еко герила – Kurir.mk

Еко Герила до Заев: Знаете ли дека селата Теарце, Доброште немаат вода за пиење од почетокот на изградба на малите хидроцентрали?

Магдалена Андонова — Fri, 26 Feb 2021 10:53:15 +0000

Премиере Заев, Дали знаете дека последните денови Тетово остана без вода? Причина за тоа е дека во локацијата Лешница во Шар Планина во новоизградената станица има големи одрони кои сериозно ја оштетилемрежата. Локацијата на малата хидроелектрична централа е на растојаније од околу 300 метри од самата каптажа, која е една од хидроцентралите кои ја уништуваат животната средина во Шар Планина, се вели во соопштението на Еко Герила. - Директорот на Инспекторатот за животна средина, Ана Петровска, во месец ноември предупреди дека со изградбата на хидроцентралата во Лешница постои можност за загадување на водите и водоснабдувањето на градот Тетово. И токму денес ние се соочуваме со овие последици. Еколошките организации и ескпертите ве предупредија претхдоно за овие катастрофални последици. За жал, законот за прогласување на Шар Планина за национален парк е направен на таков начин што овозможува изградба на хидроцентрали во заштитени подрачја. Со ова, Владата грубо ги крши Бернската и Архуската Конвенција. Здружението Ековест и Македонското еколошко друштво ви се обрати со барање за раскинување на концесиите за малихидроелектрични централи во Шар Планина и барање за укинување на субвенциите за повластени производители на електрична енергија од мали хидроелектришни централи, образложувајќи ги сите причини и аргументи. Не знаеме дали сте го прочитале и дали сте одговориле на ова писмо. Како што сте веќе запознаени, малите хидроцентрали придонесуваат во националниот енергетски систем со околу 4,6% од вкупното производство на електрична енергија, и се годишно субвенционирани со над 13 милиони евра – средства кои директно се наплаќаат од сметките за електрична енергија на граѓаните. Штетите од овие мали хидроцентрали се познати и кај нас, но и во соседните држави. Дали сте свесни дека Владата со ова субвенционира ЕКОЦИД со уништување на природата и животната средина, прашуваат од еколошкото здружение. Здружението прашува дали премиерот е запознаен со тоа дека селата Теарце, Доброште се лишени од правото на вода за пиење од почетокот на изградба на малите хидроцентрали и дека тие се принудени да купуваат флаширана вода за пиење. Што имате превземано за овој скандал?, прашуваат тие. И за крај - дали знаете дека парламентот на Босна и Херцеговина во септември минатата година донесе закон за забрана на мали хидроцентрали? Дали знаете дека Владата на Црна Гора забрани изградба на мали хидроцентрали? И Албанија исто така. Што се случува со Република Северна Македонија која упорно оди во спротивен правец и грубо ги крши меѓународните конвенции и Уставот. Дали некој ќе преземе одговорност за овој ЕКОЦИД субвенциониран од страна на Владата? Граѓаните сакаат да знаат каква хипотека имате кај Хидро-мафијата? Алчноста за пари не може да биде над здравјето на луѓето и животната средина, додаваат од здружението.

Еко Герила: Кој ќе купува стан над гробишта? Да се истражува Општина Тетово за зградите кај „Ш.И.К. Јелак“

Магдалена Андонова — Fri, 11 Sep 2020 14:24:34 +0000

-Неодамнешните информации во врска со продажбата на „Ш.И.К. Јелак“ во Тетово, заедно со сомнителните околности слушнати во прислушкувањата на контроверзниот српско-црногорски бизнисмен, претставуваат доволна основа за истрага на овој случај и за итно замрзнување на сите понатамошни постапки во урбанизацијата на урбанистичкиот Блок 57А. Општина Тетово на нетранспарентен начин носи контроверзни одлуки за промена на правецот на градот со нови урбанистички планови, каде во отсуство на информации се шпекулира за бројка од околу 8.000 жители, стои во Фејсбук статусот на движењето Еко Герилска (Eco Guerilla). Од движењето потенцираат дека во ситуација кога градот нема вода за пиење, водоводна мрежа, канализација, паркиралишта, колективни гаражи, булевари, обиколници, градот Тетово е многу далеку од инфраструктурниот капацитет за изградба на станбени и трговски комплекси во внатрешноста на градот. -Неприфатливо е да се изградат нови 30 станбени згради на влезот на градот, во хаотичен град од сите аспекти, без основни услови, каде што очигледно недостасуваат паркови и рекреативни простори. Треба да и се разјасни на јавноста дали се направени проценки за еколошките последици и движењето на воздухот од овие градби, пишуваат Еко Герила. -Во колективната меморија на граѓаните на Тетово е многу добро познато дека локацијата Шик Јелак беа гробишта и сопственост на вакафот. Имињата на советниците кои тајно гласаа за овој урбанистички план ќе останат лошо запаметени во меморијата на граѓаните. Прашуваме кој ќе купи станови што се градат на место каде што имало гробишта и на имот ограбен од вакафот? Метастазата на урбаната мафија заедно со владејачките политички партии го достигнува својот врв во нашиот град. Обвинителството мора веднаш да започне истраги против Општина Тетово и другите лица вклучени во ова скандалозно пазарење со многу сомнежи и нејаснотии за сите нас. Културата на неказнивост мора да заврши засекогаш, апелира движењето.

Џафери од „Еко Герила“: Последните две години не се превземени никакви мерки за намалување на загадувањето

Дејан Никола — Thu, 07 Nov 2019 11:22:00 +0000

Граѓанскиот активист и основач на невладината организација „Еко Герила“, Аријанит Џафери во емисијата „Економски магазин“ на Алсат телевизија, за време на дебатата на прашањето за загадувањето на воздухот во Македонија, истакна дека од надлежните институции во последните две години не се превземени никакви мерки за намалување на загадувањето на воздухот. Тој како единствена мерка која власта ја превземала за намалување на загадувањето на воздухот била пред три години, и дека таа мерка била затворањето на “Југохром“ во Тетово. - Не гледаме дека во последните две години биле преземени значителни мерки за намалување на загадувањето, иако ако се прошириме на три години, би рекол дека пред три години, би рекол дека пред три години во ноември кога се затвори „Југохром“, тоа беше една мерка за намалување на загадувањето. Но во последните две години не сме виделе ништо поконкретно, на која порадикална мерка кои би влијаела на намалување на загадувањето во посакувано ниво, рече Џафери. Слушаме, додаде тој, дека има мерки кои се во подготвителна фаза или фаза во процесирање кои ќе се спроведат наскоро, но моментално нема некоја конкретна мерка која би влијаела за намалување на загадувањето на воздухот.

Еко Герила: Општина Тетово да ги исполни ветувањата за намалување на загадувањето

Ивана Ефремовски — Thu, 28 Dec 2017 15:05:08 +0000

Во отсуство на мерки и препораки кои треба да бидат превземени од страна на општина Тетово за намалување на загадувањето, Eко Герила ги повика граѓаните на Тетово во текот на овие денови, според можностите да го ограничат колку што е можно повеќе движењето со своите автомобили. Како резултат на лошо управување од страна на општина Тетово која со години ги остави граѓаните без јавен превоз, без подземни паркинзи и катни гаражи, без деблокирање на главните булевари и негрижата на општинскиот инспекторат за животна средина да ги спречи компаниите кои загадуваат, тетовчани во последните години се изложени на екстремно загадување на воздухот. Резултат од сево ова се сериозни последици за здравјето и животот на граѓаните, особено на децата. -Како што е познато, Тетово е град кој околу 80-90% се затоплува на дрва. Во студените зимски денови, кога процесот на притисок на воздухот е низок, другиот загадувач е греењето на дрва. Немањето на други алтернативи за греење како што е гасот или други алтернативни извори на енергија, се резултат на неспособноста на локалната и централната власт кои со години не го решија овој сериозен проблем за граѓаните, се вели во реакцијата. Организацијата нагласува дека очекуваат од општина Тетово да ги исчистат улиците кои се преполни со прашина, бидејќи таму најчесто се наоѓаат честички PM10. -Отстранување на старите и нерегистрирани возила кои ги блокираат патиштата, тротоарите и јавните површини исто така е законска обврска на општината, која досега не е реализирана. Непуштањето во употреба на обиколницата на градот која треба да ги поврзе селата во насока на Порој-Јажинце е континуиран проблем за преоптоварениот сообраќај во Тетово, стои во реакцијата. Еко Герила ги повикува граѓаните да бидат повнимателни во овој период кога сообраќајот, исто така е преоптоварен како резултат на сезоната на годишни одмори и доаѓањето на иселениците во земјата. -Иако денес го немаме нивото на загадување како пред две или три години, кога нивото на PM10 достигнуваше до 800-900, ние бараме да се намали до дозволените нивоа. Освен државните институции, и ние како граѓани треба да се покажеме одговорни како поединци, за секоја негативна појава која влијае на нашата животна средина, се вели на крајот од реакцијата на Еко Герила.