елен камен – Kurir.mk

Локализиран пожарот над Елен Камен

Курир — Sat, 23 Apr 2022 16:22:36 +0000

– Целосно е локализиран пожарот над струшката населба Елен Камен, кој вчера попладне избувна во шумата на патот кон селото Радожда. Повеќе од 24 часа на терен беа екипи на Територијалната против пожарна единица од Струга. – Наши екипи беа на терен, работеа на локализирање на пожарот, а заврна и малку дожд, кој помогна во целосно ликвидирање, изјави за МИА командирот на ТППЕ – Струга, Фети Мазари. Огнените јазици предизвикаа паника кај жителите од викенд населбата Елен Камен, поради проширување кон куќите. Силниот ветер дополнително ја отежнуваше работата на пожарникарите и ги ширеше пламените јазици.

Мазари за пожарот над Елен Камен: Теренот е непристапен, побаравме помош од ДЗС во 13:30, уште никој не е дојден

Ивона Петрова — Fri, 22 Apr 2022 20:17:37 +0000

Не постои опасност од зафаќање на викенд населбата Елен Камен од пламените јазици од пожарот што попладнево ја зафати шумата над патот кон струшкото село Радожда, информира за МИА командирот на територијалната против пожарна единица – Струга Фети Мазари. Според него, викендиците се на два километра оддалеченост, а ветрот дува во спротивен правец и го носи огнот кон планината. – Моментално на терен е екипа со едно возило и двајца пожарникари. Поради непристапноста на теренот не можеме да интервенираме. Побаравме помош од Дирекција за заштита и спасување уште околу 13 часот и 30 минути, кога беше пријавен пожарот, но се уште никој не дојде, изјави Мазари. По пријавувањето на пожарот, на терен излегле две екипи на ТППЕ Струга со шест пожарникари. Пожарот во полиција бил пријавен нешто по 14 часот, а екипи на полицијата се присутни на терен, потврди портпаролот на СВР Охрид Стефан Димоски.

Голем пожар над Елен Камен во Струга, силниот ветер го отежнува гаснењето

Ивона Петрова — Fri, 22 Apr 2022 19:19:01 +0000

Над Елен Камен во Струга, голем пожар избувнал попладнево, над патот за Радожда, пренесува ТВ Сител. Според информации од очевидци на местото на настанот огнот многу бргу се шири поради силниот ветер. Голем е стравот кај локалните жители дека пожарот може да зафати и куќи. Во моментов на терен работат екипи на против пожарната бригада, но како што сведочат очевидците, силниот ветер е голем проблем и веќе зафатил голем предел. Од Центарот за управување со кризи велат дека се интервенира со 2 противпожарни возила и 6 пожарникари и тројца вработени во ШС Јабланица-Струга. -Гори дабова и ниско стеблеста шума. Проблем во гасењето на пожарот прави и ветерот кој дува преку целиот ден. Моментално нема опасност од загрозеност на објекти но поради ветерот екипа на ТППЕ-Струга постојано ќе го контролира опожарениот простор во текот на ноќта, информираат од ЦУК.

Одрон од карпа им се заканува на жителите на Елен Камен и Радожда

Ристе Здравков — Wed, 20 Oct 2021 10:37:04 +0000

Жителите од Елен Камен и Радожда загрижени за безбедноста. Откако одрон од карпа деновиве го блокира патот тие стравуваат бидејќи се уште голем дел е напукнат и претставува опасност од нови одрони а дополнителен проблем е и водоводната цевка која при санирањето пукнала.Тие бараат надлежните да реагираат навреме да недојде до несакани последици. Претседателот на месната заедница Елен Камен Попоски бара да се постави заштитна мрежа на овој патен правец кој особено за време на викендите е доста фреквентен и да се изврши санација на карпата. Инаку ова не е прв пат да има одрони на овој потег во февруари годинава голем одрон од карпа оштети помошни простории во неколку куќи во Радожда за среќа немаше повредени лица.