експлозивни направи – Kurir.mk

Американска помош од 89 милиони долари за деминирање на експлозивни направи во Украина

Тале Кристо — Tue, 09 Aug 2022 19:40:53 +0000

САД доделија 89 милиони долари итна хуманитарна помош за Украина за справување со предизвиците од експлозивните направи на нејзина територија „создадени од бруталната војна на агресија на Русија“, соопштија денеска од Стејт департментот. – Руската неиспровоцирана и незаконска инвазија на Украина контаминира огромни делови од земјата со мини, неексплодирана муниција и импровзиирани експлозивни направи. Гротескната употреба на имровизирани експлозивни направи од страна на руски актери може да се спореди само сличните акти на Исламската држава во Сирија, се наведува во соопштението. Исто така се додава дека експлозивниот материјал блокира пристап до фармите, ги одолговлекува напорите за реконструкција и не им дозволува на раселените лица да се вратат во своите домови. Владата на Украина оценува дека отприлика 160.000 квадратни километри територија може да е контаминирана со вакви експлозивни направи. Парита од американската Влада ќе помогнат во ангажман на 100 тимови за деминирање и за помош и тренинг на украински проекти за деминирање и уништување на експлозивна муниција.

Ресенчанец испратил смс-пораки со лажна дојава за експлозивни средства во Охрид

Магдалена Андонова — Thu, 22 Jul 2021 09:07:51 +0000

Поради постоење основи на сомнение за сторени кривични дела „загрозување на сигурноста“ и „лажно пријавување на кривично дело“, СВР Охрид поднесе кривична пријава против З.И.(46) од селото Горно Крушје, ресенско. Пријавениот, во два наврата во текот на јули, преку мобилен телефон, испратил повеќе смс-пораки со лажна дојава дека биле поставени експлозивни средства на повеќе локации во Охрид. На З.И. од надлежен судија му е одредена мерка притвор.

На Криволак ќе уништуваат пронајдени експлозивни направи

Ивона Петрова — Thu, 19 Apr 2018 05:53:36 +0000

Дирекцијата за заштита и спасување денеска ќе спроведе акција за уништување неексплодирани убојни и други експлозивни средства пронајдени и отстранети од страна на пиротехничарите на Дирекцијата. Уништувањето ќе се изврши на армискиот полигон Криволак.

Две бомби експлодирале во шопнг центар- терористички напад во Флорида?

Катерина Бојаџиева — Mon, 22 Jan 2018 12:13:41 +0000

Две импровизирани експлозивни направи биле детонирани во трговскиот центар во Лејк Велс во Флорида, јавува „Еј-би-си њуз“. За среќа, никој не е повреден. Трговскиот центар бил итно евакуиран по екплозијата, а засега не е познато дали се работи за обид за терористички напад или станува збор за нешто друго. Пожарникарите и полицијата први пристигнале на местото на настанот. Било утврдено дека експлодирале две импровизирани бомби, а потоа тим за експлозиви пронашол и ранец кој содржел пет или шест други бомби кои не биле детонирани. Полицијата трага по можен извршител кој од неколку сведоци бил опишан како „средовечен белец со крупна градба, во сива маица и со сива капа”.