екскурзии – Kurir.mk

Комисијата предлага и средношколците да не носат маски, да се овозможи организирање ученички екскурзии

Ивона Петрова — Wed, 30 Mar 2022 12:10:28 +0000

Комисијата за заразни болести на денеска одржаниот состанок одлучи да даде препорака за укинување на носењето маски за учениците во средните училишта и да се овозможи организирање екскурзии за учениците во основните и средните училишта, изјави портпаролот на Комисијата, Злате Мехмедовиќ. Посочи дека се уште важат препораките наставниот и техничкиот кадар да носат маски. – За укинување на останатите мерки ќе почекаме уште една недела. Епидемиолошката состојба има тренд на надолна линија, се намалува бројот на заразени и хоспитализирани, додаде д-р Мехмедовиќ.

Директор на средно училиште доби кривична, организирал екскурзии без оглас и скапо им наплаќал на учениците

Ивана Ефремовски — Wed, 02 Dec 2020 17:33:27 +0000

Надворешната канцеларија за криминалистички работи Гостивар поднесе кривична пријава против И.А.(54) од с.Требиште, гостиварско, поради постоење основи на сомнение за сторено кривично дело „несовесно работење во служба“. Пријавениот, вработен како директор во СОУ „Маврово и Ростуше“, на 02.10.2018 организирал и спровел екскурзија без претходно објавен оглас и недозволено склучил договор со шест автопревозници за изведување на еднодневната екскурзија во Охрид, со што постапил спротивно на член 19, 20 и 21 од Правилникот за начинот на изведување на училишни екскурзии. Исто така, И.А. на учениците за екскурзијата им наплатил цена повисока од реалната.

Белгија не ги откажува школските екскурзии во Италија

Ивона Петрова — Wed, 26 Feb 2020 07:49:08 +0000

И покрај карантинот во неколку градови во Италија, белгиската министерка за образование смета дека за сега нема причина да се откажуваат школските екскурзии во Италија. Училиштата можат на своја рака да донесат таква одлука доколку сметаат дека е побезбедно, но државата не дава такви инструкции за сега. -Според МНР, ситуацијата не оправдува општа мерка за забрана на школски екскурзии во Италија, но треба многу совесно да се следат препораките на министерството и секој ден да се проверува нивниот развој, зависно од тоа во која зона се одвива патувањето, изјави министерката Каролин Дезир. Училиштата ќе бидат информирани за последните одлуки преку официјален документ.