експлозивна направа – Kurir.mk

Рачна бомба од Првата светска војна најдена во Радовиш

Ивана Ефремовски — Wed, 14 Jun 2023 15:27:27 +0000

На 13.06.2023 во 17:45 часот во Полициската станица Радовиш, С.И.(41) од Радовиш пријавил дека на улица „Даме Груев“ во Радовиш пронашол експлозивна направа. Пиротехничар до Дирекција за заштита и спасување и екипа на ОВР Радовиш извршил увид и било утврдено дека се работи за неексплодирана рачна бомба која потекнува од Првата светска војна. Бомбата била подигната за понатамошна постапка.

Лажна е пријавата за бомба во училиште во Кавадарци

Ивона Петрова — Mon, 12 Dec 2022 12:18:47 +0000

Лажна била пријавата за поставена експлозивна направа во основно училиште во Кавадарци, информираше попладнево портпаролот на СВР Велес, Ристе Самарџиев. – Направени се сите потребни проверки во врска со денешната пријава од училиште во Кавадарци, дека на електронската адреса на училиштето, била испратена закана за поставена експлозивна направа. Утврдено е дека станува збор за лажна пријава. Веднаш по добиената пријава, од полициски службеници се преземени мерки за безбедно евакуирање на училиштето и по извршени проверки, утврдено е дека станува збор за лажна пријава, појасни Самарџиев. За потсетување, минатата седмица имаше лажни дојави за бомби во шест основни и средни училишта во Кавадарци.

МВР утврди: И денешните пријави за поставени бомби се лажни

Ивона Петрова — Wed, 16 Nov 2022 11:38:25 +0000

Лажни биле и денешните пријави за поставени бомби во средни училишта во Скопје. Од МВР информираат дека се направени сите потребни проверки и утврдено е дека станува збор за лажни пријави. -Веднаш по добиените пријави, од полициски службеници се преземени мерки за безбедно евакуирање на училиштата, а потоа се извршени и детални проверки од тимови за антитерористички проверки и утврдено е дека станува збор за лажни пријави, информира МВР. Како што претходно потврдија од МВР, денеска закана за поставена експлозивна направа добиле седум училишта на територија на Скопје преку порака на електронската адреса.

Инаку ова е осма дојава за бомби, а првата се случи истиот ден кога во посета на земјава беше претседателката на Европската комисија, Урсула фон дер Лејен.

Жител на ресенско пријавил дека во неговиот двор била фрлена екплозивна направа, направена е материјална штета

Магдалена Андонова — Mon, 07 Mar 2022 15:07:09 +0000

На 06.03.2022 во 23.20 часот во Полициската станица Ресен, Е.Ш. од с.Царев Двор, ресенско, пријавил дека во неговиот двор била фрлена експлозивна направа, при што биле оштетени прозорците и вратата од куќата. Повредени лица нема, а увид бил извршен од екипа на СВР Битола. Се преземаат мерки за расчистување на случајот.

Експлозивна направа од Втората светска војна пронајдена кај патот Делчево – Штип

Ивона Петрова — Thu, 12 Aug 2021 10:19:14 +0000

На 11.08.2021 околу 11.30 часот во СВР Штип било пријавено дека во близина на патот Делчево - Штип, на место викано „Маџирски ниви", при изведување на градежни работи, Ј.И.(56) од с.Грдовци, кочанско, пронашол експлозивна направа од Втората светска војна. Експлозивната направа била подигната од вработен во Дирекцијата за заштита и спасување за понатамошна постапка.

Кумановец пронајде експлозивна направа во својата викендица- полицијата експресно реагираше

Дарко Андоновски — Fri, 28 Aug 2020 13:26:38 +0000

На 27.08.2020 во 10,00 часот во СВР-Куманово, А.Е. од Куманово, пријавил дека во неговата викендица која се наоѓала на место викано „Менкова Колиба“ забележал експлозивна направа. Од страна на полициски службеници од СВР-Куманово и пиротехничар било излезено на местото, при што било констатирано дека се работи за рачен ракетен фрлач најверојатно од 2001 година и истиот бил безбедно подигнат за понатамошна постапка.

Бомба кашикара пронајдена во двор во Хиподром

Ивана Ефремовски — Tue, 23 Jun 2020 08:23:57 +0000

На 22.06.2020 во 16:30 часот во СВР Скопје, Р.Ј. од Скопје пријавил дека во сопствениот двор во населба Хиподром при извршување градежни работи во шахта пронашол експлозивна направа. Полициски службеници од Полициска станица Гази Баба излегле на местото на настанот и констатирале дека се работи за неактивирана рачна бомба М-75(кашикара). Увид на местото на настанот извршила екипа од СВР Скопје. Експлозивната направа е подигната од местото на настанот од Единицата за aнтитероризам при МВР за понатамошна постапка.

Експлозивна направа од Првата Светска војна и стара боева муниција пронајдени во Штип

Ивана Ефремовски — Mon, 22 Jun 2020 08:26:30 +0000

На 21.06.2020 во 13:40 часот во СВР Штип, З.Ѓ.(56) од Штип пријавил дека при рушење на стар објект на ул.„Христо Ботев“ во Штип пронашол неактивирана експлозивна направа од Првата Светска војна и стара боева муниција со различен калибар од турско производство. Од стручно лице од Дирекцијата за заштита и спасување-Штип пронајдената експлозивна направа и муниција се подигнати за понатамошна постапка.

ВИДЕО: Фрлена експлозивна направа на семејната продавница на Мисајловски во Ѓорче

Ивона Петрова — Sun, 21 Jun 2020 07:47:19 +0000

Околу 3 часот наутро во малата продавница на главната улица во Ѓорче Петров која што моето семејство ја работи со децении, фрлена е експлозивна направа и причинета е материјална штета, напиша на фејсбук потпретседателот на ВМРО-ДПМНЕ и носител на листата во Изборната единица 2, Владо Мисајловски. Од власта велат "можеме" , дека сме на "прав пат", и дека било " нормално", но на терен се е поинаку. Околу 3 часот наутро во малата продавница на главната улица во Ѓорче Петров која што моето семејство ја работи со децении, фрлена е експлозивна направа и причинета е материјална штета. Фала му на Бога нема човечки жртви ниту некој е повреден. На свовиден начин се продолжува пироманската традиција откако претходно во текот на изборите 2017та година имаше пожар во мојот дом. Нема да навлегувам што и како, кој е и каква е нарачката. Пораката која ја праќаат до мене пред стартот на кампањата сама си се испишува, ама одговорот е дека нема да ме поколебате, ниту исплашите! Нема потреба од нервоза, промените се незапирливи. Македонија е мојот дом, и јас од него не се откажувам и огромен мотив плус да се сменат работите. И да на крај ќе додадам, Македонија ќе победи, напиша Мисајловски.

Ловџија повреден од експлозивна направа

Ивона Петрова — Mon, 02 Dec 2019 09:45:33 +0000

С.Б.(65) од с.Обршани вчера бил донесен во повреди во Градската општа болница Прилеп. Од болницата случајот го пријавиле во полиција. -Според пријавеното од страна на Ж.П. од с.Обршани и Д.Ш. од Прилеп, околу 12.00 часот, додека биле на лов покрај брегот на Црна Река, С.Б. бил повреден од експлозивна направа, информираат од МВР. Се преземаат мерки за расчистување на случајот.