Прекината седницата на Економскиот социјален совет: Барањата на синдикатите изоставени од дневниот ред, владата без слух

Катерина Бојаџиева — Wed, 12 Oct 2022 18:22:57 +0000

Трпе Деаноски, претседател на УПОЗ во вечерашното гостување во емисијата „Топ тема“, на телевизија Телма, за денешната средба со претставниците на Владата на Економско социјалниот совет, вели дека средбата била прекината бидејќи ништо од тоа што го барале како синдикат не било ставено на дневен ред на седницата. -Шест месеци немаше економско социјален совет во време на најголема инфлација, во време на најголема финансиска криза во државата. Точки на дневен ред немаше, ништо од тоа што ние го бараме изминатиот период, ја немаше методологијата на плати која беше најавувана, и уште се најавува помпезно од страна на влада, нема за фискални импликации, нема за потпишување на нови колективни договори. Имаше извештај за работа на економско социјален совет, точките на дневен ред беа малку збунувачки, вели Деаноски, претседател на УПОЗ. Повеќе од четири часа бевме и сите оние прашања за кои вие сега зборувавте баравме да се стават како дополнување на дневниот ред. Колегата Ралповски бараше да се разговара за член 8 од законот за минимална плата, јас барав да се разговара за мерките и препораките за намалување на расходи што ги донесе Владата на седница во неделата. Претседателот на ССМ бараше да се разговара за предлог мерки за помош на вработените и на ранливите категории на граѓани, од ОРМ се бараше за мерки за надминување на енергетска криза и намалување на цените на енергенсите. И сето тоа беше на наше барање, а не на барање на Владата на седницата на Економско социјалниот совет, потенцираше тој. На ист став беше и претседателот на конфедерацијата на слободни синдикати Благој Ралповски, кој додаде дека барањето на КСС е почитување на член 8 кој се однесува на усогласување на платите согласно порастот на минималната плата, нагласувајќи дека министерката за труд и социјална политика не може да го толкува членот 8 како нејзе и одговара, односно како што рече тој единствен надлежен за толкување е законодавно правната комисија во парламентот. Значи министерката не е таа која што треба да го толкува членот 8 или пак вработениете во министерството за труд и социјална политика. Тоа е член 8 кој е во завршни и преодни одредби од носењето на законот од 2012 година и тој не променет, и тој си важи до ден денеска. Единствен кој може да го толкува законот е таа законодавно правна комисија во парламентот. Нашето барање беше растот на услогласување на платите согласно порастот на минимална плата во член 8 од законот за минимална плата. Но, не само тоа, значи законот за плати кажува дека согласно трошоците за живот треба д аима пораст и на платите. Ова не го бараме од сега, ова го бараме од 2018та година, истакна Ралповски, претседател на КСС.

Седница на Економско-социјалниот совет

Ивона Петрова — Tue, 01 May 2018 06:27:51 +0000

Во Владата денеска свечена седница ќе одржи Економскиот социјален совет (ЕСС), како трипартитно тело, формирано од македонската Влада и социјалните партнери за водење социјален дијалог и создавање услови за економска и социјална стабилност. На седницата, како што информира владината прес-служба, ќе присуствуваат премиерот на Република Македонија Зоран Заев и членовите на ЕСС, односно претставници на Синдикатите, работодавците и ресорните министерства.

економски социјален совет – Kurir.mk

Прекината седницата на Економскиот социјален совет: Барањата на синдикатите изоставени од дневниот ред, владата без слух

Седница на Економско-социјалниот совет