екран – Kurir.mk

Едноставни трикови како треба да ги чистите екраните

Ивона Петрова — Fri, 02 Jun 2023 13:52:05 +0000

Посовремените телевизори и уреди кои имаат LCD или OLED екрани бараат малку поинакво одржување од старите модели на телевизори. Според експертот за чистење на Американскиот институт за чистење Џесика Ек, за современите екрани мора да бидете многу внимателни при изборот на средствата со кои планирате да чистите. Првото правило при чистење на екранот е да користите крпи од микрофибер, бидејќи поновите екрани се почувствителни. Материјалот на оваа ткаенина содржи микрофибер чиј притисок на екранот ја намалува можноста за гребнатини. Овие површини исчистете ги со лесни движења, за да не се уништат пикселите, а тоа особено се однесува на аглите на уредот. Дополнително, се наведува дека крпата за чистење на уредот треба да биде исклучиво наменета за слични површини, за да не останат траги од други површини. Кога станува збор за изборот на средства, можете да користите секакви средства наменети за чистење на екранот, но не го нанесувајте директно на уредите. Нанесете го средството на крпата и потоа исчистете ги екраните. Како последен совет се наведува дека треба да избегнувате чистење во кругови, за да не се појавуваат линии.

КАКО ДА ГИ ОДМОРИТЕ ОЧИТЕ ОД ГЛЕДАЊЕ ВО ЕКРАН: Правилото 20-20-20 помага кај непријатните симптоми од оваа состојба!

Ристе Здравков — Sat, 10 Dec 2022 14:15:08 +0000

Со оглед на тоа што многу луѓе поминуваат часови гледајќи во компјутерските екрани и другите дигитални уреди за работа, како и во слободното време, проблемите што се појавуваат со очите заради нив добија посебни имиња – дигитален напор на очите и синдром на компјутерски вид. Најчести симптоми се сувост, црвенило, иритација и замор на очите, а често се придружени со заматен вид и главоболки. За да се ублажи непријатноста, се препорачува таканареченото правило 20-20-20, што значи дека на секои 20 минути треба да правите пауза од 20 секунди така што ќе ги тргнете очите од екранот и ќе го фокусирате погледот на нешто од најмалку 20 стапки оддалеченост (6 метри) – по можност со гледање низ прозорецот. Истражувањето спроведено од научници од Шпанија, Словачка и Велика Британија покажа дека методот 20-20-20 навистина функционира доколку се практикува редовно. За полесно да се усвои таквата навика, научниците препорачуваат поставување на тајмер, односно аларм (на пример на компјутер, мобилен телефон или рачен часовник) на секои 20 минути како постојан потсетник, а има и мобилни апликации како што е Eye Care 20 20 20, кои известуваат кога е време да се олеснат очите. Се препорачува и почесто трепкање, но и извесно затворање на очите, бидејќи така подобро се „подмачкуваат“ и прочистуваат.

ВОЗНЕМИРУВАЧКО ВИДЕО: Ужас на концерт во Хонг Конг, огромен екран падна врз танчери

Ристе Здравков — Fri, 29 Jul 2022 07:23:09 +0000

Еден танчер е сериозно повреден, а уште еден е згрижен во болница откако огромен екран падна врз членовите на популарниот бој-бенд Мирор на концертот „Кантопоп“ синоќа во арената „Колосеум“ во Хонг Конг, пренесува Би-би-си.

BREAKING: Large screen collapses during concert by boy band Mirror at the Hong Kong Coliseum, injuring multiple people pic.twitter.com/XrWQky9PGx
— BNO News (@BNONews) July 28, 2022

Танчерот врз кој директно паднал тешкиот ЛЕД-екран е во критична состојба, според локални медиуми. Концертот итно бил прекинат.

#BREAKING: A live performance by Hong Kong boy band Mirror was cut short after a screen fell and struck dancers below, at least 2 injured. pic.twitter.com/cTnLxSNhAt
— X-Money (@TheRealXMoney) July 28, 2022

Ова не е првиот сериозен инцидент на турнејата на младата група. Во вторникот Френки Луи паднал од подиумот додека ѝ се обраќал на публиката.

ИСТРАЖУВAЊЕ: Прекумерното користење на екранот го зголемува ризикот од кратковидост кај децата за 80 проценти

Магдалена Андонова — Wed, 10 Nov 2021 09:10:28 +0000

Многу време поминато пред екранот на мобилниот телефон или компјутерот може да го зголеми ризикот од миопија кај децата и до 80 отсто, покажува најновото истражување објавено во здравствениот магазин „The Lancet Digital Health“. Се покажа дека повеќе од 3.000 испитаници ја поврзуваат изложеноста на паметни уреди со кратковидоста кај децата и младите на возраст од три месеци до 33 години, според студијата спроведена од експерти од Универзитетот Англиа Раскин во Кембриџ, Англија. Тие открија јасна врска помеѓу времето поминато во гледање телефони или таблети и поголем ризик од развој на миопија. Само паметните телефони го зголемуваат ризикот за 30 проценти, но во комбинација со прекумерната употреба на компјутер, ризикот се зголемува на 80 проценти. Истражувачите стравуваат дека тоа би можело да значи дека до 2050 година половина од светското население би можело да биде кратковидно или да страда од проблеми со губење на видот. Во 2019 година, Светската здравствена организација препорача децата на возраст под две години да не поминуваат време пред екранот, а на децата на возраст од две до пет години им се советуваше да користат паметни уреди до еден час во текот на денот. Истата година, истражувањето на CensusWide на 2.000 британски семејства покажа дека децата поминуваат во просек 23 часа неделно на екраните на телефонот, таблетот или компјутерот. Бројни студии покажаа дека оваа бројка значително се зголемила за време на пандемијата на коронавирусот, бидејќи повеќето деца поминувале време дома и оделе на училиште онлајн, што значело користење на уреди со нова технологија. Руперт Борн, професор по офталмологија и коавтор на студијата, рече дека кратковидоста е здравствена грижа која брзо ескалира. - Нашата студија е најсеопфатна досега за ова прашање и покажува потенцијална поврзаност помеѓу времето поминато со екранот и миопијата кај помладата популација - посочи тој. Тој додаде дека е јасно дека итно се потребни дополнителни истражувања за подобро да се разбере како изложувањето на дигитални уреди може да влијае на очите и видот. – Исто така, знаеме дека луѓето реално не го доживуваат времето кое го поминуваат пред екранот, па затоа во идните студии треба да се користат објективни мерки за собирање информации – заклучува Борн.