експерт – Kurir.mk

Британската кралица бара експерт за Инстаграм, плата околу 30 илјади евра

Тале Кристо — Thu, 28 Jan 2021 08:17:32 +0000

Британската кралица Елизабета Втора бара лице кое ќе го води нејзиниот профил на Инстаграм за плата од 27.000 фунти годишно со поволности, се наведува во огласот објавен на веб-страницата на Кралството. Во огласот се наведува дека кандидатот ќе управува со налозите на Бакингемската палата на социјалните мрежи и потребно е да се има „талент за креативност“ и „око за дизајн“, пренесува лондонски „Сан“. -Нема да имате два исти дена. Ќе имате можност да напредувате во вашата кариера и да оставите свој белег во срцето на оваа позната институција, се наведува во огласот. Конкурсот е отворен до 7 февруари.

Експерт на СЗО сака повторно да ги испита првите случаи на Kовид во Вухан

Дарко Андоновски — Wed, 25 Nov 2020 20:03:50 +0000

Експертот за ветеринарство во Светската здравствена организација Питер Бен Ембарек денеска изјави дека би отишол на пазарот за храна во кинескиот град Вухан, за повторно да ги испита првите случаи на Ковид-19 што се појавија таму. Ембарек на прес-конференција рече дека би сакал да ги преиспита првите случаи на Ковид-19 и да најде соговорници преку кои може да добие „значајни информации“. – Ништо не укажува на тоа дека вирусот го создал човек. Треба да ги реконструираме настаните од пред декември 2019 година, бидејќи не знаеме што навистина се случило, истакна Ембарек. Истрагата треба да утврди што се „влегло и излегло од пазарот во тој период“, како и од каде стоката пристигнала на пазарот во Вухан.

До ублажување на климатските промени најверојатно нема да дојде, тврди експерт

Дарко Андоновски — Wed, 14 Nov 2018 09:18:33 +0000

До посакуваниот степен на ублажување на климатските промени најверојатно нема да дојде бидејќи потрошувачката на енергија не се ограничува во согласност со Парискиот договор, вели климатскиот експерт Вофганг Крамер. На дводневната средба на новинари од Медитеранот кои ги настаните поврзани со животната околина, Крамер потсети дека употребата на енергија е „срцето на актуелните климатски промени“, и изнесе проценки дека според плановите на владите таа до 2030 година ќе се зголеми за 40 отсто, додека поодлучни политики би требале да го задржат растот на потрошувачката на енергија на 20 отсто. – Потрошувачката на енергија, според конзервативно сценарио до 2030 година на Средоземјето би можела да надмине 1,4 милијарди тони еквивалентна нафта, додека проактивното сценарио налага потрошувачка малку поголема од 1,2 милијарди, вели Крамер. Тон еквивалентна нафта е количина енергија која се ослободува со спалување на еден тон стурова нафта и изнесува околу 11.630 киловат часови. Крамер додава дека без целосно исфрлање на јагленот од прозводствот на енергија до 2050 година, за што исто така е потребно значително намалување на употребата на енергија, на Медитеранот нема да биде можно да се постигне одржлив развој. Климатските промени посебно го засегаат Средоземјето, каде просечната годишна температура на воздухот се зголеми за 1,6 Целзиусови степени во однос на 1880 година, додека светскиот просек е 1,2 Целзиусови степени , изјави тој.