експлозив – Kurir.mk

Зошто се забранува внесување течности над 100 мл во авион?

Ристе Здравков — Sat, 19 Nov 2022 20:52:57 +0000

Ограничувањето на количеството течност што можете да го внесете во авион беше воведено во 2006 година, откако британската полиција откри терористички заговор кој вклучуваше активирање течен експлозив. Регулативата која дозволува внесување на само 100 милитри течности, гелови и аеросоли беше воведена во 2006 година, откако британската полиција откри терористички заговор за активирање течен експлозив во седум патнички авиони кои патуваа од ОК за САД и Канада. Наводно, Британецот од Бирмингем, Ахмед Али, посредувал во врската меѓу заговорниците и Ал Каеда. Полицијата во неговиот багаж пронашла безалкохолен пијалок во прав Танг и голем број батерии, што предизвикало тревога кај надлежните. Подоцна беше откриено дека виновниците конструирале уреди слични на бомба од шишиња со пијалоци, кои потоа планирале да ги активираат во авионот. Набргу потоа беа воведени и ограничувања за течности за рачен багаж, со неколку исклучоци како што е храната за бебиња, која патниците мораа да ја вкусат пред да ја однесат во авионот. После тоа, одредено време имаше целосна забрана за внесување течности во авионот, но подоцна беше поставена граница од 100 ml на дозволената количина течност. Ограничувањето на течностите е воведено токму затоа што е тешка задача да се испитаат течностите и да се утврди дали тие се закана. Сепак, постојат голем број отстапки за оваа граница, кои вклучуваат лекови на рецепт, течности за одржување на животот и формула за доенчиња. Исто така, се развиваат нови технологии за попрецизно прегледување на течностите на аеродромите и за справување со ограничувањата.

Шведска: Траги од експлозив пронајдени во близина на оштетените гасоводи во Балтичкото Море

Тале Кристо — Fri, 18 Nov 2022 09:24:23 +0000

Шведскиот обвинител кој ја води истрагата за оштетувањето на гасоводите Северен тек 1 и 2 потврди дека се работи за саботажа и рече дека се пронајдени траги од експлозив. Обвинителот Матс Лунгквист рече дека сè е внимателно документирано. – За време на истрагата на местото на злосторството што се спроведе во Балтичкото Море, беа извршени опсежни операции и областа беше внимателно документирана. Анализата што сега е направена покажува траги од експлозив на неколку пронајдени странски предмети. Работата на напредна анализа продолжува со цел да се дојде до поцврсти заклучоци за инцидентот, рече тој. Во соопштението понатаму се наведува дека „прелиминарната истрага е многу сложена и обемна“ и оти работата продолжува. Во документот не се споменуваат имињата на осомничените, а се поздравува соработката на властите во Шведска со оние во другите земји. Соопштението завршува со тврдењето дека обвинителот во овој момент не може да даде повеќе информации.

Евакуирана зградата на американскиот Конгрес поради активна закана од бомба

Катерина Бојаџиева — Thu, 19 Aug 2021 16:18:22 +0000

Американската полиција во моментов проверува дали во возило кај Капитол Хил, седиштето на Конгресот во Вашингтон, е пронајден експлозив, јави денеска американската телевизиска мрежа Си -Ен -Ен. -Ова е истрага за заканата со бомба, соопшти полицијата, додавајќи дека проверува сомнителен камион во близина на Конгресната библиотека, додава телевизијата од Атланта. Полицијата на Твитер објави дека добила пријава за сомнително возило пред Библиотеката на Конгресот и ги предупреди луѓето да се држат подалеку од оваа област, пренесе телевиизјата Си-Ен-Би-Си. Полицијата испратила преговарачи да разговараат со заканувачот, кој се наоѓа во камионот, наведе еден од изворите. „Во тек е истрага. Ние внимателно ја следиме ситуацијата и ќе ги ажурираме информациите на овој налог кога ќе ги добиеме оние што можеме да ги објавиме”, објави полицијата на Капитол Хил на Твитер. Оваа неделава немаше закажана седници на Конгресот, но персоналот и натаму секојдневно оди во Капитол Хил. Медиумите јавуваат дека полицијата ги повикала граѓаните да го избегнат просторот околу библиотеката, што се наоѓа наспроти Конгресот. Областа околу Капитол Хил е под строга безбедносна контрола од упадот во Конгресот на 6 јануари годинава, кога таму се собраа и потоа во негп упаднаа приврзаниците на поранешниот американски претседател Доналд Трамп.

Саудиската коалиција уништила шест беспилотни летала наполнети со експлозиви на Хутите

Тале Кристо — Mon, 12 Apr 2021 06:19:45 +0000

Меѓународната коалиција предводена од Саудиска Арабија, што учествува во граѓанската војна во Јемен, пресретнала и уништила шест беспилотни летала наполнети со експлозиви, наведе саудиската државна телевизија, објаснувајќи дека дроновите биле лансирани од бунтовниците Хути и биле упатени кон нивното кралство. Коалицијата соопшти дека „станува збор за намерни и систематични непријателските обиди на Хути насочени кон цивилите“, додавајќи дека таа ги презема сите неопходни мерки за заштита на цивилите, пренесуваат британските медиуми. Коалицијата претходно соопшти дека уништила балистичка ракета што Хутите ја лансирале кон саудискиот град Џазан. Британските медиуми пренесуваат дека саудиската воена коалиција ја почна својата интервенција против Хутите во Јемен во март 2015 година, откако ова движење ја собори меѓународно признатата влада во Сана и зазеде поголем дел од територијата на земјата.

Соборени дронови со експлозив на лет кон Саудиска Арабија

Тале Кристо — Sat, 10 Oct 2020 11:57:08 +0000

Саудиската државна новинска агенција „Сауди прес“ јави дека коалицијата во Јемен детектира и уништи две беспилотни летала со експлозив лансирани од јеменските бунтовници Хути кон цели во Саудиска Арабија. Хутите се уште не ги коментирале наводите на „Сауди прес“. Војната во Јемен помеѓу бунтовниците Хути, поддржани од Иран и провладините сили ескалираше во март 2015 година, кога воена коалиција предводена од Саудиска Арабија интервенираше против бунтовниците, кои контролираат поголем дел од Јемен, вклучително и главниот град Сана. Во судирите убиени се десетици илјади луѓе, приближно четири милиони лица се раселени, а 80 проценти од 29-милионското население е зависно од хуманитарната помош.

Пронајден експлозив во семеен дом во Крушево

Ивана Ефремовски — Sat, 18 Jan 2020 14:21:34 +0000

Во семеен дом на улица „Партизанска“ во Крушево вчера попладне бил пронајден експлозив. Како што соопшти Министерството за внатрешни работи, вчера во 16:30 часот во Полициска станица Крушево, М.Р.(64) од Словенија пријавила дека во семејниот дом на ул.„Партизанска“, во сопственост на нејзиниот починат брат Р.М. од Крушево, пронашла експлозив. За настанот е известена Дирекцијата за заштита и спасување. Увид на местото на настанот ќе се врши во текот на денот.

Тајванската полиција рани маж кој подметнал експлозив пред опозициската партија Куоминтанг

Тале Кристо — Sat, 14 Dec 2019 10:53:42 +0000

Тајванската полиција ранила маж за кого има сомнение дека подметнал експлозивна направа пред канцелариите за кампања на главната опозициска партија Куоминтанг. Пред влезот во канцелариите на Куоминтант во градот Таинан, најден бил уред што содржел жици, течност и прашкаста материја, се наведува во соопштението. При упадот во неговиот стан полицијата пукала врз осомничениот маж, го ранила, по што тој бил префрлен во болница. На 11 јануари на Тајван се оддржуваат претседателски избори, а кампањата за нив е во полн ек. Куоминтанг, главниот политички ривал на Демократската народна партија на актуелниот претседател на тајван, фаворизира блиски врски со Кина.

Бугарија: Ученикот направил бомба со 14 кг експлозив, цел на напад му било училиште во Пловдив

Дарко Андоновски — Sat, 08 Jun 2019 11:44:18 +0000

По првпат е спречен терористички напад во Бугарија, а цел на малолетниот џихадистот било училиште во Пловдив. – Станува збор за дете – жртва, а не сторител на сериозен криминал. Тоа е лична трагедија, која, за среќа, не е развиена во голем обем,изјави заменикот главен обвинител Иван Гешев во врска со спречениот напад во Пловдив, јави БГНЕС. – Некои прашања се однесуваат на секој од нас како родител во оваа земја. Овие проблеми мора да се решат и да им се спротивставиме како општество, додаде тој. Гешов појасни дека во средата добиле дојава, од блиски на 16-годишното момче. Бугарската агенција за безбедност и контраразузнавање ДАНС информира дека станува збор за ученик, кој се радикализирал. Потоа е извршен претрес на две простории кои ги користело детето, кое инаку е ученик во елитна гимназија во Пловдив и е од добро ситуирано семејство. Гешов го оквалификува како „супер интелигентен“. При претресот пронајдени се подготвени и во изработка експлозивни направи. Една од тие експлозивни направи е како оние кои најчесто се користени во бомбашките напади во САД. Исто така постои и експлозивен уред во процесот на подготовка, т.н. бомби со нокти. Супстанцијата за правење на таква бомба е употребено за некои од нападите во Белгија, Франција и Сарафово. – Супстанцата што се користише во Сарафово е помеѓу 2 и 3 кг, а сега станува збор за 14,5 килограми од оваа материја, истакна Гешев. Тој уште додаде дека ученикот бил врбуван од терористичката „Исламска држава“. – На 16-годишно момче треба да му помогнат специјалисти во изолирана средина. Затоа воведовме мерка вчера, не заради кривична одговорност, детето да биде сместено во специјализирана установа, каде со него ќе работат специјалисти, психолози и психијатри, истакна бугарскиот заменик главен обвинител.(МИА)

ВИДЕО: Косовската полиција пронајде 15 кг. експлозив во близина на Газиместан

Ивона Петрова — Thu, 13 Dec 2018 18:41:24 +0000

Косовската полиција вечерва објави дека пронашла 15 килограми експлозив на патот Приштина-Митровица во селото Магзит, во близина на Газиместан, јави дописникот на МИА од Приштина. Информацијата за порталот „Газета Експрес“ ја потврдиле полициски извори, наведувајќи дека наскоро ќе бидат објавени детали за случајот. Станува збор за област северозападно од косовскиот главен град, населена со мнозинско српско население. Претходно, портпаролот на Министерството за безбедносни сили на Косово (ФСК) Ибрахим Шаља соопшти дека едно лице од српска националност е уапсено на паркингот на тоа Министерство. Пред тоа, порталот „Калѕо“ објави дека се уапсени две лица во возило со белградски регистерски регистерски таблици. Шаља изјави дека сепак се работи за едно лице од српска националност и дека најверојатно заскитало на паркингот на Министерството. Сепак, според него, поради моментните тензични односи меѓу Белград и Приштина, уапсеното лице е предадено на полицијата за натамошна процедура. Медиумите во Косово и Србија двата случаи ги поврзуваат со утрешното гласање во косовското Собрание за законите со кои практично ќе се втемели војската на Косово. МИА

ЕУ воведува построг надзор над продажбата на средства за производство на експлозив

Ивона Петрова — Wed, 12 Dec 2018 15:51:05 +0000

Амбасадорите од ЕУ денеска се договорија за воведување построг надзор над пристапот до состојките за производство на експлозиви, објави Советот на ЕУ. Претставниците на земјите-членки на ЕУ се согласија за построги правила за пристап, снабдување, поседување и употреба на овие состојки. Во соопштението од Советот на ЕУ се појаснува дека состојките се хемиски супстанции кои имаат легитимна примена, но можат да бидат злоупотребени за производство на рачноизбработени експлозивни направи. Со новите правила ќе се ограничи пристапот до таквите материјали и ќе се воведе можност за информирање за сомнителни набавки. Се предвидува однапред да има состојки кои ќе бидат „ограничени“ и кои нема да можат да се набавуваат или поседуваат од страна на регуларните купувачи над одредена концентрација и „регулирани“, за кои продавачите ќе можат да ги известат надлежни служби во случај на сомнителна набавка. ПО денешниот договор, неопходно е да се обезбеди поддршка во Европскиот парламент, а правилата ќе стапат во сила две години откако ќе ја добијат поддршката на европратениците. МИА