електронски попис – Kurir.mk

„Владата и ДЗС се неспособни да организираат попис, решение е електронски попис“

Дарко Андоновски — Thu, 26 Aug 2021 08:00:36 +0000

Владата и ДЗС се неспособни да организираат попис, решение е електронски попис, ова денеска преку соопштение до јавноста го истакнаа од ВМРО-ДПМНЕ. -Срамно и неодговорно е на една недела пред официјалниот почеток на пописот да не се знае кој ќе биде попишувач. Власта ја води целосно аматерски постапката околу организација на пописот. Прво велеа дека се е завршено, а сега се жалат дека нема попишувачи. Зошто и кога лажат? Дополнително целата ситуација ја влошува 4 бран на КОВИД 19, кој исто така е толку голем поради неспособноста на власта. ВМРО-ДПМНЕ предлага ситуацијата да се реши со електронски попис, без физичко посетување на граѓаните во домовите, со тоа ќе се спречи заразата да се шири, а ќе може точно да утврдиме колку има население во Македонија за да нема манипулации какви што власта сега сака да прави. Така што, решение е електронски попис за да се заштити здравјето на граѓаните и да нема манипулации, велат од партијата. Од таму додаваат дека пописот е важна статистичка операција и не смее да трпи поради аматеризмот на власта. ВМРО-ДПМНЕ нуди решение.

Мицкоски: Наместо да се загрозуваат животите на граѓаните да се спроведе електронски попис, ќе собираме потписи да го спречиме постојниот фалсификат попис

Магдалена Андонова — Tue, 02 Feb 2021 13:49:29 +0000

Христијан Мицкоски, претседател на ВМРО-ДПМНЕ, по денешната изјава од средбата со занаетчиите во Старата Скопска чаршија, одговарајќи на новинарско прашање за пописот нагласи дека ВМРО-ДПМНЕ не се откажува од Иницијативата за собирање на потписи за укинување на законот за попис, укажувајќи дека од почетокот на следниот месец ќе започне собирање на потписи бидејќи како што рече тој таква била законската процедура. Не, напротив, во текот на вчерашниот ден имавме седница на Извршниот комитет на партијата, ја разгледавме процедурата за собирање на потписи и таа започнува со иницијатива од 100 пописи во подрачните единица на Државната изборна комисија. Откако ќе се соберат 100 потписи потоа се доставува до спикерот во собранието кое што понатаму до матична комисија, законодавно - правна комисија ја препраќа таа иницијатива и откако ќе се констатира комплетноста на првичните сто потписи тогаш се известува спикерот во собранието кој што понатаму го известува предлагачот но и претседателот на владата кој што пак понатаму ја доставува во рок од 20 дена иницијативата до подрачните одделенија на Државната изборна комисија и процесот на собирање на потписи започнува, така што во текот на утрешниот ден ќе ја започнеме оваа постапка. Очекуваме формално собирањето на потписи да започне таму некаде почетокот на следниот месец бидејќи такви се законските процедури. Во меѓувреме, Хрватска го одложи пописот соседна Бугарија го одложи пописот, Србија го одложи пописот, Сојузна Република Германија го одложи пописот, Романија бидејќи на нив животите на граѓаните им се мили за разлика од нашата влада животите на граѓаните не им се мили, тие се луѓе кои што се подготвени и врз живи луѓе да газат само да дојдат до својата цел а тоа е како да го пљачкаат сопствениот народ. Ние како ВМРО–ДПМНЕ апелираме и јас како човек како граѓанин во оваа држава апелирам да не го прават тоа затоа што нема ништо поскапоцено од животот на еден човек. Ништо нема да смени ако ние го одложиме пописот за некој месец плус или минус. Немојте да ги загрозувате животите на луѓето а притоа да крадете пари, затоа што доста им е на овој народ од криминалци без разлика дали се тие од СДСМ дали се од ДУИ или од друга политичка партија па дури и од ВМРО-ДПМНЕ. На народот му е преку глава од криминалци во политиката. Затоа нашиот апел е ако веќе насилно сакаат да го протнат овој процес на попис тогаш тој процес нека биде електронски а да не биде ваков со загрозување на здравјето на граѓаните. Нека учат од нашите соседи каде што луѓето политичарите се грижат за животите на луѓето, за разлика од кај нас тие се грижат само за себе, додаде тој. За комбинираниот попис, Мицкоски нагласи дека тоа го слушнал од Зоран Заев додавајќи дека тој се обидувал да презентира некоја кованица која што и на него не му е јасна. Па таква кованица слушам од Зоран Заев изминативе денови, човекот се обидува да презентира некоја кованица која што и на него не му е јасна. Под комбиниран попис претпоставувам мисли дека ќе дојде попишувачот и матичниот број ќе го внесе во системот, па таму ќе се споредува со определени бази на податоци и врз основа на таа споредба ќе се добијат конечните резултати. Но, повторно мора дома некој да ви тропне и физички да присуствува додека вие го читате Вашиот матичен број и останатите параметри кои се Ваши лични податоци. Согласно Уставот, секој од нас граѓаните е должен да го заштити сопственото здравје, но и да го заштити здравјето на околината и ако тоа не го направи тогаш тој практично прави прекршок. За жал повторно ќе кажам, тие дали бил комбиниран или дали бил само теренски, свесно го туркаат народот во едно апокалиптично сценарио. Повторно ќе кажам, поради пандемијата на која што сите наши соседи сериозно и приоѓаат и одложен е пописот во Бугарија, во соседна Србија, во Хрватска, одложен е пописот во Романија, во Сојузна Република Германија и така натаму. Само кај нас овие луѓе одлучија брутално да ги загрозат животите на граѓаните. И затоа ние рековме како последна опција, направете електронски попис, секој граѓанин да може со едноставно приклучување на интернет да биде попишан, а потоа споредувајте според бази на податоци кои што никој во државава не ги знае освен Зоран Заев и можеби оној директно на Државен завод за статистика, потенцираше Мицкоски.

Мицкоски: Ако се фалаат од власта дека имале јаки бази на податоци, ајде нека направат електронски попис

Тале Кристо — Mon, 25 Jan 2021 12:41:28 +0000

Претседателот на најголемата опозициска партија во Македонија, Христијан Мицкоски преку своето гостување во емисијата „Неделен брифинг“ која се емитува на интернет порталот „Инфомакс“, упати предвог до владеачката гарнитура со однос на престојниот попис кој што е закажан за април годинава, истиот да се спроведе по електроснки пат со вкрстување на податоците од базите на податоци, кои што во момеентот Македонија ги има десет. Овој предлог на Мицкоски доаѓа по некулкуте нивни, до сега одбиени предлози од страана на власта, меѓу кои и набавката на терминали за фингерпринт, кои секако ќе треба да се набавуваат за престојните локални избори. -Еве имаме и трета ексклузивна понуда, направете електронски попис. Еве имате, велите, бази на податоци, вкрстете ги, направете електронски попис. Чуму ви се потребни пари да трошите по луѓе, попишувачи кои што ќе дојдат дома, па потоа да имате двоен потпис иако според законот за статистика, им порача на власта Мицкоски. Тој истакна дека добро го прочитал, ново донесениот Закон за попис при што увидел дека актуелниот заменик директор на Заводот за статистика нема никакви ингиренции за да може да има потпис врз резултатите од пописот, истакнуваајќи дека таквиот чин е против Уставен и противзаконски. -Еве јас не сум правник, но читав, заменик директорот во Завод за статистика нема буквално никакви ингиренции, а камо ли двоен потпис. Незаконско е тоа дело, незаконско и неуставно. Тоа е човекот кој што треба да ги контролира процентите кои што однапред некој ги поставил како коалициски договор, и тоа фрла дамака на целиот процес и создава сомнеж кај граѓаните, истакна Мицкоски. И затоа, додава тој, е и револтот и недовербата кај определени граѓани, без разлика ан етничката припадност.