тим на „Пивара Скопје“, вработените во администрацијата на Град Скопје, членовите на неколку дипломатски претставништва во земјата, „Мен енд Маунтен“ (организатори на Генералка викенд 2022) и„ Пакомак“. Од Општина Ѓорче Петров најавија дека ќе се приклучат кон акцијата, која ќе се спроведува на три локации: Полјана-Хром, Јурија кај „Св.Лазар“ и Даме Груев-збирно место пред месна заедница.

СДСМ во Лозово спроведува популизам и лицемерие а ги прикажува како Еко Акција за чиста животна средина, обвинуваат од ВМРО-ДПМНЕ

Катерина Бојаџиева — Tue, 01 Oct 2019 17:40:00 +0000

Претседателот на Општинскиот комитет на ВМРО-ДПМНЕ од Лозово, Бошко Цветковски со своја реакција упатена во јавноста ги критикуваше последните активности на активистите на СДСМ во нивната општина. Во врска со спроведената акција „Еко Акција за чиста животна средина” која што од Општинската организација на СДСМ од Лозово ја реализираа, Бошко Цветковски истата ја окарактеризира како „Популизам и лицемерие“ . Деновиве СДС под мотото „Еко Акција за чиста животна средина“ наводно има спроведено некаква акција за собирање смет по улиците и зелените површини…Јас би направил корекција во насловот и би ја нарекол „Популизам и лицемерие“, -соопштува Претседателот на опозицијата во Лозово и го аргументира своето тврдење во продолжение: Зошто „Популизам“? – Затоа што ако ги погледнете сликите во прилог,ќе забележите неколку интересни факти: 1.Нема отпадоци на местата каде што наводно собираат отпад. 2.Се шетаат со празни вреќи за отпадоци. 3.по завршувањето на аквијата,повторно празни кеси. 4.Коментари од граѓани кои кажуваат дека нема потреба од еко акција таму ,бидејки работниците на ЈКП веќе исчистиле.. Зошто „Лицемерие“ Повторно факти со слики и видеа во коментар.. 1.Најпрво бевме сведоци како се сечат повеќегодишни дрва во кругот на општината за кои се сомневаме дека не била издадена дозвола за сеча,што по закон е кривично дело. 2.Никој не знае каде завршиле и за кои цели биле искористени пресечените дрва. 3.Се грижиш за шивотната средина но ги уништуваш белите дробови на природата…Лицемерно нели? Во поткрепа на своите аргументи Бошко Цветковски во јавноста упати и фотографии на кои се гледаат како активисти на СДСМ ОО Лозово симулираат собурање отпад на веќе исчистени површини со празни вреќи за отпат и голем број исечени дрва на повеќе места во општината. Дел од овие фотографии ги објавуваме во продолжение: Превземено од Брегалнички.мк.

Еколошка акција за собирање пластичен отпад во Велес

Дарко Андоновски — Wed, 26 Jun 2019 05:40:44 +0000

Еко-акции за собирање на ПЕТ амбалажа организира денеска еколошкото друштво „Вила Зора“ од Велес во соработка со Институтот за комуникациски студии, во рамки на кампањата за подобра животна средина „Не игнорирај! Реагирај!“, информираат од еколошкото друштво. Активисти на „Вила Зора“ ќе ги чистат деловите на градот каде има поставено контејнери наменети за ПЕТ амбалажа и ќе делат платнени торби за собирање пластични шишиња на граѓаните. Акцијата, како што наведуваат во соопштението, има еколошка и едукативна цел. Рециклираната ПЕТ пластика се користи како суровина за правење шишиња и садови за пакување, а може да се конвертира во влакна, ткаенини, хартија за пакување, дури и за производство на автомоблиски делови. Со рециклирањето се намалуваат количините на пластика на депониите, емитувањето на стакленички гасови и загадувањето на почвата, подземните води и загадувањето на воздухот. Кампањата за подобра животна средина „Не игнорирај! Реагирај!“ е финансирана од Британската амбасада во Скопје, се наведува во соопштението од „Вила Зора“.

„Здравство.мк“: Филипче со наредба во сабота студенти да го чистат Клинички, наместо да одат на час

Ивона Петрова — Fri, 30 Nov 2018 08:35:44 +0000

Незадоволството и разочараноста од здравството кај граѓаните енормно порасна откако Филипче стапи на функција како министер. Од тогаш нема доволно лекови за граѓаните, нема слободен термин за обичен преглед, нема слух за луѓето со ретки болести, пишува порталот „Здравство.мк“

-Но врвот Филипче го достигнува откако во јавноста по социјалните мрежи се рашири веста дека тој има издадено наредба оваа сабота студентите од медицински факултет наместо да одат на часови по физичко ќе треба тие часови да ги заменат со чистење на Клинички Центар. Уште поголем апсурд е тоа што присуството на студентите било задолжително доколку еден не се појави нема да добие потпис, стои во текстот на порталот.

Со ова овој министер само покажува колку е незаинтересиран за младиот кадар на лекари кои се одлеваат од државата, тој со оваа постапка им дава уште поголема мотивација по завршување на студиите да си одат од Македонија.

Студентите разочарани и со право, по социјалните мрежи се договараат цела генерација да не оди на тоа чистење, бидејќи така само ќе му достават до знаење на министерот со розеви очила дека тие се тука да учат за да станат идни лекари, а не да ги поправаат неговите пропусти. Доколку сака Клиничкиот Центар да е чист тој едноставно треба да го реши со најмување на служба која ќе се грижи за хигиената на самиот Клинички. Имено ако оваа влада и министерството имаат пари за разно разни луксузи како апетисани, мебел дури и за тендери во 4 очи тогаш нека го реши и овој проблем. Така ќе бидат и пациентите задоволни, и студентите ќе си одат на часови кои им се предвидени според нивната студентска програма.

УМС на ВМРО-ДПМНЕ со најмасовна еко акција низ цела Македонија, Кржалоски од Делчево: Без ѓубре, без изговори (ФОТО)

Катерина Бојаџиева — Sat, 15 Sep 2018 14:28:35 +0000

Унијата на млади сили на ВМРО-ДПМНЕ денеска организираше голема еко акција низ цела Македонија. Во рамки на глобалното граѓанско движење Светски ден на чистотaта 2018 (World cleanup day), подмладокот на ВМРО-ДПМНЕ спроведе акција за чистење во над 50 општини. Еко акција имаше во Аеродром, Бутел, Босилово, Битола, Берово, Брвеница, Василево, Валандово, Вевчани, Виница, Велес, Гази Баба, Гевгелија, Делчево, Дебарца, Демир Хисар, Дојран, Демир Капија, Долнени, Ѓорче Петров, Зелениково, Јегуновце, Кочани, Куманово, Крушево, Карбинци, Кратово, Карпош, Кичево, Крива Паланка, Кисела Вода, Лозово, Македонска Каменица, Македонски Брод, Могила, Маврово- Ростуше, Ново Село, Неготино, Охрид, Пехчево, Прилеп, Ранковце, Радовиш, Росоман, Ресен, Старо Нагоричане, Струмица, Струга, Свети Николе, Тетово, Центар, Чаир, Чашка, Шуто Оризари и Штип.

Јанчев и вработените во општина Кавадарци во еко-акција за почист град, граѓаните задоволни од грижата за екологијата

Ивона Петрова — Sat, 05 May 2018 08:10:57 +0000

Еколошка акција беше организирана денеска од Локална самоуправа Кавадарци, учествуваа вработените во општината и институциите под општинска капа, советниците во градскиот Совет, а отпад собираше и кавадаречкиот градоначалник Митко Јанчев. - Кавадарци подолго време работи за почисто, поубаво Кавадарци. Очигледно е дека општината оди на повисоко ниво во делот на хигиената и во делот на секојдневното функционирање. Заедно со вработените во сите јавни институции што се на општинско ниво, на чело со нивните раководители, организиравме и направивме едно генерално чистење на градот на повеќе јавни површини. Со оваа акција сакаме да ја подигнеме еколошката свест како кај вработените во општината и општинските институции, така и кај целокупното население, рече Јанчев. Тој најави дека е можно ваквата акција за чисто Кавадарци да стане пракса која би се практикувала два пати годишно. Кавадарчани задоволни од поголемата грижа за екологијата во последно време, не го криеја задоволството од една ваква акција, која, како што изјавија некои од нив, дополнително треба да ја подигне еколошката свест во општината. Се чистеше на 15 локации, а за отстранувањето на вреќите собран отпад, се погрижи Јавното претпријатие „Комуналец“, чии вработени исто така се вклучија во акцијата, заедно со вработени во противпожарната служба, спортската сала „Јасмин“ културниот дом, градскиот музеј. Во еко акцијата зедоа учество советници и од СДСМ и од ВМРО-ДПМНЕ. МИА