економска штета – Kurir.mk

ОЕЦД: Економската штета предизвикана од војната во Украина се чувствува ширум светот, а ризиците растат

Магдалена Андонова — Thu, 17 Mar 2022 14:30:09 +0000

Економската штета предизвикана од војната во Украина се чувствува ширум светот, а ризиците растат и би можеле да ја намалат економската активност и да ја поттикнат и онака високата инфлација, предупреди Организацијата за економска соработка и развој (ОЕЦД). Најважните последици од војната се изгубените животи и хуманитарната криза поврзана со огромен број луѓе под опсада и во бегство, забележува ОЕЦД. Но, растот имаше и голем број економски последици, додаваат тие. БДП на Украина и Русија е релативно мал, но двете земји се големи производители и извозници на клучни прехранбени производи, минерали и енергија, а војната веќе предизвика значителни економски и финансиски шокови, наведуваат тие истакнувајќи го скокот на нафтата, гасот и цените на пченицата. Ако цените продолжат да растат, тоа би можело да ја намали стапката на раст на светскиот БДП во првата година за повеќе од еден процентен поен и да предизвика длабока рецесија во Русија, забележуваат тие. Стапката на инфлација може да се зголеми за 2,5 процентни поени на глобално ниво, а беше висока на почетокот на годината, предупредуваат тие, велејќи им на централните банки да продолжат да се фокусираат на контролирање на инфлациските очекувања. Цените на енеренсите „скокнаа алармантно“, забележа ОЕЦД, потсетувајќи дека уделот на Русија во глобалното снабдување со природен гас бил 16 отсто, а нејзиниот удел во снабдувањето со нафта бил 11 отсто. Владите би можеле да го ублажат негативното влијание на конфликтот врз економскиот раст со добро дизајнирани, насочени мерки за фискална поддршка, сугерираат тие, наведувајќи го примерот со оданочувањето на претпријатијата. Многу влади ќе треба да го ублажат влијанието на високите цени на енергијата на краток рок, да ги прошират изворите на снабдување и да ја подобрат енергетската ефикасност. (МИА)

Месечните примања на работниците во Германија намалени за 2,2 отсто

Тале Кристо — Wed, 12 Aug 2020 07:45:47 +0000

Бруто месечната заработка на работниците со полно работно време или скратено работно време во Германија во просек е 2,2 проценти пониска во вториот квартал во однос на истиот период лани, покажуваат податоците на Федералното биро за статистика. Падот на приходите најмногу се должи на скратено работно време за време на ограничувањата воведени поради пандемијата на коронавирусот. Најпогодени сектори се хотелскиот и угостителскиот како и автомобилската индустрија. „Широката употреба на работа со скратено работно време поради пандемијата на коронавирусот има негативно влијание врз нивото на бруто месечен приход и бројот на работните часа“, се вели во соопштението на Министерството. Според последните податоци на Институтот Ифo, други 5,6 милиони работници во Германија работат со скратено работно време. Заработката на час пред оддданочување не е засегната со работа со скратено работно време, што се зголеми во просек за 2,6 проценти во вториот квартал во однос на истиот период лани, соопшти институтот.

Ураганот Флоренс предизвика 44 милијарди долари економска штета

Ивана Ефремовски — Sun, 23 Sep 2018 08:32:10 +0000

Економската штета од ураганот Флоренс изнесува 44 милијарди долари, проценува компанијата Муди`с. Според компанијата, штетата е еквивалентна на земјотресот што го погоди Нортриџ во Калифорнија во 1994 година. Компанијата додава дека ова е прелиминарна проценка, дополнувајќи дека „Флоренс" е меѓу десетте најштетни урагани. Ураганот „Катрина“ во 2005 година предизвика најголема штета, во вредност од 192,2 милијарди долари, додека минатогодишниот ураган „Харви“ нанесе 133,5 милијарди долари економска штета.