Експертскиот тим на СЗО пристигна во Вухан

Дарко Андоновски — Thu, 14 Jan 2021 07:08:04 +0000

Експертскиот тим на Светска здравствена организација денеска пристигна во кинескиот град Вухан, каде кон крајот на 2019 година беше откриен новиот коронавирус, за да го истражи потеклото на пандемијата. Експертскиот тим во Вухан ќе биде околу еден месец, вклучително и двете недели карантин. Петр Бен Ембарек, експертото на СЗО за животински болести кои преминуваат на други видови, го предводи тимот од десет независни експерти. Виетнамскиот биолог Хунг Нгујен, кој е дел од тимот, истакна дека не очекува рестрикции на работата на групата во Кина. Експертскиот тим на СЗО, по двонеделниот карантин ќе ги испитуваат вработените во истражувачките институти,, болниците и пазарите за морска храна во Вухан, каде се претпоставува дека се појави ковид-19.

Експертски тим на СЗО пристигна во Кина

Тале Кристо — Mon, 10 Feb 2020 18:56:55 +0000

Медицински експертски тим на Светската здравствена организација (СЗО) пристигна денеска во Кина за да помогне во истрагата поврзана со епидемијата на коронавирусот, изјави во Женева генералниот директор на СЗО, Тедрос Аданом Гебрејесус. Шефот на СЗО, кој кон крајот на јануари го посети Пекинг за да разговара со кинескиот претседател Си Џинпинг и кинеските министри, се врати со договор за испраќање меѓународна мисија. Биле потребни речиси две недели кинеската Влада да дозволи пристигнување на експертскиот тим, кој има меѓу 10 и 15 членови, истакна Гебрејесус. Тој нагласи дека во Кина се регистрирани 40.235 случаи на заразени од коронавирусот и 909 починати, како и 319 заболени во 24 земји во светот, вклучувајќи и еден смртен случај. Гебрејесус изрази загриженост поради извештајот на европските власти во текот на викендот за ширењето на вирусот од човек на човек, а кои не патувале во Кина.

Експертски тим – Kurir.mk

Експертскиот тим на СЗО пристигна во Вухан

Експертски тим на СЗО пристигна во Кина