еколошка акција – Kurir.mk

Голема еколошка акција за чистење на Ново Лисиче, здравата и чиста животна средина е наш приоритет

Тале Кристо — Thu, 20 Oct 2022 09:29:16 +0000

Аеродром во соработка со организациите „За Почиста Македонија“ и „Волонтерски центар - Скопје“ почна акција за темелно чистење на населбата Ново Лисиче. Акцијата ја спроведуваат сезонските работници од Општина Аеродром со поддршка на стотина волонтери од невладините организации и истата вклучува акција за темелно чистење на Ново Лисиче, што опфаќа метење и миење на улиците, собирање на шутот, отпадот и гранките од зелените површини и пешачките патеки. За да се носи епитетот најчиста и најубава општина, неопходно е редовно одржување на јавните површини и парковите и во остварување на таа цел, потребно е да се вклучуваат сите засегнати страни, локалната самоуправа, граѓаните и приватниот сектор. Градоначалникот Тимчо Муцунски кој присуствуваше на денешната акција се заблагодари на присутните и партнерите и истакна дека ваквите активности се од големо значење за Општина Аеродром и најави дека инвестициите и активностите за здрава животна средина ќе продолжат и во иднина. Со реализација на оваа акција Општина Аеродром уште еднаш ја потврдува својата посветеност за обезбедување на здрава и чиста животна средина. Сите заедно се грижиме за одржување здрава и чиста животна средина која е наш приоритет. Со вакви и слични акции продолжуваме и во наредниот период, а комуналните тимови на Општина Аеродром секојдневно се на терен и во континуитет преземаат мерки за чистење на сите јавни површини.

Еколошка акција во Парк шумата Гази Баба

Магдалена Андонова — Wed, 08 Jun 2022 09:29:00 +0000

Општина Гази Баба во соработка со Амбасадата на Република Словенија во Република Македонија денес ја реализираше еколошката акција "Пријателство со природата" во рамки на која се изврши чистење на Парк шумата Гази Баба. На еколошката акција учествуваше и градоначалникот на општина Гази Баба Бобан Стефковски, кој за истата информираше на својата официјална фејсбук страна на која напиша: - Се реализираше еколошката акција за чистење на Парк шумата Гази Баба под мотото "Пријателство со природата". Денес, општина Гази Баба во соработка со амбасадата на Република Словенија во Република Македонија ја реализираше еколошката акција за чистење на Парк шумата Гази Баба под мотото "Пријателство со природата" Оваа акција се организира во рамки на активностите кои ги организира општина Гази Баба по повод Меѓународниот ден за заштита на животната средина. На еколошката акција учество земаа и претседателот на Советот, членови на Советот, вработени во општинската администрација, преставници на амбасадата на Република Словенија, ученици од општинските основни училишна и граѓани. Заштитата на животната средина останува приоритет за општина Гази Баба, напиша Стефковски.

Еколошката акција за зазеленување во Ѓорче Петров од советниците и градоначалничката на Град Скопје

Ристе Здравков — Sat, 16 Apr 2022 17:39:04 +0000

Градоначалничката Арсовска денеска учествуваше во еколошка акција во паркот во населбата Хром во Ѓорче Петов за зазеленување, на иницијатива на дел од членовите на Советот на Град Скопје. Иницијативата за акцијата организирана од советничката група на ВМРО ДПМНЕ и коалицијата во Град Скопје, а во активностите се приклучија и членовите од советничката група на АА, како и градоначалникот на Општина Ѓорче Петров, Александар Стојкоски. За време на денешните активности, градоначалничката Арсовска и советниците посетија повеќе локации каде се реализираа акции за чистење, а симболично беа засадени и 10-тина дрвја. Покрај овие активности, градоначалничката Арсовска и советниците денеска остварија средби со членовите на советот на општина Ѓорче Петров и пратеници, каде разговараа за подобрување на меѓусебната координацијата со цел зголемување на ефикасноста во работењето. На средбите се разменија мислења и идеи за проекти, а се дадоа и предлози за подобро заедничко дејствување и меѓуопштинска соработка.

Стефковски веднаш се фати за работа: Голема еколошка акција за чистење на улиците, парковите и дивите депонии низ општина Гази Баба

Тале Кристо — Wed, 27 Oct 2021 12:40:26 +0000

Денес започнавме со голема еколошка акција за чистење на улиците, парковите и дивите депонии низ Општина Гази Баба, изјави новиот градоначалник на општина Гази Баба Бобан Стефковски. Во ЈКП Гази Баба ќе се вложува и истото ќе биде вистински сервис на граѓаните. Комуналната хигиена е проблем најчесто посочуван од граѓаните. На чистење на Гази Баба ќе работиме во текот на целата година. Гази Баба ќе биде еколошки чиста општина!, потенцираше Стефковски.

Вработените од Џонсон Мети чистеа јавни површини во Скопје, Велес и Куманово

Super Admin — Thu, 30 Sep 2021 12:23:00 +0000

Повеќе од петстотини вработени од компанијата Џонсон Мети Македонија се вклучија во волонтерски активности за масовно чистење на јавни површини во Скопје, Велес и Куманово. Оваа активност е дел од корпоративната Програма за волонтирање на вработените во заедницата, во рамки на Стратегијата за општествена одговорност на Џонсон Мети. Мото на оваа активност е „Два дена да направите разлика“ (Two days to make a difference“) Можеби сите не можеме да направиме сé, но сите можеме да направиме по нешто. Џонсон Мети е една од ретките компании со Глобална политика за волонтирање, која овозможува вработените да искористат два работни дена за помош и поддршка на заедницата преку волонтерски активности. Во првата акција се вклучија 234 волонтери, додека во втората акција се вклучија 275 волонтери.

„Горди сме што постигнавме рекорд во бројноста на вработените кои се вклучија во акциите. Над 500 наши вработени беа дел од акцијата за чистење на јавни површини. Еден ден искористивме да го исчистиме кејот на реката Вардар на потег од Аеродром и Карпош 4, еден ден резервиравме за Градскиот парк и околината и еден за плоштадот Филип Втори и околината. Џонсон Мети е инклузивна компанија и поради фактот што голем дел од нашите вработени се од градовите Велес и Куманово, сметавме дека наша должност е да организираме акции и таму“, вели Боријан Борозанов, директор на Џонсон Мети во Македонија.

Ова не се први општествено одговорни акции на компанијата, која традиционално го одбележува стартот на учебната година со акција за донирање на училиштен прибор. Исто така, годинава, Џонсон Мети организираше донаторска акција на тема “Секое дете заслужува еднаков почеток”.

„И оваа година нашите вработени ја покажаа својата хуманост на дело и донираа огромен број училиштен прибор. Досега сме биле дел и од акција за готвење храна за лицата во социјален ризик, сликарска работилница со лица со старски дом, предавања низ училишта на тема „Безбедноста на прво место за деца”, изработка на сензорни табли, разубавување на училиштен двор, дружење со дечињата од „Аутизам МК“ и други активности. Среќни сме што ја нудиме можноста за искористување на два работни дена за волонтирање во нашата локална заедница. Нема да застанеме тука, имаме уште многу планови кои се надеваме ќе ги реализираме во блиска иднина“, дообјаснува Борозанов.