ел салвадор – Kurir.mk

Ел Салвадор: Најмалку 153 лица, уапсени под специјални овластувања, починале во затворите

Дарко Андоновски — Tue, 30 May 2023 13:16:27 +0000

Најмалку 153 лица, затворени откако Ел Салвадор воведе вонредни овластувања во март 2022 година за да се спротивстави на моќните улични банди во земјата, починале во државен притвор, се вели во извештајот објавен од групата за човекови права Кристосал. Ниту еден од починатите не бил осуден за делото за кое бил обвинет во моментот на апсењето. Меѓу жртвите имало и четири жени. Смртните случаи се резултат на тортура и систематски и тешки повреди, се наведува во извештајот. Речиси половина од жртвите доживеале насилна смрт. Меѓу некои смртни случаи, било откриено дека на луѓето намерно не им била пружена потребната медицинска помош, лекови и храна. Некои смртни случаи се предизвикани од неухранетост. Смртните случаи ја откриваат криминалната политика што ја спроведуваат чуварите и затворските службеници. Владата на Ел Салвадор не објави официјален број на смртни случаи меѓу затворениците.

ТРАГЕДИЈА: Во Ел Салвадор во стапмедо загинаа дванаесет навивачи на стадион (ВИДЕО)

Бошко Тасиќ — Sun, 21 May 2023 06:25:07 +0000

Голема трагедија се случи во Ел Салвадор во рамките на нивниот фудбалски шампионат. На мечот од четвртфиналето на плеј офот помеѓи екипите на Алинас и ФАС се случи спампедо на трибините во кое загинаа дванаесет навивачи. Се играше шестанесеттата минути од мечот кога истиот бепе прекинат од страна на навивачите кои влегоа во теренот. Беше јасно дека се случува нешто сериозно затоа огромен дел од нив беа преплашени и во паника. Новинските агенции на повеќе наврати ја менуваа бројката на загинатите која стигна до дванаесет во моментов. Првичните информации се дека оваа трагедија се случија поради пробивање на вратите на стадионот од страна на навивачите и пренатрупаност на трибината. https://twitter.com/i/status/1660111733439049730

Ел Салвадор се тресе: 219 земјотреси за 24 часа

Ивона Петрова — Tue, 17 Jan 2023 07:06:11 +0000

Најмалку 130 станбени згради се оштетени во силната сеизмичка активност во Ел Салвадор, предизвикани се свлечишта, а повеќе луѓе се евакуирани во засолништа, соопштија властите на оваа централноамериканска земја. Како што се наведува во соопштението, од неделата попладне до понеделник наутро се регистрирани 219 земјотреси, а најсилниот бил со јачина од 5,1 степени според Рихтеровата скала, на длабочина од девет километри, во општината Сан Лоренцо. Нема информации за загинати, но потресите оштетија домови и предизвикаа најмалку 20 свлечишта, поради што властите издадоа црвен аларм за градовите во епицентарот на сеизмичката активност.

Ел Салвадор пред банкрот поради воведување на биткоинот како официјална валута

Ристе Здравков — Mon, 30 May 2022 13:35:00 +0000

Сиромашната централноамериканска земја Ел Салвадор е пред банкрот по падот на вредноста на биткоинот. Претседателот на оваа држава Наџиб Букеле, минатата година го запрепасти светот кога објави легислатива со која биткоинот, покрај американскиот долар, станал официјално средство за плаќање. Идејата е спроведена три месеци подоцна, а последиците засега се прилично непријатни. За почеток, иницијативата со која биткоинот требаше да стане општоприфатено платежно средство доживеа вистинско фијаско. Во септември, со претседателски декрет беше лансирана апликацијата Chivo (Дигитален паричник), која резервираше иста количина на биткоин за секој жител, (што е еквивалентно на 30 долари, приближно тридневен просечен приход во Ел Салвадор, но само половина од анкетираните се обиделе да воопшто да ја користат апликацијата. Од најупорните, помалку од половина продолжија да го користат Chivo откако го потрошија подарокот од државата, а најлошо од сè, процентот на странски дознаки со криптовалути позајмени преку дигитални паричници се мери само со едноцифрени. Експериментот со кој биткоинот се користи официјална валута – не успеа и покрај големиот потенцијал, бидејќи Ел Салвадор е многу сиромашна земја во која дознаките од странство се многу важна ставка заедно со скромниот животен стандард на граѓаните. Покрај бројните технички проблеми, една од најважните причини за неуспех се големите флуктуации на цената на биткоинот, што го прави многу несигурно средство за плаќање. Иако законот ги обврзува да прифаќаат плаќања со биткоин, повеќето претприемачи сè уште инсистираат на употребата на долари. Постои и голема недоверба во државните институции, а има забелешка за високо централизираниот систем кој всушност ги издаваше основните принципи на криптовалутите; во земја каде што демократијата не цвета, дел од населението го доживува Чиво прво како средство за контрола во рацете на владејачката гарнитура. А Чиво е само мало парче од една грандиозна визија за развојот на Ел Салвадор, која од разбирливи причини (длабоки корекции) сега е на чекање. Планот беше да се изгради нов град (и фабрика за ископ на биткоини) што ќе се финансира преку специјална емисија на обврзници, иако апсурдната изградба на чуден финансиски инструмент (дел од каматата ќе се плаќа во биткоин) звучеше привлечно само за најлудите криптофанови, но, и тие, поради интензивната корекција, не се многу ентузијасти. Претседателот Букеле досега потрошил стотици милиони долари на акциите на биткоин чија пазарна вредност во неделата рапидно опаѓа. Според некои проценки, загубата надмина 30 милиони долари, што е приближно еднакво на износот на следната каматна стапка на име на претходно пласирани обврзници кои Ел Салвадор мора да ги исплати во текот на јуни. Инвеститорите едноставно се откажаа од целата приказна. ММФ и Светска банка кои условуваат соработка (и нови заеми) со елиминација на биткоинот како законско средство за плаќање. Со јавниот долг кој достигнува 85 отсто од БДП, Ел Салвадор ита кон банкрот, а перформансите на конвенционалните обврзници не оставаат простор за дилеми: скалата на перцепција на ризик (и скептицизмот за можноста за наплата на побарувањата) открива драматично зголемување на приносите во Доспевањето на обврзниците за две и пол години надмина – 50 отсто.

Уапсени над 30.000 членови на криминални банди во Ел Салвадор

Тале Кристо — Mon, 16 May 2022 18:49:26 +0000

Откако претседателот Најиб Букеле во март ја почна „војната“ со криминалните банди кои ја тероризираа земјата, во Ел Салвадор се уапсени над 30.000 нивни членови, соопшти полицијата. Букеле кон крајот на март прогласи вонредна состојба во земјата, по крвавиот викенд во кој 87 лица беа убиени во насилство меѓу бандите. Оттогаш полицијата и армијата почнаа да приведуваат осомничени членови на банди, практикувајќи ги вонредните овластувања кои ја елиминираат потребата од налози за апсење. Малата централно американска држава петкратно ги зголеми казните за членство во бандите. Националната полиција на Твитер соопшти дека „вчера, на 15 мај, биле уапсени 536 терористи, на датумот што го означуваше 50-от ден од почетокот на вонредната состојба“. „Вкупниот број на уапсени лица од почетокот на војната со бандите изнесува 30.506“, додаде полицијата. Бранот притвори е без преседан во оваа земја со население од 6,5 милиони, кое со децении страда од насилниот криминал, предводен од моќните банди, како МС-13 и Барио 18. Според властите, овие банди бројат околу 70.000 членови.

Ел Салвадор оди во стечај, откако стана прва земја со биткоин за национална валута

Ристе Здравков — Sun, 15 May 2022 21:40:11 +0000

Биткоинот и другите криптовалути сè уште не се опоравија од неодамнешниот пад и единствената земја во светот која целосно ги легализира криптовалутите како средство за плаќање - Ел Салвадор, може да банкротира. Минатиот септември, салвадорскиот претседател Најиб Букеле објави дека земјата ќе биде првата што ќе го прифати биткоинот како законско средство за плаќање, заедно со американскиот долар. Ел Салвадор нема национална валута од 2001 година и наместо тоа го користи американскиот долар. Со префрлање на биткоин, тој стана неофицијална национална валута, иако жителите сè уште го претпочитаат американскиот долар во секојдневниот живот. Се проценува дека државата поседува 2.301 биткоини, што е околу 70 милиони долари по тековните цени. Но, по минатомесечните цени тоа би било околу 92 милиони долари, по цените во декември 2021 година околу 115 милиони долари по цените од минатиот ноември, кога биткоинот вредеше најмногу во историјата, до 156 милиони долари. Проблемот е очигледен - цената варира премногу, а нејзиниот остар пад сериозно ја поткопува финансиската стабилност на Ел Салвадор. Претседателот Букеле, сепак, не се откажува, па неодамна на Твитер објави дека Ел Салвадор купил 500 биткоини за 30.744 долари. Оттогаш цената уште повеќе падна (во моментот е околу 28.800 долари), па и после таа трансакција Ел Салвадор засега е во минус. За таа трансакција биле потрошени вкупно 15,37 милиони долари, а тие биткоини сега вредат околу 14,40 милиони долари. Ел Салвадор е единствената земја што го усвои биткоинот како своја официјална валута, еднаква на доларот, и почна да гради национална финансиска инфраструктура околу него. Тоа е воведено на прилично произволен начин, без собраниска расправа, консултации со синдикатите или деловните кругови. Практично диктаторски, но претседателот на Салвадор, Најиб Букеле сака да го нарекуваат „најкул диктатор на светот“. Во март годинава е најавено дека Ел Салвадор ќе издаде т.н вулканска обврзница да собере 1 милијарда долари за да се изгради Биткоин Сити. Тоа треба да биде град во кој биткоинот ќе се „рудари“ и треба да се одржуваат приходите од таа активност. Идејата е градот, и ископувањето биткоин во него, да се напојува со електрична енергија што ќе се добие со користење на геотермална енергија од еден од дваесетина вулкани во Ел Салвадор. Накратко, Букеле планира целосно да ја врзе судбината на целата земја и нејзините 6,5 милиони жители со судбината на биткоинот. Ако неговата цена порасне во следните десет години, сѐ ќе биде во ред. Ако падне, Ел Салвадор ќе банкротира. На почетокот на овој месец, кредитната агенција Мудис го намали рејтингот на Ел Салвадор за две нивоа, на Caa3 со негативни прогнози. Тоа е длабоко во статусот „ѓубре“ и претставува висок кредитен ризик, т.е. висок ризик од банкрот. Во јануари 2023 година, Ел Салвадор треба да собере 800 милиони долари во обврзници, што значи дека државата потоа ќе треба да им ја плати таа сума на инвеститорите. Доколку не го стори тоа, започнува 30-дневен грејс-период во кој се уште може да го плати долгот, по што следува стечај.

Паднале повеќе од 5.000 членови на банда во Салвадор! Уапсени за малку повеќе од една недела

Ристе Здравков — Mon, 04 Apr 2022 11:24:43 +0000

Паднале повеќе од 5.000 членови на банда! Уапсени за малку повеќе од една недела Обвинети се за незаконско поседување на оружје, членство во криминална организација, поседување на дрога и полово насилство. Силите за безбедност уапсиле повеќе од 5.000 членови на банда во Ел Салвадор за нешто повеќе од една недела, рекол денеска претседателот Најиб Букеле, пренесува "Hina".

Hasta esta hora, la @PNCSV y la @FUERZARMADASV han realizado 5,747 arrestos de pandilleros.

Hoy arrestaron al terrorista Noé León López, alias Fantasma, en la col. Guayacán.

Esto en 9 días y únicamente 8 de ellos con RÉGIMEN DE EXCEPCIÓN.

Seguimos…#GuerraContraPandillas pic.twitter.com/hYqFFE45rH
— Nayib Bukele (@nayibbukele) April 4, 2022

Букеле преку Твитер објавил дека за 8 дена се уапсени 5184 членови на банда, па објавил фотографии од уапсените и видеа од оклопни возила. Полицијата претходно објавила дека само во неделата уапсила 100 осомничени. Обвинети се за незаконско поседување на оружје, членство во криминална организација, поседување на дрога и полово насилство, пишува "Jutarnji List".

Algunos de los “angelitos” capturados en las últimas 24 horas.

Seguimos…#GuerraContraPandillas pic.twitter.com/iPOIZtDsrQ
— Nayib Bukele (@nayibbukele) April 3, 2022

Владата во Ел Салвадор неодамна прогласила вонредна состојба поради бранот на насилства поврзан со бандите. Зголемени се и казните за злосторствата кои ги вршат членовите на бандите. Организациите кои се занимаваат со човекови права изразиле загриженост, а Букеле рекол дека невладините организации, активистите во борбата за човекови права и новинарите им се сојузници на бандите. „Стана јасно кои се соработниците на бандите“, гласи твитот кој Букеле го објавил во неделата. Салвадор, држава од 6 милиони жители, има една од најголемите стапки за убиства на светот.

Seguimos…#GuerraContraPandillas pic.twitter.com/MfDQu8mzCr
— Nayib Bukele (@nayibbukele) April 3, 2022

Според податоците на полицијата, во 2019-та година во просек имало по 36 убиства на 100.000 луѓе, што е двојно помалку отколку пред три години. Откако Букеле е на власт на земјата, тој број паднал на 20 убиства на 100.000. Ги отфрлил обвиненијата за постоење на неофицијален пакт меѓу владата и бандите.

Más vehículos blindados de la #Fase3 del #PlanControlTerritorial en camino.

Seguimos…#GuerraContraPandillas pic.twitter.com/RczpWtfAgy
— Nayib Bukele (@nayibbukele) April 3, 2022

Биткоинот официјална валута, оваа држава од септември го воведува како легално средство за плаќање

Ивона Петрова — Sun, 11 Jul 2021 13:15:45 +0000

Ел Салвадор е првата држава во светот која биткоинот го воведува како официјална валута. Од септември криптовалутата биткоин ќе биде легално средство за плаќање во Ел Салвадор. Кон почеток на јуни, парламентот кој е контролиран од претседателот Најиб Букеле го усвои законот по брза постапка. Зошто е донесена оваа одлука не е познато. -Земјата која е заробена во луд монетарен систем оди кон уште полуд систем. Тешко е да се пронајде причина поради која ова добро би се завршило, вели економистот од Харвард, Дани Родрик. Политикологот и експерт за Централна Америка, Кристијан Амбросиус од Слободниот универзитет во Берлин вели дека не знае ниту еден сериозен економист кој мисли дека план на Салвадор е добра идеја. Американскиот долар е официјална валута во Салвадор од почеток на 2001 година. Неговото тогашно воведување е слично како и денешното со биткоинот, опишано како пат кон перспектива. Дваесет години подоцна, Ел Салвадор и натаму е една од најсиромашните земји во светот. -Земјата веќе користи странска валута. Додавањето на друга валута, над која никој нема контрола, но која е многу нестабилна, нема разумна причина со оглед на стабилноста на монетарната политика, вели Амбросиус.

Њујорк Тајмс ја закова Македонија на дното по бројот на вакцинирани лица – од нас подобри се и пропаднати држави како Либан, Ел Салвадор

Тале Кристо — Thu, 06 May 2021 07:25:13 +0000

Престижниот „Њујорк Тајмс“ ја рангираше Македонија на дното по бројот на вакцинирани лица на 100 жители. Она што е интересно во целата ситуација, е фактот што некои пропаднати држави како Либан, Ел Салвадор, Камбоџа и други се подобро рангирани по бројот на вакцинирани лица на 100 жители. Имено, како што објави „Њујорк Тајмс“ во Македонија на 100 жители досега вакцинирани 3 лица, со што не става на самото дното по бројот на вакцинирани лица. За споредба, еден Либан досега на 100 лица вакцинирани се 6,9 лица, Ел Салвадор 14 лица на 100 жители, Камбоџа растргната од војни со 15 лица на 100 жители, Монголија 48, а исто така и Молдавија е подобро рангирана од Македонија и тоа со 5.5 лица по жител. Македонија, според „Њујорк Тајмс“ е на самото дно со само 3 вакцинирани лица на 100 жители, со што уште еднаш се потврдува неспособноста на Владата и на министерот за здравство со справувањето со коронакризата. Инаку, вкупната бројка на КОВИД-дијагностицирани лица во Република Македонија од почетокот на епидемијата изнесува 153.137, бројката на оздравени пациенти е 135.367, на починати е 5.016, а бројот на активни случаи изнесува 12.754.