Лашкоска: Владата со експропријацијата ќе направи голем грабеж

Ивана Ефремовски — Tue, 23 May 2023 13:25:50 +0000

Невидено, несфатливо и неприфатливо измени на закон за експропријација да бидат со европско знаме. Не се работи за закон со европски вредности, туку тоа е процес што секоја земја го спроведува според свои правила, рече пратеничката од ВМРО-ДПМНЕ, Ане Лашкоска на денешната собраниска дебата за законите кои се однесуваат на реализација на договорот за коридорите 8 и 10д. Се прават погрешни работи, посочи Лашкоска. „Ги ставате општините на страна во овој процес, вас ќе ви требаат податоци токму од нив, и тие се клучни како ќе го спроведувате без податоци процесот за експропријација“, рече Лашкоска. Според неа сите работи Владата ги прави без никаква анализа. „Без разлика што ќе ги гласате проблемите ги има и допрва ќе ги има. Сега на непочнато се плаќаат пенали, а ќе се плаќаат дополнително“, вели Лашкоска. Лашкоска укажа дека со овој процес се планира само еден голем грабеж. „Има низа на неодговорени прашања што говори за работа без план, но со многу криминал. Од каде ќе обезбедите средства за експропријација, со Буџетот средства не се обезбедени, дали направивте пренамена на средства или дополнително ќе ја задолжувате државата, поточно граѓаните ќе ги враќаат парите“, посочи Лашкоска.

Сопствениците на земјиштата во Блаце на протест за експропријацијата

Ивана Ефремовски — Sat, 29 Feb 2020 14:24:08 +0000

Сопствениците на земјиштата во селото Блаце што треба да бидат експроприрани не се согласуваат со цените што им ги понуди државата. Тие протестираа и рекоа дека нема да ја продадат својата земја за 200 денари за метар квадратен. Според нив, Валдет Џафери, директорот на Бирото за правно вештачење и вицепремиерот Бујар Османи на последната средба, им ветиле дека цената на земјиштето ќе биде од 10 до 50 евра за метар квадратен, објави ТВ21. Жителите рекоа дека со цените кои сега им биле понудени од 4,5 до 8 евра биле понижени и исмејувани. Инаку, тие рекоа дека не се против изградбата на автопатот Скопје - Блаце, но нема да им го дадат земјиште по цена под 10 евра. Сопствениците предупредија дека ќе го блокираат патот ако не најдат заеднички јазик со надлежните институции. Извор: ТВ21

експропријација – Kurir.mk

Лашкоска: Владата со експропријацијата ќе направи голем грабеж

Сопствениците на земјиштата во Блаце на протест за експропријацијата