економска состојба – Kurir.mk

Економската состојба во преработувачката индустрија понеповолна во ноември во однос на октомври годинава

Магдалена Андонова — Wed, 15 Dec 2021 12:43:03 +0000

Според оценката на раководителите на деловните субјекти, индикаторот на доверба во преработувачката индустрија во ноември 2021 година е намален за 0.2 процентни поени во однос на октомври 2021 година и изнесува 14.5, а во однос на ноември 2020 година е зголемен за 1 процентен поен, објави денеска Државниот завод за статистика. Состојбата на обезбеденоста на производството со порачки во ноември 2021, во однос на октомври 2021 година, е поповолна, очекувањата за обемот на производството во наредните три месеци се понеповолни во однос на претходниот месец, а залихите на готовите производи се непроменети. Оценката за економската состојба на деловните субјекти во ноември 2021 година е понеповолна во однос на претходниот месец, a поповолна во однос на ноември 2020 година. Се очекува бројот на вработените да се намали. -Просечното искористување на капацитетите на деловните субјекти во ноември 2021 година изнесува 69.6 проценти од нормалното искористување. Најголемо влијание врз ограничувањето на обемот на производството имаат: недоволната странска побарувачка со 20,1 процент, неизвесното економско опкружување со 15,5 проценти, недостигот на квалификувана работна сила со 15 проценти и недоволната домашна побарувачка со 12,9 проценти.

ВМРО-ДПМНЕ: Подобрување на економската состојба во Македонија е само во главата на Зоран Заев

Тале Кристо — Tue, 05 Jan 2021 13:09:49 +0000

Подобрување на економската состојба во Македонија е само во главата на Зоран Заев, реагираат од ВМРО-ДПМНЕ на изјавата на премиерот Зоран Заев. Зоран Заев денеска без тронка срам излезе и почна да сее магла. Заев без срам говореше како македонската економија е жива и стабилна, а во реалноста државата се наоѓа во рецесија. Заев без срам говореше како ги спасил граѓаните да не изгубат работни места, а во реалноста над 50.000 граѓани се на улица. А, за жал половина милион граѓани денот го поминуваат со 130 денари. Во реалноста преку 49.000 лица плата немаат земено за ноември на 20 декември. Заев без срам говореше како помогнал на над 14.000 фирми, а во реалноста тие се наоѓаат во тешка состојба и се пред колапс. Буџетот за 2021 година е крајно расипнички и неразвоен. Додека Заев на прес конференција се фали дека владата е крајно штедлива и успешно менаџира со народните пари, сепак за плати, стоки и услуги ќе потрошат 568 милиони евра повеќе од што ќе приберат. Поради лошо скроениот Буџет за 2021 година сигурно е дека ребаланс во март или април ќе има. Заев нека не премолчува и нека признае на граѓаните дека со неговата лоша политика дефицитот повеќе нема да се спушти под 450 милиони евра и ова не носи директно во пропаст. Економијата единствено е жива и стабилна само за нивните бизниси, бидејќи народните пари се делат на нивни блиски фирми преку фонд за иновации и мерките за поддршка на инвестиции. Додека Зоран Заев е на власт, македонската економија ќе пропаѓа. Интегрален текст од реакцијата на ВМРО-ДПМНЕ

Економската состојба се влошува и во Кичево

Магдалена Андонова — Sun, 25 Oct 2020 15:53:37 +0000

Се повеќе дуќани во Кичево со клуч на врата. Некои се издаваат под кирија, некои пак од сопствениците, откако затвориле, повеќе не се нудат на пазарот. Поголемиот дел тоа го направиле последниве месеци, откако пандемијата со ковид 19 почна сериозно да влијае врз нивното работење. Камерата на Алсат, ваква слика забележа на повеќе локации низ градот. -Падната е многу работата. 100% е падната работата. Сите дуќани се затвораат. Ако минатата година ова време сме правеле седум – осум илјади промет, сега правиме илјада до илјада и петстотини денари. Ако продолжи вака, не знам што ќе правиме, вели Абди Мерсими-сопственик на бурекџилница во Кичево. Дополнителен проблем е отсуството и на печалбарите ова лето. Целиот текст може да го прочитате на Алсам-М.тв