елбасан – Kurir.mk

ВМРО-ДПМНЕ: Наместо пуштање на далекуводот Битола-Елбасан во употреба, денес од Заев имаме предизборен циркус каде главен збор е „ќе“

Дарко Андоновски — Sun, 29 Aug 2021 10:15:50 +0000

Денешнава објава на настан за поставување камен темелник за изградба на 400 kV далекувод Битола-Елбасан е очајнички обид на власта да прикаже дека нешто работи. Впрочем, пред секои избори Владата на СДСМ организира настани, прави некакви увиди или потпишува разни меморандуми за разбирање или договори за соработка или кусо кажано сее ветер и магла, ова денеска преку соопштение до јавноста го истакнуваат од ВМРО-ДПМНЕ. -Кредитот од ЕБОР обезбеден на крајот од далечната 2015 година во време на ВМРО -ДПМНЕ денес требаше да резултира со пуштање на далекуводот во погон и изградена 400 kV трафостаница во Охрид, со што ќе беше завршен коридорот Исток-Запад од енергетски аспект, ќе беа подобрени напонските прилики во југозападниот регион на државата, ќе се зголемеше сигурноста и доверливоста на системот и ќе се овозможеше зголемен транзит на електрична енергија. Наместо тоа, денес имаме предизборен циркус каде главен збор е "ќе" и сликање со кое ќе не занимаваат во предизборниов период преку провладините медиуми. Со проектот се доцни повеќе години што укажува на неспособноста на СДСМ да создава нови вредности за доброто на граѓаните и државата. До изборите ќе гледаме уште многу слични настани, некакви увиди во работењето и слични измислици, но веќе е доцна. Прочитани се и народот нема да подлегне на вакви трикови на овие неработници, велат од партијата. Од таму додаваат дека промените неминовно доаѓаат, а ВМРО-ДПМНЕ има тим кој знае како се гради и создава нова вредност за развој на државата и благодет за сите граѓани. Комисија за енергетика на ВМРО-ДПМНЕ.

Почнува изградбата на 400-киловолтниот далновод Битола – Елбасан

Дарко Андоновски — Sun, 29 Aug 2021 07:20:50 +0000

Со поставување камен темелник денеска во близина на Охрид ќе биде означен почетокот на изградбата на 400 – киловолтниот далновод Битола (Северна Македонија) – Елбасан (Албанија), како дел од Коридорот 8. Како што соопшти владината прес-служба, на почетокот на изградба на овој капитален објект ќе се обрати премиерот Зоран Заев, а обраќања ќе имаат и министрите за транспорт и врски Благој Бочварски, за економија Крешник Бектеши, заменик-министерот за енергија и индустрија на Албанија Илир Бејта, генералниот директор на Електропреносниот систем оператор на Албанија, Скерди Дренова, како и Куштрим Рамадани, генерален директор на АД МЕПСО. На настанот, кој е во организација на АД МЕПСО, предвидени се и обраќања на претставници на Делегација на ЕУ, како и на Европската банка за обнова и развој. Реализацијата на оваа инвестиција во полна функција ќе го ставен електроенергетскиот коридор исток – запад што значи транзит на струја од Бугарија, преку Северна Македонија и Албанија до Италија, посочуваат од Владата.

Се вжештува атмосверата во Албанија: Убиен активист на Социјалистичката партија, претходно беше пукано во штаб на опозициската партија (ВИДЕО)

Тале Кристо — Wed, 21 Apr 2021 14:16:03 +0000

Еден убиен и две лица провредени е исходот од вооружената престрелка која што се случи денеска во албанскиотград Елбасан. Во престрелката животот го загубил Пјерин Џувани активист на Социјалистичкатапартија, а ранети се еден полициски службеник и уште едно лице, кое се уште не е идентификувано. Како што пренесуваат албанските медиуми, причина за вооруженатапрестрелка била купувањето гласови во населеното место „пет“ во Елбасан. Инаку, пред еден ден во Каваја со огнено оружје беше пукано во штаб на Демократската партија на Баша, при што исто така имаше и повредени.

Во Елбасан убиени три лица во автомобил во движење

Ристе Здравков — Sun, 30 Dec 2018 09:29:10 +0000

Во албанскиот град Елбасан, во вооружен напад врз возило во движење убиени се три лица, меѓу нив еден странец. Инцидентот се случил синоќа во 21:15 часот, кога три лица со калашњикови пукале во возилото,со италијански регистарск таблички, во кое се наоѓале жртвите. Се верува дека се било организирано бидејќи убијците го следеле возилото во кое биле убиените. На самото место е убиен државјанин на Турција,кој во Албанија пристигнал во петокот. Другите две лица починале на пат кон градската болница. Тие се Ендрит Алибеај (34) и Арбен Дилѓери (25), кои живееле во странство а во родниот Елбасан биле дојдени за новогодишните празници. Според медиумите станува збор за конфликт меѓу криминални групи кои се занимавале со шверц на дрога. Преку сооштение настанот го потврди и полицијата. Во него уште се наведува дека големи полициски сили на кои им се приклучиле и припадниците на специјалната единица „Ренеа“,се распоредени во поширок периметар во делот од градот каде што се случил инцидентот. Се вршат контроли,како и други активности со цел пронаоѓање на сторителите и расветлување на случајот.