екстази – Kurir.mk

Приведен дилер во Свети Николе: Пронајдени екстази, марихуана…

Ивана Ефремовски — Thu, 12 Oct 2023 08:15:52 +0000

На 11.10.2023 во 14.10 часот на ул.„Младинска“ во Свети Николе, полициски службеници од Надворешната канцеларија за криминалистички работи Свети Николе го лишиле од слобода Б.М.(18) од Свети Николе. Тој бил затекнат при продажба на марихуана на лице од Свети Николе. Подоцна, при претрес во неговиот дом, извршен со судска наредба, биле пронајдени и одземени марихуана, повеќе таблети екстази и пари. Лицето било задржано во полициска станица и за настанот бил известен јавен обвинител. По целосно документирање на случајот против него ќе биде поднесена соодветна пријава.

Кај нив најдени таблети екстази, приведени тројца скопјани

Ивана Ефремовски — Sun, 28 May 2023 12:08:46 +0000

На 27.05.2023 во 22:30 часот во Велес во близина на река Бабуна од полициски службеници од Одделението за недозволена трговија при СВР Велес биле лишени од слобода Ф.М.(27), Ј.Н.(34) и С.Н.(25) сите од Скопје кои биле со патничко возило затоа што во возилото биле пронајдени таблети екстази. По целосно документирање на случајот ќе следи соодветен поднесок.

На Табановце запленети 12 килограми екстази во вредност од 200 илјади евра, требало да завршат во земјава

Магдалена Андонова — Sat, 26 Nov 2022 11:51:40 +0000

Инспектори од мобилните тимови на Царинската управа запленија 26 илјади таблети екстази со вкупна тежина од околу 12 килограми, 84 грама кокаин и 31 грам марихуана, со проценета вредност од 200 илјади евра, кои требало да бидат дистрибуирани во земјава. Направени се и дополнителни претреси на неколку локации и до Основното јавно обвинителство е поднесена кривична пријава против три лица. Имено, како што соопшти денеска Царинската управа, наркотичната дрога е пронајдена на ден 25.11.2022 во раните утрински часови на влез на граничниот премин Табановце, по извршена царинска контрола со мобилен скенер на патничко возило со странски регистарски таблички управувано од македонски државјанин. Истиот ден по издадени наредби за претрес на дом и други простории од страна на инспекторите од Секторот за контрола и истраги од Царинската управа, во соработка со полициски службеници од СВР Скопје и МВР-ОКП-единици за недозволена трговија со дрога, извршени се претреси на неколку адреси во Скопје и Тетово. Притоа се пронајдени дополнителни докази и се приведени уште две лица. Царинската управа – Секторот за контрола и истраги денеска до Основно јавно обвинителство за гонење организиран криминал и корупција поднесе кривична пријава против три лица за сторено дело „Неовластено производство и пуштање во промет на наркотични дроги, прихотропни суптанци и прекурсори“ и за истите е предложена мерка притвор од 30 дена.

Претрес во Тетово, пронајдени кокаин и екстази

Ивана Ефремовски — Thu, 08 Jul 2021 08:32:40 +0000

Полициски службеници на СВР Тетово вчера (07.07.2021) од 14 часот и 30 минути до 16 часот, со судска наредба, извршиле претрес во домот на Н.А.(32) во тетовско Доброште, каде биле пронајдени кокаин, дигитална вага и МДМА (екстази). Н.А., кој претходно бил лишен од слобода и задржан во Полициската станица Тетово, со соодветен поднесок е изведен пред судија во претходна постапка на Основниот суд Тетово, кој му определил мерка притвор од 30 дена. Н.А. се сомничи дека сторил кривично дело „неовластено производство и пуштање во промет на наркотични дроги, психотропни супстанци и прекурсори“, казниво по член 215 од Кривичниот законик и вчеравечер (7 јули) тој е спроведен во Казнено-поправната установа Затвор „Скопје“ во Скопје за издржување на притворот.

Полицијата заплени околу 2,2 килограми хероин во Арачиново и околу 2.000 таблети екстази

Тале Кристо — Sat, 25 Apr 2020 19:40:22 +0000

Полициски службеници од Бирото за јавна безбедност- СВР Скопје денеска по претходно издадена судска наредба, извршија претрес во куќа во која престојува Д.Д. (30) при што се пронајдени 33 полиетиленски кеси во кои имало хероин и две дигитални ваги. Според првичната проценка запленети се околу 2,2 килограми хероин, но точната количина ќе биде позната по извршената анализа и мерење, по што ќе биде поднесена и соодветна пријава до јавното обвинителство, соопшти МВР. Во друг случај, денеска околу 10 часот во село Трубарево-скопско, полициски службеници забележале возило „пасат“ со скопски регистерски таблици и две лица, кои влегле во возилото и се дале во бегство кон рампа Хиподром, при што удриле во вагон од воз кој сообраќал по железничката пруга. Лицето кое било на совозачкото место се дало во бегство, а возачот додека излегувал од возилото фрлил една кеса и едно пакување со 112 таблети екстази, една кеса со 1.000 таблети екстази и една кеса со 750 таблети екстази, 80 грама амфетамин и пет грама сива кристална материја. По извршеното легитимирање, констатирано е дека лицето е Х.М. (43) од Скопје, а по извршен преглед на возилото пронајдени се и 800 грама марихуана и една дигитална вага. По документирање на случајот ќе биде поднесена соодветна пријава.

Кривична пријава за скопјанец осомничен за шверц со екстази

Катерина Бојаџиева — Wed, 04 Mar 2020 14:39:38 +0000

Надворешната канцеларија за криминалистички работи Гостивар поднесе кривична пријава против М.Д. (27) од Скопје осомничен за сторено кривично дело „неовластено производство и пуштање во промет на наркотични дроги, психотропни супстанци и прекурсори“. На 01.03.2020 на магистралниот пат Кичево–Гостивар, кај крстосница „Стакларска“ во Гостивар, соопштија денеска од МВР, полициски службеници запреле патничко возило „хјундаи“, управувано од пријавениот, а при претрес во возилото и личен преглед на пријавениот биле пронајдени таблети екстази и 800 грама кристална материја. По преземени мерки било утврдено дека М.Д. во февруари 2020 ги набавил со намера да ги препродаде на уживатели на дрога од подрачјето на Скопје и Охрид.

Нарачале фустани на интернет, а добиле екстази чијашто вредност е 500.000 евра

Дарко Андоновски — Tue, 24 Sep 2019 07:19:50 +0000

Австриска двојка доби 24.000 таблети екстази, иако на интернет нарачале два фустана, соопшти полицијата во градот Линц. Вистинската вредност на „пратката“ е 500.000 евра. На парот од Линц им стигнале два пакета од Холандија. Во едниот имало облека којашто ја чекале, но другиот бил невообичаено потежок. Кога сопругата ја отворила пратката, внатре имало проѕирни вреќички со обоен материјал за кој првин мислела дека се украсни каменчиња. Но, сѐ тоа било сомнително, па го вратиле тој пакет во поштата, од каде што пак, повикале полиција. Истражителите потоа откриле дека се работи за дрога, што наместо во Шкотска, по грешка била испратена во Австрија. Шкотската полиција го откриле нарачателот и го уапсиле, а по испраќачот од Холандија, сѐ уште се трага.

Драма на екскурзија: Ученички од Скопје зеле екстази, завршиле на Токсикологија

Катерина Бојаџиева — Thu, 30 May 2019 14:00:45 +0000

Од Клиниката за токсикологија вчера во 12.28 часот во СВР Скопје било пријавено дека кај нив биле донесени две четиринаесетгодишни ученички од основното училиште од Скопје. По преземени мерки било утврдено дека истиот ден околу 11 часот во скопското село Дељадровци за време на училишна екскурзија двете ученички се однесувале агресивно и почнале да губат свест, по што била повикана Итна медицинска помош. Тие изјавиле дека консумирале таблети, најверојатно екстази, кои ги криеле во облеката. Се преземаат мерки за целосно расчистување на случајот.

Професор ги терал студентите да прават екстази: Му се закануваат 10 години затвор, а еве како се бранел тој

Катерина Бојаџиева — Wed, 17 Apr 2019 11:26:56 +0000

На јапонски професор му се закануваат 10 години затвор оти ги терал студентите да произведуваат екстази, слично како во хит-серијата „На лош пат“ (Breaking Bad). Надлежните се сомневаат дека 61-годишниот професор по фармакологија при Универзитетот во Мацујама, во западна Јапонија, во 2013 година им дал задача на младите студенти да направат МДМА, супстанца позната како екстази, како и друга синтетичка дрога – 5Ф-Кјупик, минатата година. Професорот се бранел дека целта му била „да го прошири знаењето“ на своите студенти. Произведените екстази никогаш не биле откриени, па веројатно и не биле наменети за продажба и употреба, туку само за наставна демонстрација. Според јапонските закони, истражувачите треба да имаат посебна дозвола за производство на наркотици за академски цели.

Кај двајца мажи од Гевгелија пронајдени екстази и кокаин

Ивана Ефремовски — Thu, 07 Mar 2019 09:31:06 +0000

На 06.03.2019 во 19:30 часот во Полициска станица Гевгелија од слобода биле лишени и здржани В.М.(34) и Ј.Р.(39), двајцата од Гевгелија. При преглед на В.М. полициски службеници пронашле и одзеле таблети екстази и кокаин. Додека, кај Ј.Р., при прегледот бил пронајден и одземен кокаин. По целосно документирање на случајот против нив ќе бидт поднесени соодветни пријави.