елен деџенерис – Kurir.mk

Трагедија: Се самоуби Твич, беше омилен лик од шоуто на Елен и татко на три деца

Ивана Ефремовски — Thu, 15 Dec 2022 07:20:47 +0000

Почина Стивен Бос, познат како Твич (tWitch). 40-годишниот танчар, кој долги години беше диџеј во шоуто на Елен Деџенерис, се самоуби. Веста за неговата ненадејна смрт ја потврди неговата сопруга Алисон Холкер. „Со тешко срце морам да споделам дека мојот сопруг Стивен нè напушти. Стивен ја развеселуваше секоја соба во која ќе зачекореше. Тој ги ценеше семејството, пријателите и заедницата повеќе од сè и живеењето со љубов и светлина му значеше најмногу. Тој беше ‘рбетот на нашето семејство, најдобриот сопруг и татко и инспирација за неговите фанови… Стивен, те сакаме, ни недостигаш и секогаш ќе го чувам последниот танц за тебе“ – стои во нејзиното соопштение за јавноста. Според информации до кои стигнаа странските медиуми, Твич бил пронајден со прострелна рана во хотелска соба. Твич се прослави како учесник во шоуто „So You Think Can Dance“, а потоа имаше неколку филмски улоги и беше дел од тимот на Елен од 2014 година, па до финалната сезона. Од него се прости и Елен. „Скршена сум. Твич беше чиста љубов и светлина. Го сметав за член на семејството. Ќе ми недостига многу. Ве молиме испратете зборови на поддршка за неговата сопруга Алисон и нивните прекрасни деца Весли, Мадокс и Заи“ – истакна таа.

View this post on Instagram

A post shared by Ellen DeGeneres (@theellenshow)

ВИДЕО: Се одјави на истиот начин како што ја започна првата сезона, Елен Деџенерис не ги задржа солзите по аплаузот од публиката

Ивона Петрова — Fri, 27 May 2022 06:36:36 +0000

„Шоуто на Елен Деџенерис”, кое ги забавуваше Американците уривајќи стереотипи и беше домаќин на најголемите ѕвезди, заврши по 19 сезони и повеќе од 3.000 епизоди. По нејзиниот успех како комичар во 1980-тите, Деџенерис се прослави со серијата „Елен“, во којашто во 1997 година стана првиот лик од ТВ-серија кој ја призна својата хомосексуална ориентација. Прва гостинка во 2003 година беше глумицата Џенифер Анистон, која се појави и во последната епизода како прва гостинка. Најголемите холивудски ѕвезди често гостуваа во ова „ток-шоу“, коешто се здоби со популарност и во поконзервативните делови на Америка. Шоу-ѕвездата вели дека емисијата веќе не ѝ е предизвик. Таа го водеше ток-шоуто 19 години. На почеток од снимањето на последната епизода, по долготрајниот аплауз од присутната публика, Елен не успеа да ги задржи солзите. Таа го одјави шоуто на истиот начин на кој и ја започна првата сезона. Водителката-комичарка вели дека емисијата се прекинува затоа што луѓето ја изживеале, но многумина сметаат дека вистинската причина е „штетната работна атмосфера“ на снимањето, како и обвинувањата за сексуални напади, вознемирување и расизам. И главните продуценти пред извесно време изјавуваа дека средината во којашто се снима е лоша. Елен Деџенерис не беше директно обвинета, но е огорчена што дозволила да се создаде таква работна атмосфера во нејзиниот ТВ-тим.

ПО РЕЧИСИ 2 ДЕЦЕНИИ: Завршува „Шоуто на Елен Деџенерис“, домаќин на најголемите светски ѕвезди

Магдалена Андонова — Thu, 26 May 2022 09:15:39 +0000

„Шоуто на Елен Деџенерис”, кое ги забавуваше Американците уривајќи стереотипи и беше домаќин на најголемите ѕвезди, завршува по речиси две децении, 19 сезони и повеќе од 3.000 епизоди. По нејзиниот успех како комичар во 1980-тите, Деџенерис се прослави со серијата „Елен“, во којашто во 1997 година стана првиот лик од ТВ-серија кој ја призна својата хомосексуална ориентација. Прва гостинка во 2003 година беше глумицата Џенифер Анистон, која ќе се појави и во последната епизода денеска. Најголемите холивудски ѕвезди често гостуваа во ова „ток-шоу“, коешто се здоби со популарност и во поконзервативните делови на Америка. – Таа го отвори патот. Таа веројатно беше, а можеби и сѐ уште е најпознатата ЛГБТ-личност во Америка, изјави Мери Марфи, вонредна професорка по новинарство на Универзитетот на јужна Калифорнија. Шоу-ѕвездата вели дека емисијата веќе не ѝ е предизвик. Таа го водеше ток-шоуто 19 години. – Кога ја почнавме емисијата во 2003 година, социјалните мрежи не постоеја. Истополовите бракови не беа легални… Гледавме како се менува светот – понекогаш на подобро, но понекогаш – не, изјави Деџенерис минатиот месец по снимањето на последната епизода од емисијата. Водителката-комичарка вели дека емисијата се прекинува затоа што луѓето ја изживеале, но многумина сметаат дека вистинската причина е „штетната работна атмосфера“ на снимањето, како и обвинувањата за сексуални напади, вознемирување и расизам. И главните продуценти пред извесно време изјавуваа дека средината во којашто се снима е лоша. Елен Деџенерис не беше директно обвинета, но е огорчена што дозволила да се создаде таква работна атмосфера во нејзиниот ТВ-тим. (МИА)

Елен Деџенерис најави крај: По 19 години завршува нејзиното шоу

Ивона Петрова — Thu, 13 May 2021 09:59:11 +0000

Водителката Елен Деџенерис најави крај на своето долгогодишно шоу. Шоуто ќе заврши во 2022 година по 19 години емитување. -Колку и да е оваа емисија добра и забавна, едноставно повеќе не ми претставува предизвик, изјавил водителката за Холивуд Рипортер. Веста за завршување на популарната емисија доаѓа само неколку месеци откако поранешни вработени во јавноста излегоа со изјави дека емисијата е „токсично место за работа“. По ова три продиценти ја загубија работата, а Деџенерис сезоната ја отвори со извонување. Шоуто се емитува од 2003 година и е една од најпознатите во светот. -Сакав емисијата да ја завршам после 16-тата сезона. Тоа требаше да биде мојата последна сезона, но сакаат да потпишам договор на уште четири години. Јас реков дека ќе потпишам можеби на уште една. Не се согласија на една година, па најдовме компромис на три. Знаев дека тоа ќе биде мојата последна сезона, додава Елен. Водителката ги отфрла тврдењата дека емисијата завршувања поради обвинувањата на поранешните вработени.

Колегите ја открија каква е на работа, а не била сјајна ниту дома: Се распаѓа бракот на Елен

Ивана Ефремовски — Wed, 16 Dec 2020 12:25:55 +0000

Веројатно најпознатиот лезбејски пар во светот, 62-годишната водителка и комичарка Елен Деџенерис и нејзината 47-годишна сопруга, актерката Порша Де Роси наводно веќе подолго време се во лош однос и се на работ на развод.

Американските медиуми пишуваат за тоа од време на време, а магазинот „Нова идеја“ открива дека нивниот „брод брак“ опасно се ниша пред да потоне поради лагите и тајните што Елен ги крие од сопругата и обратно.

Секако, вработените на Елен во шоуто, кои беа психички малтретирани и понижувани на снимањето, придонесоа за нивните проблеми, па затоа водителката јавно им се извини за да избегне откажување на емисијата поради падот на гледаноста што следеше по скандалот.

Стресот влијаеше на нивната врска, но уште поголем проблем меѓу двете се лагите и невистините на кои се склони. Наводно, Елен не и кажала на Порша дека неодамна купила нова куќа, а сопругата таа вистина ја дознала дури подоцна од другите и замерила, откри извор близок до лезбејската двојка.

Американските медиуми пред неколку дена напишаа дека Порша се иселила од нивната куќа поради тоа и дека живеат одвоено, за што сè уште нема официјална потврда.

Елен Деџенерис позитивна на коронавирус

Ивона Петрова — Fri, 11 Dec 2020 07:42:15 +0000

Американската комичарка, глумица и водителка Елен Деџенерис објави дека добила потврда оти е заразена со коронавирус. „Сакам да ве известам сите вас дека сум позитивна на тест за Ковид-19. За среќа, во овој миг се чувствувам добро”, објави таа. Водителката на забавната емисија рече дека сите луѓе со кои била во близок контакт се информирани дека е заразена.

Изгледа дека зад најдобрата водителка Елен навистина се крие лоша жена, погледнете што доживеала Мараја Кери во шоуто (ВИДЕО)

Ивана Ефремовски — Fri, 04 Sep 2020 10:50:24 +0000

Американската пејачка и текстописец Мараја Кери (50) беше честа гостинка во емисијата на познатата водителка Елен Деџенерис (62), која во моментов е на мета на јавна осуда откако нејзините бројни поранешни и сегашни работници открија дека биле злоупотребени и сексуално злоставувани на работа. Имено, Мараја беше гостинка кај Елен во 2008 година, кога се шпекулираше дека е бремена, а Елен тогаш по секоја цена се обидуваше на грд начин да ја натера пејачката да признае дека е бремена. Елен ја праша Мараја дали е вистина дека е бремена, а додека таа само се насмеа, водителката зеде шише шампањ и две чаши во кои истури алкохол. Мараја тогаш рече дека ќе се напие пијалок затоа што смета дека нема алкохол внатре. „Не можам да верувам дека ми го правиш ова, Елен“, рече Мараја во тоа време во емисијата. -Ќе наздравиме дека не си бремена, ако не си бремена – и ’рече Елен, на што пејачката се прашуваше:„ Зошто би наздравила за тоа?“. Мараја тогаш рече дека е рано за алкохол, стави чаша на усните и испи мала голтка, па Елен веднаш рече: „Да, бремена си“. Пејачката сега раскажа како и било во тој момент. -Не бев подготвена да кажам ништо на никого, бидејќи имав спонтан. Не сакам да ја искомплицирам ситуацијата понатаму, но воопшто не уживав во тој момент. Би сакала да покажеше емпатија во тој момент, но што требаше да сторам, рече Мараја за странските медиуми. Пејачката тогаш беше во брак со комичарот Ник Кенон (39) шест месеци, а за време на гостувањето, таа била навистина бремена. Познати личности ги осудија постапките на славната водителка.

Од врвот до дното: Беше омилена ТВ личност, а дознајте како Елен стана најомразена годинава! (ВИДЕО)

Ивана Ефремовски — Wed, 22 Jul 2020 17:17:38 +0000

Таа беше омилен ТВ лик, но годинава скандалите околу нејзиното дрско однесување ја ставаат на црната листа. Елен Деџенерис наводно била ужасна кон своите вработени и многу луѓе доведувала до солзи.

Изненадување за дечињата болни од рак: Колку малку е потребно за нивна среќа! (ВИДЕО)

Ивана Ефремовски — Mon, 24 Feb 2020 17:03:21 +0000

Пи Диди им приреди изненадување на весели гостинчиња во шоуто на Елен Деџенерис. Популарниот рапер ненадејно се појави да израдува осум момчиња и девојчиња кои се борат со рак. Дечињата беа поканети од Елен откако стана хит нивно видео со кое го канеа Диди да танцуваат заедно на песната „Bad Boys for Life”. „Сите ние се бориме со рак и не одиме никаде!“ – вели едно од момчињата, објаснувајќи дека ја избрале таа песна токму поради текстот. Погледнете го видеото:

Светот се смееше цела година на овие работи: Најдобрите моменти од шоуто на Елен (ВИДЕО)

Ивана Ефремовски — Tue, 24 Dec 2019 18:16:28 +0000

Елен објави видео компилација со најдобрите моменти од нејзиното шоу за оваа година. Почнувајќи од јануари, па сè до последната епизода, во видеото се наоѓаат најзборуваните интервјуа, шеги и игри од нејзиното шоу. Моментот кога Викторија Бекам покажа колку е еластична, моментот кога Крис Хемсворт беше исплашен од „стаорец“ и моментот кога Бред Пит си седеше во публиката се само дел од интересните ситуации од 2019-та.