ел класико – Kurir.mk

Цените на билетите за фудбалското „Ел Класико“ достигнаа и до 2.450 евра

Бошко Тасиќ — Sat, 21 Oct 2023 06:04:23 +0000

На 28 октомври, значи наредната сабота на програмата е најголемиот клупски натпревар во светот меѓу Барселона и Реал Мадрид, тоа е популарниот „Ел Класико“ дуел кој ќе се одигра на стадионот “Монжуик“ ако се знае дека “Камп Ноу“ е во фаза на реконструкција. Па така со оглед на тоа дека овој стадион има капацитет од 49.000 места или двојно помалку од “Камп Ноу“, цените на билетите за овој спектакл и тоа како пораснаа. Најефтините се движат од 294 до 344 евра, а најскапите од 1.875 до 2.450 евра. Ова се официјални цени, а јасно е дека истите ќе бидат драстично поголеми на “црниот пазар“.

ФОТО: Барселона на Ел Класико ќе игра со логото на Ролинг Стоунс!

Ристе Здравков — Thu, 14 Sep 2023 07:26:46 +0000

На следното Ел Класико кое е на програмата на 29. октомври, фудбалерите на Барселона ќе имаат поразлично лого на дресовите. Логото на рок легендите, Ролинг Стоунс ќе се најде на дресовите на Барселона на дуелот со Реал Мадрид. Тоа е дел од договорот со спонзорот Спотифај. Мечот е закажан на 29. октомври, неколку дена по излегувањето на новиот албум на Ролинг Стоунс. Откако потпишаа договор со Спотифај, повремено играчите на Барселона носат дресови со познати музичари, претходно го носеа логото на Дрејк и на Розалија.

Barcelona x Rolling Stones

After collaborations with Drake and Rosalía, the next rumoured collab is with the Rolling Stones.

They are set to feature on the shirt during the el Clásico match at the end of October. pic.twitter.com/EtHWvERjJ1
— Classic Football Shirts (@classicshirts) September 13, 2023

Првото „Ел Класико“ на крајот од октомври, познат распоредот на новата сезона во Примера

Ристе Здравков — Thu, 22 Jun 2023 12:15:12 +0000

Шпанска Примера го објави комплетниот распоред од новата сезона во фудбалската елита, која започнува на 12 август. Во воведното коло бранителот на титулата Барселона ќе му гостува на Хетафе, додека Реал Мадрид има тешко гостување во Баскија кај Атлетик Билбао. Ако нашиот Столе Димитриевски остане меѓу стативите на Рајо Ваљекано неговиот клуб во првото коло ќе се судри со Алмерија. Но, она што сите го очекуваат е датумот на првото „Ел Класико“. Големите ривали Барса и Реал Мадрид во новата сезона првпат ќе се судрат на крајот од октомври во Каталонија, во рамки од 11. коло, додека соочувањето на „Бернабеу“ е закажано за 21 април во 32. коло. Бранител на титулата во Шпанија е Барселона, која по три сезони им го „украде“ трофејот на мадридските ривали. Две сезони шампион беше Реал, а една Атлетико Мадрид.

„Слушам кај шумат шумите“, „Македонско девојче“, „Јовано Јованке“: Македонска музика во Барселона пред „Ел Класико“ (ВИДЕО)

Ристе Здравков — Sun, 19 Mar 2023 19:49:20 +0000

Вечерва на „Камп Ноу“ се игра големото шпанско дерби меѓу Барселона и Реал Мадрид, дуел кој е исклучително важен во борбата за пехарот во Примера. Се очекува вистински фудбалски спектакл во кој на трибините ќе има и македонски навивачи кои споделија дел од атмосферата во градот. Имено Наце Митев е познат како голем спортски фан, човек кој редовно прати, присуствува на голем број на натпревари, па токму тој на социјалните мрежи сподели како пред „Ел Класико“ ечат македонските песни „Слушам кај шумат шумите“, „Македонско девојче“, „Јовано Јованке“ „Ако умрам ил загинам“.

Билетите за „Ел Класико“ се продадени за десет минути!

Бошко Тасиќ — Thu, 09 Mar 2023 05:26:03 +0000

Билетите за претстојното „Ел Класико“ помеѓу Барселона и Реал Мадрид во првенствениот меч од 26.коло во Ла Лига експресно се продадоа за десетина минути, објавија шпанските медиуми. „Камп Ноу“ е комплетно распродаден и Реал Мадрид го чека пекол во пресметката која со триумф на Барса веројатно би значела и шампионска титула, иако сѐ уште има уште многу да се игра до крајот на сезоната. Предност за купување на влезници имаа сите членови на клубот кои практично ги разграбаа влезниците, а според информациите останале само многу малку во слободна продажба, кои веднаш се продале. Од Каталонија доаѓа и информација дека навивачи на Реал Мадрид со дрес на „кралевите“ нема да влезат на стадионот.

Родриго ги „поздрави“ Дрејк и Барселона по триумфот на „Бернабеу“ (ФОТО)

Ристе Здравков — Mon, 17 Oct 2022 08:02:14 +0000

Првото сезонско „Ел Класико“ им припадна на фудбалерите на Реал Мадрид кои пред своите гледачи беа подобри од Барселона со 3-1. Ова беше дуел во кој домаќините успеаа дури трипати да ја затресат мрежата на Тер Штеген што е фантастичен учинок ако се земе во предвид податоток дека Барселона пред овој дуел имаше примено само еден лигашки гол. Еден од погодоците беше дело на Родриго Гоеш кој по победата се огласи на социјалните мрежи со една порака со која му фати пред се сеир на раперот Дрејк. Познато е дека Барселона играше со специјални дресови денеска, дресови посветени токму на Драјк и тоа поради соработката со „Спотифај“. Канаѓанецот одлучи да ја загрее атомсферата пред денешниот ден, па вложи голема сума на пари за триумфи на Барса и Арсенал. Ливчето е недобитно, па Родриго одлучи да се истакне и напише кратка порака „GOD’S PLAN“. Токму таква песна има Дрејк.

Кунде е во комбинација за мечот со Реал Мадрид

Бошко Тасиќ — Sun, 16 Oct 2022 06:18:50 +0000

По осум меча во кои Барселона и Реал Мадрид освоија по 22 бодови, на „Сантијаго Бернабеу“ двата гиганти ќе играат меѓусебе во првото Ел Класико за оваа сезона. Реал ја има предноста на домашен терен, но тренерот на гостите, Чави Ернандес може да биде задоволен затоа што токму пред големиот меч во составот доби одлично засилување. Во екипата на Барселона се враќа Жил Кунде, кој пред почетокот на оваа сезона пристигна на „Камп Ноу“, но речиси еден месец беше повреден. Кунде сега е подготвен, вметнат е во составот на гостите и може дури да го очекуваме меѓу стартерите.

Бензема и Менди неизвесни за Ел класико

Тале Кристо — Tue, 15 Mar 2022 15:24:23 +0000

Фудбалерите на Реал Мадрид, Карим Бензема и Ферланд Менди може да не играат на натпреварот од 29. коло на шампионатот на Шпанија против Барселона. Според „Marca“, утре Бензема ќе биде подложен на магнетна резонанца, но неговото учество на натпреварот е малку веројатно. Французинот заработи повреда на потколеницата на натпреварот од 28. коло на Ла Лига против Мајорка. Се известува дека ситуацијата ќе се расчисти во следните 48 часа. Големото дерби на шпанскиот фудбал ќе се одржи на 20 март во Мадрид со почеток во 21 часот.

Лапорта оптимист пред Ел Класико: Сигурен сум дека Барса ќе победи

Дарко Андоновски — Thu, 21 Oct 2021 12:22:26 +0000

Претседателот на Барселона, Жоан Лапорта, зборуваше за претстојниот натпревар од Ла Лига со Реал Мадрид. – Имам добро чувство. Победивме два меча, играчите закрепнуваат. Фати и Агуеро се вратија, играме пред нашите навивачи. Сакам да ги расположам фановите, бидејќи шоуто ќе биде одлично. Ако го победиме Реал, ќе биде супер, ќе славиме. Оптимист сум и уверен дека ќе победиме, рече Лапорта. Големото дерби на шпанскиот и европскиот фудбал, Барселона – Реал Мадрид е закажано за в недела во 16:15 часот.

Барса значително ослабена за неделното „Ел Класико“

Ристе Здравков — Thu, 21 Oct 2021 06:28:59 +0000

Барселона ќе биде значително ослабена за првото сезонско „Ел Класико“ овој викенд, кога ќе пречека Реал Мадрид на домашен терен. Каталонците немаат добар старт на новата сезона. Сега ќе мора да играат без Педри и Роналд Араухо на мечот против „кралевите“ на Карло Анчелоти. Младиот талентиран офанзивец е повреден и не работи со соиграчите одреден период. Така е случајот и оваа недела, па од Барса најавуваат дека нема да се случи чудо до крајот на викендот. Централниот дефанзивец, пак, би требало да се врати во тимот наредната недела. Тоа значи дека и одбраната на Роналд Куман нема да биде комплетна за големото дерби. Дуелот меѓу Барселона и Реал Мадрид се игра в недела со почеток од 16:15 часот.