електрични автобуси – Kurir.mk

Стоилковски: СДСМ е против набавка на најмалку 100 нови електрични автобуси, преполовена загаденост на воздухот во Скопје и СДСМ е против фабрика со 500 нови вработувања

Дарко Андоновски — Mon, 07 Mar 2022 12:09:33 +0000

„Ние нема да прашуваме зошто Зоран Заев и во кое својство се фали со минималната плата, иако веќе Зоран Заев не е премиер. Нема да го поставиме тоа прашање затоа што е совршено јасно дека Димитар Ковачевски е пиунот преку кој што Зоран Заев продолжува да ја краде и да ја уништува државата“, истакна портпаролот на ВМРО-ДПМНЕ, Наум Стоилковски на новинарско прашање за став во однос на напаѓањата на СДСМ за најавата за нови автобуси и нови проекти од претседателот на ВМРО-ДПМНЕ и лидерот на опозицијата Христијан Мицкоски. Стоилковски додаде дека претседателот на ВМРО-ДПМНЕ Христијан Мицкоски најавува проекти меѓу кои и за мега набавка на најмалку 100 електрични автобуси, како човек кој што ја доби мнозинската поддршка од народот на последните избори и како лидер на ВМРО-ДПМНЕ кој што држи до зборот и до ветеното. „Ја разбираме нервозата во СДСМ која што целата енергија, кога веќе има целосно отсуство од работа во институциите под нивна контрола, и таа енергија ја насочува кон деструкција и дезинформации“, нагласи Стоилковски. Стоилковски рече дека ВМРО-ДПМНЕ како одговорна партија досега ќе излезеше и ќе го поздравеше проектот со којшто ќе се преполови загаденоста на воздухот во Скопје. Но, жално е што СДСМ е против набавка на најмалку 100 нови електрични автобуси, преполовена загаденост на воздухот во Скопје и СДСМ е против фабрика со 500 нови вработувања. „Тие градеа хациенди дивоградби и местат тендери, ВМРО-ДПМНЕ прави промена и создава иднина. Нека продолжат да напаѓаат, ВМРО-ДПМНЕ ќе продолжи да работи“, појасни Стоилковски.

Трајановски: Единствено решение за Скопје се електрични автобуси

Катерина Бојаџиева — Tue, 27 Apr 2021 17:55:47 +0000

Според мене решението е, вие знаете дека јас добив кога бев градоначалник 2016-тата година втора награда во Европа за мобилност. Значи nна второ место бевме Лисабон и ние. Тоа значи за автобуски превоз, велосипедскиот превоз, електричните возила кои што беа, електичните возила за „Комунална хигиена“ и сл. Значи ја оцени како исправна нашата, и во наредната програма јас ставив и електрични автобуси, и на Петре Шилегов ја видов програмата и таму пишуваше електрични автобуси, и плус железнички кој што мислам дека му е тотален промашај. Значи решението е електрични автобуси кои што чинат околу половина милион евра еден. И тој со 20 милиони евра, може да набави околу 40 големи електрични автобуси, но треба и да набави и помали бидејчи не секогаш имаме гужва во автобусите, истакна Коце Трајановски, поранешен градоначалник на Скопје и член на ИК на ВМРО-ДПМНЕ во гостување во дневникот на Сител телевизија. Трајановски додаде дека батериите на електричните автобуси траат околу 250 километри, тоа значи дека еден автобус цел ден може да вози и да направи десет тури по градот слободно. „Според мене проектот за БРТ на Шилегов е многу опасно и многу е ризично, и мислам дека ќе создаде огромен револт кај граѓаните“, појасни Трајановски.

Кинеска фирма ќе произведува електронски автобуси во Србија

Предраг Кукиќ — Mon, 24 Sep 2018 12:16:25 +0000

Кинескиот производител на електрични автобуси „Јинлонг“ за два месеца ќе започне да ги користи погоните на „Икарбус“ во Белград, каде што треба да се монтираат електрични автобуси кои ќе се користат во градскиот сообраќаен превоз, јави РТС. Кинезите сакаат автобусите што ќе се произведуваат во „Икарбус“ да бидат европски производ, по потекло од Србија, што, како што наведува РТС, создава голем потенцијал за изградба на нови помали фабрики кои ќе бидат соработници во овој проект. Тие планираат и изградба на фабрика за батерии во Србија. (МИА)