Елена Рибакина – Kurir.mk

Онс Жабур е последната полуфиналистка на Вимблдон

Бошко Тасиќ — Wed, 12 Jul 2023 16:31:13 +0000

Онс Жабур стигна до последниот полуфинален билет на Вимблдон откако туниската тенисерка со одлична игра и пресврт стигна до победа од 2-1 над Рибакина. Овој дуел претставуваше реприза на ланското вимблдонско финале, а Жабур го искористи за да и се одмазди за Рибакина за поразот во битката за трофејот од пред 12 месеци. Бранителката на трофејот одлично го почна денешното четвртфинале и успеа да поведе со 1-0 во драматичниот прв сет што Рибакина го доби во тајбрејк. Таа потоа пропушти три брејк шанси при 2-2 во вториот сет, по што Жабур почна да игра се подобро. Туниската тенисерка ја искористи својата шанса во десеттиот гејм и стигна до брејк со 6-4, а потоа во решавачкиот сет ја збриша Рибакина со 6-1, за пласман во полуфиналето. Таму таа ќе се сретне со Сабаленка, која денеска славеше над Кис со 2-0 во сетови. Во втората полуфинална пресметка силите ќе ги одмерат Свитолина и Вондрусова.

Елена Рибакина е шампионка во Индијан Велс

Бошко Тасиќ — Mon, 20 Mar 2023 05:33:42 +0000

Елена Рибакина го освои ВТА 1000 турнирот во Индијан Велс, Калифорнија, откако го преживеа првиот луд сет во тај-брејк, за на крајот со 7:6(11)/6:4 да биде подобра од шампионката од Австралија опен, Белорусинката Арина Сабаленка. За Казахстанката ова е прва ВТА 1000 титула во кариерата. Сабаленка прва направи брејк во првиот сет, поведувајќи со 3:2, меѓутоа Рибакина се врати да израмни на 4:4, за потоа во драматичниот трај-брејк да победи со 13:11 и да го освои првиот сет по маратонски час и 20 минути игра. Во вториот сет, Рибакина веднаш направи брејк за да дојде во предност, и да го комплетира мечот за нешто повеќе од два часа.

Халеп против Рибакина во полуфинале на Вимблдон

Ивана Ефремовски — Wed, 06 Jul 2022 17:08:02 +0000

Романската тенисерка Симона Халеп се пласираше денеска во полуфиналето на Грен – слем турнирот во Вимблдон, откако ја совлада Американката Арманда Анисимова со 2-0 во сетови (6-2, 6-4). На 18. рангираната на ВТА листата и беа потребни еден час и пет минути игра за да ја совлада 25 рангираната Анисимова. Во полуфиналето Халеп ќе игра против Елена Рибакина од Казахстан, која претходно денеска беше поуспешна од Австралијанката Ајла Томљановиќ со 2-1 во сетови. (МИА)