елена петреска – Kurir.mk

Македонската пејачка 14 дена лежела на Инфективна: Тешко минала низ коронавирусот, но излезе како победник

Ивана Ефремовски — Tue, 12 Jan 2021 10:53:24 +0000

Македонската пејачка Елена Петреска која по две недели поминати во болница е пуштена на домашно лекување одлучи да го сподели своето искуство со коронавирусот. На својот профил на Фејсбук, Елена Петреска јавно се заблагодари за третманот што го добила во изминатите 14 дена на Инфективната клиника. „Конечно дома по 14 дена на Инфективно поради Ковид. Благодарам на Бог што сѐ помина добро! Благодарна сум што ги гушкам моите најмили! Се чувствувам како повторно да сум се родила! Најискрено од срце се заблагодарувам на целиот медицински персонал од Инфективната клиника, тие се моите Херои за кои имам многу да раскажувам, зошто ако ништо друго барем тоа им го должам, да знаат сите што значи нивната посветеност и пожртвуванот во овие тешки времиња. Сакам да ви кажам дека ја видов вистинската слика за тоа што значи оваа пандемија, која во целот ќе ја пренесам деновиве преку видео, во кое ќе раскажам за ова мое искуство со надеж дека ќе допре таму каде што е потребно.“

„Те сакам бидејќи не си совршен“ – Елена Петреска со емотивна порака за годишнината од брак

Ристе Здравков — Mon, 20 Jul 2020 15:50:22 +0000

Пејачката Елена Петреска Толевска и нејзиниот сопруг Андреј Толевски вчера прославиле 8 години од нивниот брак. Тие овој ден го одбележале во познат скопски ресторан, а со нив биле нивните две деца и неколку пријатели. „Видов дека си совршен ит е засакав. Но, тогаш сфатив дека не си совршен, па те засакав уште повеќе. Среќна годишнина љубов“, напиша пејачката под фотографиите што ги објави на Инстаграм.

View this post on Instagram

"I saw that you were perfect, and so I loved you. Then I saw that you were not perfect and I loved you even more." ?? Happy anyversary my Love! #tothemoonandback @andrejatolevski #couplegoals

A post shared by Elena Petreska (@elena__petreska) on Jul 19, 2020 at 10:54am PDT

Петреска својот животен сопатник го запознала за време на професионална соработка, на која се појавила во многу лежерно издание. Инаку, Елена се повлече од естрадата и сега работи во Македонската опера и балет.

Елена Петреска има алтернатива за летен одмор: Наместо на плажа пејачката се сончаше во двор (фото)

Ристе Здравков — Wed, 17 Jun 2020 12:36:13 +0000

Поради пандемијата со коронавирусот кој во Македонија се уште е присутен и бројките на заболени на дневно ниво изнесуваат на 100, условите за летни одмори оваа година ќе бидат многу поразлични од претходно. Знак прашање е дали ќе може да одиме на одмор надвор од Македонија, а доколку заминаме било каде мора да ги почитуваме основните мерки за заштита, пред се два метри одалеченост. И додека се трае пандемијата некои од македонските јавни личности ја отворија летната сезона. Така, Лила Филиповска уште за време на вонредната состојба го напушти Скопје, па неколку дена уживаше во Охрид. Македонската пејачка Елена Петреска неодамна направи мала промена на себе односно на својата коса додаде екстензии во карамел нијанса.

Меѓутоа, освен што направи промена на косата, Петреска деновиве најде алтернативно решение да се сонча и да прима витамин Д. Така наместо на плажа, таа се испружи во својот двор. Дали пејачката била облечена во бикини или некоја пократка летна облека остана мистерија, но не останаа мистерија нејзините долги голи нозе кои ги испружи во зеленилото во дворот.

Веруваме, дека се наполнила со енергија, па вака или така се одморила, а можеби и фатила малку боја.

Елена Петреска се повлекува од естрадата

Ивона Петрова — Fri, 28 Feb 2020 10:22:22 +0000

Пејачката Елена Петреска во интервју за точка.ком.мк потврди дека се повелекува од естрада и дека ќе се посвети на класичната музика. Таа вели дека потрошила многу енергија на погрешна врата. -Сум правела од ништо – нешто. Сум си правела фустани од марами за на фестивал, сум фарбала сандали со аутолак, сум победила на фестивал, а притоа сум немала пари за автобус да се вратам во Скопје, сум пеела и правела најдобри забави, сум се трошела до максимум, целата енергија ја оставав на публиката, на моите настапи со бенд. Сум прифатила и лоши песни кои ни сама не сум сакала да ги слушнам, но и многу добри кои за жал никој не пројавил желба да ги пушта. Искрено, (секоја чест на исклучоците), на новинарите очигледно им бев интересна за интервјуа во врска со мојот живот, а кога се работеше за мојата музика сите ми вртеа грб, тоа се потврди и со мојот последен настап на Макфест. Немав среќа да имам добар менаџер, а сама за себе не знев да бидам. Јас сум уметник, и фала Богу што барем на моите настапи имав можност да бирам како ќе се изразам себеси, без да морам да прифатам било каква песна зошто сум немала спонзори за да платам поубава. Затоа, веќе немам ниту мотив, ниту желба. И не се лутам на никого, едноставно тоа биле знаци кои одамна требаше да ги прифатам, а не упорно како што кажав да тропам на погрешна врата. Горда сум на мојата одлука. Уште погорда што секојдневно се повеќе сум инволвирана во класичната музика каде што уживам и искрено немам потреба никому да се допаднам, едноставно се препуштам на енергијата и магијата која ја носи во себе операта“ вели пејачката. На прашањето дали има простор во иднина да сними повторно некоја поп песна, пејачката вели: Немам причина зошто да оставам простор. Може ќе си снимам понекогаш по некој кавер по дома, онака кога ќе ми се припее. Но дефинитивно веке нема да снимам песни. И секако веќе нема да се повторувам со приказната за моето повлекување од естрада, ова е моја прва и последна изјава на таа тема. Благодарна сум на сите со кои сум соработувала, и благодарна за сето животно искуство што го стекнав преку оваа професија која со својата динамика и контакти со многу луѓе, разни приказни и искуства, ме направи богат човек“ вели таа за точка.ком.мк Инаку, Петреска работи во Македонската опера и балет и стана бренд амбасадор на еден центар за убавина.

ФОТО: Македонската пејачка со најкусо фустанче до сега

Дарко Андоновски — Sat, 05 May 2018 18:38:12 +0000

македонската пејачка Елена Петреска ги израдува фановите со нови фотографии на социјалните мрежи. Таа се фотографираше во ултра кратко фустанче. Мора да признаете изгледа одлично, погледнете.

When you doing nothing ?

A post shared by Elena Petreska (@elena__petreska) on May 4, 2018 at 4:13am PDT