Утре минирање за изградба на експресниот пат А2 делница Длабочица – Чатал, сообраќајот ќе биде во прекин

Тале Кристо — Tue, 14 Feb 2023 11:19:36 +0000

АМСМ соопшти дека утре од 13:00 - 16:00 часот ќе се врши минирање за изградба на експресниот пат А2 делница Длабочица – Чатал поради што сообраќајот ќе биде во прекин во одреден дел од наведениот период. Според АМСМ, сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е умерен, а на граничните премини од македонска страна нема подолги задржувања за влез и излез од државата. Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово - Велес, Маврово - Дебар - Струга, Виница - Берово и Кочани - Делчево.

Ковачки: ВМРО-ДПМНЕ кога ќе дојде на власт ќе го направи експресниот пат Кочани-Делчево

Катерина Бојаџиева — Tue, 07 Dec 2021 11:05:26 +0000

Во Собранието на Република Македонија од страна на пратеничката група на ВМРО-ДПМНЕ на неодамнешната комисиска расправа за Буџетот на Владата за наредната 2022 година беше поднесен амандман за обезбедување на финансиски сретства за изградба на експресниот пат Кочани-Делчево преку село Бигла. Овој амандман беше одбиен од страна на пратениците на СДСМ и останатите пратеници од мнозинството со што и понатаму ќе се пролонгираат маките и опасностите на жителите кои што секојденвно патуваат на овој патен правец А3 каде секојдневно се присутно големи одрони. Ова прашање беше тема на неодамнешното гостување на Членот на Извршниот Комитет и пратеник на ВМРО-ДПМНЕ Драган Ковачки во централното издание на вестите на ТВ СИТЕЛ каде соопшти дека кога ВМРО-ДПМНЕ ќе дојде на власт овој патен правец ќе го изгради. -СДСМ односно мнозинството кое што се уште го немаат демонстрирано во собранието одби амандман со кој што требаше од обиколницата на Кочани да има експресен пат до Делчево преку превзлец Истибања, преку реката Брегалница, село Бигла да излезе на село Очипала и практично да го скратиме времето на патување од Скопје до крајниот исток на државата и понатаму кон Република Бугарија. Знаете Делчево и општините на крајниот исток поблиску им е и подобар пат имаат до Софија отколку до главниот град Скопје. Тој пат не значи добро не само за овие над 100 илјади луѓе кои што живеат во тој крај туку ќе значеше добро и за луѓето кои што патуваат кон Република Бугарија, ќе имаше подобра врска со Бугарија. Тоа е дел од коридорот 8А кој што ние би требало да го развизаме. Што се однесува до странските инвестиции исто така и домашните инвестиции можеме да го разгледуваме и од тој аспект. Значи да не ни заминуваат младите, да има можност за пат до тие населени места. Во најмегаломанскиот Буџет што досега го има Република Македонија да не се најдат сретства за витален интерес на граѓаните, малку ми е чудно, затоа имајки во предвид дека станува збор за нов пат и имајки во предвид состојбата на стариот пат кој што цело време е под свлечишта и одрони… тоа го знаат најдобро граѓаните од тој крај што патуваат така и безбедноста на самите граѓани е нарушена, малку сум изненаден зошто се одби тој предлог. Јас кажувам дека ние кога ќе дојдеме на власт ние тој пат ќе го направиме, соопшти Драган Ковачки во своето гостување во централниот дневник на ТВ СИТЕЛ, пред неколку денови. Извор: Брегалнички.мк

експресен пат – Kurir.mk

Утре минирање за изградба на експресниот пат А2 делница Длабочица – Чатал, сообраќајот ќе биде во прекин

Ковачки: ВМРО-ДПМНЕ кога ќе дојде на власт ќе го направи експресниот пат Кочани-Делчево